ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਨੇ ਹਾਲ ਹੀ 'ਚ ਈਰਾਨ ਦੇ ਤਿੰਨ ਸੰਵੇਦਨਸ਼ੀਲ ਪ੍ਰਮਾਣੂ ਟਿਕਾਣਿਆਂ- ਫੋਰਡੋ, ਨਤਾਂਜ ਅਤੇ ਇਸਫਹਾਨ 'ਤੇ ਕੀਤੇ ਗਏ ਹਮਲਿਆਂ 'ਚ 5 ਅਜਿਹੇ ਹਥਿਆਰਾਂ ਨੂੰ ਤਾਇਨਾਤ ਕੀਤਾ, ਜਿਨ੍ਹਾਂ ਬਾਰੇ ਅਜੇ ਤਕ ਜਾਣਕਾਰੀ ਜਨਤਕ ਨਹੀਂ ਸੀ। ਇਸ ਆਪ੍ਰੇਸ਼ਨ ਨੂੰ 'ਮਿਡਨਾਈਟ ਹੈਮਰ' ਦਾ ਨਾਮ ਦਿੱਤਾ ਗਿਆ, ਜੋ ਤਕਨੀਕੀ ਤਾਲਮੇਲ, ਗੁਪਤ ਰਣਨੀਤੀ ਅਤੇ ਘਾਤਕ ਫਾਇਰਪਾਵਰ ਦੀ ਇੱਕ ਉਦਾਹਰਣ ਬਣ ਗਿਆ। ਵ੍ਹਾਈਟਮੈਨ ਏਅਰ ਫੋਰਸ ਬੇਸ ਤੋਂ ਉਡਾਣ ਭਰਨ ਵਾਲੇ ਬੀ-2 ਸਟੀਲਥ ਬੰਬਾਰ GBU-57 'ਮੈਸਿਵ ਆਰਡਨੈਂਸ ਪੈਨੇਟਰੇਟਰ' (MOP) ਨਾਲ ਲੈਸ ਸਨ। ਅਮਰੀਕੀ ਹਵਾਈ ਸੈਨਾ ਨੇ ਇਨ੍ਹਾਂ ਬੰਬਾਰਾਂ ਨੂੰ ਜ਼ਮੀਨੀ ਰਾਡਾਰਾਂ ਤੋਂ ਲੁਕਾਉਣ ਅਤੇ ਟੀਚਿਆਂ ਨੂੰ ਸਫਲਤਾਪੂਰਵਕ ਨਸ਼ਟ ਕਰਨ ਲਈ ਪੰਜ ਉੱਚ-ਤਕਨੀਕੀ ਹਥਿਆਰ ਵੀ ਤਿਆਰ ਰੱਖੇ ਸਨ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ 5 ਹਥਿਆਰਾਂ ਬਾਰੇ ਜੋ ਅਮਰੀਕਾ ਦੀਆਂ ਸਭ ਤੋਂ ਵੱਡੀਆਂ ਤਾਕਤਾਂ ਵਿੱਚੋਂ ਇੱਕ ਹਨ-
1. AGM-88E ਐਡਵਾਂਸਡ ਐਂਟੀ-ਰੇਡੀਏਸ਼ਨ ਗਾਈਡਿਡ ਮਿਜ਼ਾਈਲ (AARGM)
ਸਭ ਤੋਂ ਪਹਿਲਾਂ ਅਮਰੀਕੀ ਲੜਾਕੂ ਜਹਾਜ਼ਾਂ ਨੇ AGM-88E ਮਿਜ਼ਾਈਲਾਂ ਦੀ ਵਰਤੋਂ ਕਰਕੇ ਈਰਾਨੀ ਹਵਾਈ ਰੱਖਿਆ ਪ੍ਰਣਾਲੀ ਨੂੰ ਬੇਅਸਰ ਕਰ ਦਿੱਤਾ। ਇਹ ਮਿਜ਼ਾਈਲਾਂ ਦੁਸ਼ਮਣ ਦੇ ਰਾਡਾਰਾਂ ਅਤੇ ਸਤ੍ਹਾ ਤੋਂ ਹਵਾ ਪ੍ਰਣਾਲੀਆਂ ਨੂੰ ਨਿਸ਼ਾਨਾ ਬਣਾਉਂਦੀਆਂ ਹਨ। ਇਹ Mach 2 ਨਾਲੋਂ ਤੇਜ਼ੀ ਨਾਲ ਉੱਡਦੀਆਂ ਹਨ ਅਤੇ F/A-18, F-35A, F-16 ਅਤੇ EA-18 Growler ਵਰਗੇ ਜਹਾਜ਼ਾਂ ਤੋਂ ਲਾਂਚ ਕੀਤੀਆਂ ਜਾ ਸਕਦੀਆਂ ਹਨ।
2. ADM-160 ਮਿਨੀਏਚਰ ਏਅਰ-ਲਾਂਚਡ ਡੀਕੋਏ (MALD)
