ਇੰਟਰਨੈਸ਼ਨਲ ਡੈਸਕ- ਤੀਬਰ ਸੂਰਜੀ ਤੂਫਾਨ ਕਾਰਨ, ਰੂਸ, ਯੂਕ੍ਰੇਨ, ਜਰਮਨੀ, ਸਲੋਵੇਨੀਆ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਵਿੱਚ ਅਰੋਰਾ ਬੋਰੇਲਿਸ ਦੇ ਸ਼ਾਨਦਾਰ ਦ੍ਰਿਸ਼ ਦੇਖੇ ਗਏ। ਇਸ ਕਾਰਨ ਆਸਮਾਨ ਦਾ ਰੰਗ ਹਰਾ, ਜਾਮਨੀ, ਲਾਲ ਅਤੇ ਨੀਲਾ ਹੋ ਗਿਆ। ਇਸ ਤੋਂ ਪਹਿਲਾਂ 10 ਮਈ ਨੂੰ ਅਰੋਰਾ ਬ੍ਰਿਟੇਨ, ਨੀਦਰਲੈਂਡ, ਪੋਲੈਂਡ, ਰੋਮਾਨੀਆ ਅਤੇ ਉੱਤਰੀ ਆਇਰਲੈਂਡ ਸਮੇਤ ਕਈ ਦੇਸ਼ਾਂ 'ਚ ਦਿਖਾਈ ਦਿੱਤਾ ਸੀ। ਕਈ ਰੰਗਾਂ ਨਾਲ ਸਜੇ ਆਸਮਾਨ ਦੀਆਂ ਤਸਵੀਰਾਂ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਔਰੋਰਾ ਬੋਰੇਲਿਸ ਨੂੰ ਉੱਤਰੀ ਲਾਈਟਾਂ ਵਜੋਂ ਵੀ ਜਾਣਿਆ ਜਾਂਦਾ ਹੈ।
ਪੁਲਾੜ ਏਜੰਸੀ ਨੇ ਦਿੱਤੀ ਇਹ ਜਾਣਕਾਰੀ
ਯੂਨਾਈਟਿਡ ਕਿੰਗਡਮ (ਯੂ.ਕੇ.) ਪੁਲਾੜ ਏਜੰਸੀ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ, 'ਸੂਰਜ ਤੋਂ ਹਾਲ ਹੀ ਦੇ ਕੋਰੋਨਲ ਮਾਸ ਇਜੈਕਸ਼ਨ (ਸੀ.ਐਮ.ਈ) ਕਾਰਨ ਆਉਣ ਵਾਲੀਆਂ ਰਾਤਾਂ ਵਿੱਚ ਉੱਤਰੀ ਲਾਈਟਾਂ ਦੇ ਸਾਡੇ ਆਸਮਾਨ ਨੂੰ ਛੂਹਣ ਦੀ ਸੰਭਾਵਨਾ ਵੱਧ ਗਈ ਹੈ।' ਨੈਸ਼ਨਲ ਓਸ਼ੀਅਨ ਅਤੇ ਵਾਯੂਮੰਡਲ ਅਨੁਸਾਰ ਸੂਰਜ ਤੋਂ ਸੂਰਜੀ ਫਲੇਅਰਾਂ ਅਤੇ ਸੀ.ਐਮ.ਈਜ਼ ਦੀ ਇੱਕ ਲੜੀ ਵਿੱਚ ਚਮਕਦਾਰ ਅਰੋਰਾ ਪੈਦਾ ਕਰਨ ਦੀ ਸਮਰੱਥਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਅਰੋੜਾ ਦਾ ਅਜਿਹਾ ਨਜ਼ਾਰਾ ਜਨਵਰੀ 2005 ਤੋਂ ਬਾਅਦ ਪਹਿਲੀ ਵਾਰ ਦੇਖਿਆ ਗਿਆ ਹੈ।
ਇਸ ਕਾਰਨ ਬਣਦਾ ਹੈ ਇਹ Aurora Borealis
ਔਰੋਰਾ ਬੋਰੇਲਿਸ ਇੱਕ ਕੁਦਰਤੀ ਵਰਤਾਰਾ ਹੈ ਜੋ ਸੂਰਜ ਦੇ ਭੂ-ਚੁੰਬਕੀ ਤੂਫਾਨਾਂ ਕਾਰਨ ਹੁੰਦਾ ਹੈ। ਵਿਗਿਆਨੀਆਂ ਦੁਆਰਾ ਕੀਤੇ ਗਏ ਅਧਿਐਨਾਂ ਅਨੁਸਾਰ ਇਹ ਇਲੈਕਟ੍ਰੋਨ ਅਤੇ ਪਲਾਜ਼ਮਾ ਤਰੰਗਾਂ ਦੇ ਇਕੱਠੇ ਆਉਣ ਤੋਂ ਪੈਦਾ ਹੁੰਦਾ ਹੈ। ਇਲੈਕਟ੍ਰੌਨਾਂ ਅਤੇ ਪਲਾਜ਼ਮਾ ਤਰੰਗਾਂ ਨੂੰ ਮਿਲਣ ਦੀ ਇਹ ਪ੍ਰਕਿਰਿਆ ਧਰਤੀ ਦੇ ਚੁੰਬਕੀ ਖੇਤਰ ਵਿੱਚ ਵਾਪਰਦੀ ਹੈ। ਬਾਹਰੀ ਵਾਯੂਮੰਡਲ ਤੋਂ ਧਰਤੀ ਵਿੱਚ ਦਾਖਲ ਹੋਣ ਵਾਲੇ ਇਲੈਕਟ੍ਰੋਨ ਅਤੇ ਪ੍ਰੋਟੋਨ ਧਰਤੀ ਦੇ ਉਪਰਲੇ ਵਾਯੂਮੰਡਲ ਦੇ ਕਣਾਂ ਨਾਲ ਟਕਰਾ ਜਾਂਦੇ ਹਨ ਅਤੇ ਇਸਦੇ ਅਣੂਆਂ ਅਤੇ ਪਰਮਾਣੂਆਂ ਨੂੰ ਉਤੇਜਿਤ ਕਰਦੇ ਹਨ, ਜਿਸ ਨਾਲ ਔਰੋਰਾ ਬੋਰੇਲਿਸ ਪੈਦਾ ਹੁੰਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਹਰਦੀਪ ਸਿੰਘ ਨਿੱਝਰ ਕਤਲ ਕੇਸ 'ਚ ਕੈਨੇਡਾ 'ਚ ਚੌਥਾ ਭਾਰਤੀ ਨਾਗਰਿਕ ਗ੍ਰਿਫ਼ਤਾਰ
NEXT STORY 
