ਇਸਲਾਮਾਬਾਦ (ਭਾਸ਼ਾ)- ਪਾਕਿਸਤਾਨ ਦੀ ਸਿਵਲ ਐਵੀਏਸ਼ਨ ਅਥਾਰਟੀ ਦੇ ਇਕ ਕਰਮਚਾਰੀ ਨੇ ਸ਼ੁੱਕਰਵਾਰ ਨੂੰ ਸਰਕਾਰ ਵਲੋਂ ਇਕ ਵਾਰ ਫਿਰ ਤੇਲ ਦੀਆਂ ਕੀਮਤਾਂ ਵਿਚ ਵਾਧਾ ਕੀਤੇ ਜਾਣ ਤੋਂ ਬਾਅਦ ਕੰਮ 'ਤੇ ਜਾਣ ਲਈ ਗਧਾ-ਗੱਡੀ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਮੰਗੀ। ਅਖ਼ਬਾਰ ਡਾਨ ਦੀ ਰਿਪੋਰਟ ਮੁਤਾਬਕ ਰਾਜਾ ਆਸਿਫ ਇਕਬਾਲ ਨੇ ਸ਼ਹਿਰੀ ਹਵਾਬਾਜ਼ੀ ਅਥਾਰਟੀ (CAA) ਦੇ ਡਾਇਰੈਕਟਰ ਜਨਰਲ ਨੂੰ ਲਿਖੇ ਪੱਤਰ ਵਿੱਚ ਕਿਹਾ ਹੈ ਕਿ ਮਹਿੰਗਾਈ ਨੇ ਨਾ ਸਿਰਫ਼ ਗਰੀਬਾਂ ਦੀ ਕਮਰ ਤੋੜ ਦਿੱਤੀ ਹੈ, ਸਗੋਂ ਮੱਧ ਵਰਗ ਦੀ ਵੀ ਕਮਰ ਤੋੜ ਦਿੱਤੀ ਹੈ।
ਇਕਬਾਲ 25 ਸਾਲਾਂ ਤੋਂ ਸੀ.ਏ.ਏ. ਅਤੇ ਹੁਣ ਇਸਲਾਮਾਬਾਦ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਕੰਮ ਕਰ ਰਿਹਾ ਹੈ। ਖਬਰਾਂ ਦੇ ਅਨੁਸਾਰ, ਉਸ ਨੇ ਸੀ.ਏ.ਏ. ਪਾਰਕਿੰਗ ਵਿੱਚ ਇੱਕ ਗਧਾ-ਗੱਡੀ ਲਗਾਉਣ ਦੀ ਇਜਾਜ਼ਤ ਮੰਗੀ ਹੈ। ਮੁਲਾਜ਼ਮ ਨੇ ਕਿਹਾ ਹੈ ਕਿ ਇਸ ਮਹਿੰਗਾਈ ਵਿੱਚ ਜਥੇਬੰਦੀ ਨੇ ਟਰਾਂਸਪੋਰਟ ਦੀ ਸਹੂਲਤ ਬੰਦ ਕਰ ਦਿੱਤੀ ਹੈ। ਪੈਟਰੋਲ ਦੀਆਂ ਵਧਦੀਆਂ ਕੀਮਤਾਂ ਨੇ ਪ੍ਰਾਈਵੇਟ ਟਰਾਂਸਪੋਰਟ ਦੀ ਵਰਤੋਂ ਕਰਨਾ ਅਸੰਭਵ ਬਣਾ ਦਿੱਤਾ ਹੈ। ਉਸ ਨੇ ਕਿਹਾ ਕਿ ਕਿਰਪਾ ਕਰਕੇ ਮੈਨੂੰ ਆਪਣੀ ਗਧੀ-ਗੱਡੀ ਨੂੰ ਏਅਰਪੋਰਟ ਲਿਆਉਣ ਦੀ ਇਜਾਜ਼ਤ ਦਿਓ। ਹਾਲਾਂਕਿ, ਸੀਏਏ ਦੇ ਬੁਲਾਰੇ ਸੈਫੁੱਲਾ ਖਾਨ ਨੇ ਕਿਹਾ ਕਿ ਹਰ ਕਰਮਚਾਰੀ ਨੂੰ ਬਾਲਣ ਭੱਤਾ ਦਿੱਤਾ ਜਾਂਦਾ ਹੈ। ਉਹਨਾਂ ਮੁਤਾਬਕ ਕਰਮਚਾਰੀਆਂ ਨੂੰ ਪਿਕ-ਐਂਡ-ਡ੍ਰੌਪ ਸੇਵਾ ਪ੍ਰਦਾਨ ਕੀਤੀ ਜਾਂਦੀ ਹੈ। ਕਰਮਚਾਰੀਆਂ ਲਈ ਹਵਾਈ ਅੱਡੇ 'ਤੇ ਇੱਕ ਮੈਟਰੋ ਬੱਸ ਸੇਵਾ ਵੀ ਉਪਲਬਧ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਪਾਕਿ : ਹਿੰਦੂ ਨਾਬਾਲਗਾ ਦਾ ਜ਼ਬਰਦਸਤੀ ਧਰਮ ਪਰਿਵਰਤਨ, ਫਿਰ ਅਗਵਾ ਕਰਤਾ ਨਾਲ ਕਰ ਦਿੱਤਾ ਨਿਕਾਹ
ਖਾਨ ਨੇ ਕਿਹਾ ਕਿ ਸਬੰਧਤ ਪੱਤਰ "ਮੀਡੀਆ ਸਟੰਟ ਤੋਂ ਵੱਧ ਕੁਝ ਨਹੀਂ" ਹੈ। ਸਰਕਾਰ ਨੇ ਆਖਰੀ ਵਾਧੇ ਦੇ ਇਕ ਹਫ਼ਤੇ ਬਾਅਦ ਸ਼ੁੱਕਰਵਾਰ ਨੂੰ ਇਕ ਵਾਰ ਫਿਰ ਤੇਲ ਦੀਆਂ ਕੀਮਤਾਂ ਵਿਚ ਵਾਧਾ ਕੀਤਾ ਹੈ। ਪੈਟਰੋਲ ਹੁਣ 209.86 ਰੁਪਏ ਪ੍ਰਤੀ ਲੀਟਰ ਅਤੇ ਡੀਜ਼ਲ 204.15 ਰੁਪਏ ਪ੍ਰਤੀ ਲੀਟਰ ਹੈ। ਵਿੱਤ ਮੰਤਰੀ ਮਿਫਤਾ ਇਸਮਾਈਲ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ਉਹ ਪਿਛਲੀ ਇਮਰਾਨ ਖਾਨ ਦੀ ਅਗਵਾਈ ਵਾਲੀ ਸਰਕਾਰ ਦੇ "ਗਲਤ ਫ਼ੈਸਲਿਆਂ" ਕਾਰਨ ਦੇਸ਼ ਨੂੰ ਦੀਵਾਲੀਆ ਨਹੀਂ ਹੋਣ ਦੇ ਸਕਦੇ ਸਨ ਕਿਉਂਕਿ ਅੰਤਰਰਾਸ਼ਟਰੀ ਕੀਮਤਾਂ ਵਧ ਰਹੀਆਂ ਸਨ ਅਤੇ ਸਰਕਾਰ ਨੂੰ ਪ੍ਰਤੀ ਮਹੀਨਾ 120 ਰੁਪਏ ਦੇ ਕਰੀਬ ਭੁਗਤਾਨ ਕਰਨਾ ਪੈਂਦਾ ਸੀ। ਪੈਟਰੋਲੀਅਮ ਸਬਸਿਡੀਆਂ ਨਾਲ 130 ਅਰਬ ਰੁਪਏ ਦਾ ਨੁਕਸਾਨ ਹੋਇਆ ਹੈ।
ਆਸਟ੍ਰੇਲੀਆ 'ਚ ਮੰਕੀਪਾਕਸ ਦੇ 'ਤੀਜੇ' ਕੇਸ ਦੀ ਪੁਸ਼ਟੀ
NEXT STORY 