ADM-160 ਇੱਕ ਨਕਲੀ ਹਵਾਈ ਜਹਾਜ਼ ਵਰਗਾ ਸਿਸਟਮ ਹੈ ਜੋ ਦੁਸ਼ਮਣ ਰਾਡਾਰਾਂ ਨੂੰ ਉਲਝਾਉਣ ਲਈ ਤਿਆਰ ਕੀਤਾ ਗਿਆ ਹੈ। ਇਹ ਅਮਰੀਕੀ ਲੜਾਕੂ ਜਹਾਜ਼ਾਂ ਦੀ ਇੱਕ ਨਕਲੀ ਰਾਡਾਰ ਤਸਵੀਰ ਦਿਖਾਉਂਦਾ ਹੈ, ਜੋ ਦੁਸ਼ਮਣ ਹਵਾਈ ਰੱਖਿਆ ਪ੍ਰਣਾਲੀ ਨੂੰ ਅਸਲ ਨਿਸ਼ਾਨੇ ਦੀ ਪਛਾਣ ਕਰਨ ਤੋਂ ਰੋਕਦਾ ਹੈ। MALD-J ਸੰਸਕਰਣ ਵਿੱਚ ਰਾਡਾਰਾਂ ਨੂੰ ਜਾਮ ਕਰਨ ਦੀ ਸਮਰੱਥਾ ਵੀ ਹੈ।
3. AGM-158 ਜੁਆਇੰਟ ਏਅਰ-ਟੂ-ਸਰਫੇਸ ਸਟੈਂਡਆਫ ਮਿਜ਼ਾਈਲ (JASSM)
Lockheed Martin ਦੁਆਰਾ ਨਿਰਮਿਤ ਇਸ ਸਟੀਲਥ ਕਰੂਜ਼ ਮਿਜ਼ਾਈਲ ਨੂੰ ਕਾਰਵਾਈ ਦੌਰਾਨ ਬੈਕਅੱਪ ਹਥਿਆਰ ਵਜੋਂ ਵਰਤਿਆ ਗਿਆ ਸੀ। 926 ਕਿਲੋਮੀਟਰ ਦੀ ਰੇਂਜ ਅਤੇ 1,000 ਪੌਂਡ ਦੀ ਵਿਸਫੋਟਕ ਸਮਰੱਥਾ ਦੇ ਨਾਲ, ਇਹ ਮਿਜ਼ਾਈਲ ਦੂਰੋਂ ਹੀ ਭਾਰੀ ਮਜ਼ਬੂਤ ਦੁਸ਼ਮਣ ਦੇ ਟੀਚਿਆਂ ਨੂੰ ਨਿਸ਼ਾਨਾ ਬਣਾ ਸਕਦੀ ਹੈ।
4. AGM-154 ਜੁਆਇੰਟ ਸਟੈਂਡਆਫ ਵੈਪਨ (JSOW)
ਰੇਥੀਓਨ ਦੁਆਰਾ ਵਿਕਸਤ AGM-154 ਮਿਜ਼ਾਈਲ ਲੰਬੀ ਦੂਰੀ ਤੋਂ ਦੁਸ਼ਮਣ ਦੇ ਹਵਾਈ ਅੱਡੇ ਵਰਗੇ ਢਾਂਚੇ ਨੂੰ ਨਿਸ਼ਾਨਾ ਬਣਾਉਣ ਲਈ ਤਿਆਰ ਕੀਤੀ ਗਈ ਹੈ। ਇਸਨੂੰ F-18 ਅਤੇ ਹੋਰ ਜਹਾਜ਼ਾਂ ਤੋਂ ਲਾਂਚ ਕੀਤਾ ਜਾਂਦਾ ਹੈ। ਕਾਰਵਾਈ ਦੌਰਾਨ, ਇਸਨੂੰ ਸਿਰਫ ਇੱਕ ਬੈਕਅੱਪ ਵਜੋਂ ਰੱਖਿਆ ਗਿਆ ਸੀ ਕਿਉਂਕਿ ਈਰਾਨੀ ਲੜਾਕੂ ਜਹਾਜ਼ਾਂ ਨੇ ਉਡਾਨ ਨਹੀਂ ਭਰੀ।
5. EA-18G ਗ੍ਰੋਲਰ: ਇਲੈਕਟ੍ਰਾਨਿਕ ਯੁੱਧ ਦਾ ਮਾਸਟਰ
F/A-18 Super Hornet ਦਾ ਇਲੈਕਟ੍ਰਾਨਿਕ ਰੂਪ, EA-18G Growler, ਦੁਸ਼ਮਣ ਰਾਡਾਰ ਅਤੇ ਸੰਚਾਰ ਪ੍ਰਣਾਲੀਆਂ ਨੂੰ ਜਾਮ ਕਰਨ ਦਾ ਕੰਮ ਕਰਦਾ ਸੀ। ਇਹ ਲਗਾਤਾਰ ਇਲੈਕਟ੍ਰਾਨਿਕ ਯੁੱਧ ਮਿਸ਼ਨਾਂ 'ਤੇ ਸੀ ਅਤੇ B-2 ਬੰਬਾਰਾਂ ਦੇ ਉਡਾਣ ਮਾਰਗ ਨੂੰ 'ਸਾਫ਼' ਕਰਦਾ ਰਿਹਾ। ਇਸ ਵਿੱਚ AIM-120 ਅਤੇ AGM-88 ਵਰਗੀਆਂ ਮਿਜ਼ਾਈਲਾਂ ਤਾਇਨਾਤ ਕੀਤੀਆਂ ਗਈਆਂ ਸਨ।
ਜੇ ਤੀਜਾ ਵਿਸ਼ਵ ਯੁੱਧ ਹੁੰਦੈ ਤਾਂ ਜਾਣੋ ਕਿਹੜਾ ਦੇਸ਼ ਰਹੇਗਾ ਸਭ ਤੋਂ ਸੁਰੱਖਿਅਤ
NEXT STORY 
