ਇੰਟਰਨੈਸ਼ਨਲ ਡੈਸਕ- ਤੁਸੀਂ ਅੱਜ ਤੱਕ ਬਹੁਤ ਸਾਰੇ ਭਗਤਾਂ ਨੂੰ ਦੇਖਿਆ ਹੋਵੇਗਾ। ਸਾਵਣ ਮਹੀਨੇ ਤੁਸੀਂ ਕਈ ਵਾਰ ਬਹੁਤ ਸਾਰੇ ਸ਼ਿਵ ਭਗਤਾਂ ਨੂੰ ਦੇਖਿਆ ਹੋਵੇਗਾ ਜੋ ਭਾਰੀ ਕਾਂਵੜ ਲੈ ਕੇ ਯਾਤਰਾ ਕਰਦੇ ਦੇਖੇ ਜਾਂਦੇ ਹਨ। ਇਸ ਦੌਰਾਨ ਰਾਜਸਥਾਨ ਦੇ ਸਵਾਈ ਮਾਧੋਪੁਰ ਦੇ ਰਣਥੰਭੌਰ ਸਥਿਤ ਸੀਤਾ ਮਾਤਾ ਦੇ ਮੰਦਰ ਦੇ ਦਰਸ਼ਨ ਕਰਨ ਆਏ ਸ਼ਰਧਾਲੂ ਦੀ ਵੀ ਕਾਫੀ ਚਰਚਾ ਹੋ ਰਹੀ ਹੈ। ਇਸ ਮੰਦਰ ’ਚ ਹਰ ਰੋਜ਼ ਸਵੇਰੇ ਸੱਤ ਵਜੇ ਖਾਸ ਸ਼ਰਧਾਲੂ ਆਉਂਦੇ ਹਨ। ਇਹ ਸ਼ਰਧਾਲੂ ਹੋਰ ਕੋਈ ਨਹੀਂ ਸਗੋਂ ਇਕ ਜੰਗਲੀ ਭਾਲੂ ਹੈ। ਭਾਲੂ ਨੂੰ ਦੇਖ ਕੇ ਉਥੇ ਭੜਥੂ ਮਚ ਗਿਆ। ਇਸ ਨੂੰ ਹਰ ਵਾਰ ਭਜਾਇਆ ਜਾਂਦਾ ਹੈ ਪਰ ਭਾਲੂ ਵਾਰ-ਵਾਰ ਉੱਥੇ ਆਉਂਦਾ ਹੈ।
ਅੱਜ ਸਵੇਰੇ ਵੀ ਇਕ ਭਾਲੂ ਮੰਦਰ ਦੇ ਨੇੜੇ ਆ ਗਿਆ ਜਿਸ ਕਾਰਨ ਉੱਥੇ ਭੜਥੂ ਮਚ ਗਿਆ। ਮੰਦਰ ਦੀ ਚਾਰਦੀਵਾਰੀ ਨੇੜੇ ਭਾਲੂ ਦੇ ਆਉਣ ਕਾਰਨ ਮੰਦਰ ਨੂੰ ਆਉਣ ਵਾਲੇ ਸ਼ਰਧਾਲੂਆਂ ਦੇ ਰਾਹ ’ਚ ਅੜਿੱਕੇ ਪੈ ਗਏ। ਭਾਲੂ ਨੂੰ ਮੰਦਰ ਦੀਆਂ ਪੌੜੀਆਂ ਕੋਲ ਬੈਠਾ ਦੇਖਿਆ ਗਿਆ। ਜਿਵੇਂ ਹੀ ਮੰਦਰ 'ਚ ਮੌਜੂਦ ਲੋਕਾਂ ਨੂੰ ਭਾਲੂ ਦੇ ਆਉਣ ਦਾ ਪਤਾ ਲੱਗਾ ਤਾਂ ਉਹ ਮੰਦਰ ਦੇ ਅੰਦਰ ਹੀ ਰਹਿ ਗਏ। ਉੱਥੇ ਪਹਾੜੀ ਦੇ ਹੇਠਾਂ ਤੋਂ ਮੰਦਰ ’ਚ ਜਾਣ ਵਾਲੇ ਲੋਕ ਵੀ ਹੇਠਾਂ ਖੜ੍ਹੇ ਰਹੇ। ਲੋਕਾਂ ਨੇ ਤੁਰੰਤ ਇਸ ਦੀ ਸੂਚਨਾ ਜੰਗਲਾਤ ਵਿਭਾਗ ਨੂੰ ਦਿੱਤੀ ਜਿਸ ਤੋਂ ਬਾਅਦ ਉਹ ਮੌਕੇ 'ਤੇ ਪੁੱਜੇ ਪਰ ਭਾਲੂ ਨੂੰ ਫੜ ਨਹੀਂ ਸਕਿਆ।
ਹਫੜਾ-ਦਫੜੀ ਮੱਚ ਗਈ
ਸੂਚਨਾ ਮਿਲਦੇ ਹੀ ਜੰਗਲਾਤ ਵਿਭਾਗ ਦੀ ਟੀਮ ਮੌਕੇ 'ਤੇ ਪੁੱਜੀ ਅਤੇ ਭਾਲੂ ਦੀ ਭਾਲ ਅਤੇ ਨਿਗਰਾਨੀ ਸ਼ੁਰੂ ਕਰ ਦਿੱਤੀ। ਰਣਥੰਭੌਰ ਦੇ ਫਲੋਦੀ ਰੇਂਜਰ ਵਿਸ਼ਨੂੰ ਗੁਪਤਾ ਨੇ ਦੱਸਿਆ ਕਿ ਰਣਥੰਬੌਰ ਦੇ ਨੀਮਲੀ ਇਲਾਕੇ 'ਚ ਸਥਿਤ ਸੀਤਾ ਮਾਤਾ ਮੰਦਰ ਦੇ ਕੋਲ ਭਾਲੂ ਦੇ ਆਉਣ ਦੀ ਸੂਚਨਾ ਮਿਲੀ ਸੀ। ਇਸ ਤੋਂ ਬਾਅਦ ਟੀਮ ਮੌਕੇ 'ਤੇ ਪਹੁੰਚ ਗਈ। ਜੰਗਲਾਤ ਵਿਭਾਗ ਦੀ ਟੀਮ ਨੇ ਭਾਲੂ ਦੀ ਨਿਗਰਾਨੀ ਅਤੇ ਟਰੈਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੌਰਾਨ ਚੌਕਸੀ ਵਜੋਂ ਜੰਗਲਾਤ ਵਿਭਾਗ ਦੀ ਟੀਮ ਨੇ ਸੀਤਾ ਮਾਤਾ ਮੰਦਰ ਜਾਣ ਵਾਲੇ ਸ਼ਰਧਾਲੂਆਂ ਨੂੰ ਰੋਕ ਦਿੱਤਾ ਜਿਸ ਕਾਰਨ ਲਗਭਗ ਢਾਈ ਘੰਟੇ ਤੱਕ ਮੰਦਰ ’ਚ ਸ਼ਰਧਾਲੂਆਂ ਦੀ ਆਵਾਜਾਈ ਬੰਦ ਰਹੀ।
ਭੱਜ ਕੇ ਜੰਗਲ ’ਚ ਚਲਾ ਗਿਆ
ਜੰਗਲਾਤ ਵਿਭਾਗ ਦੇ ਅਧਿਕਾਰੀਆਂ ਦੇ ਆਉਣ ਤੋਂ ਬਾਅਦ ਭਾਲੂ ਨੇ ਜੰਗਲ ਦਾ ਰੁਖ ਕਰ ਲਿਆ ਪਰ ਕੁਝ ਸਮੇਂ ਬਾਅਦ ਭਾਲੂ ਵਾਪਸ ਉਸੇ ਥਾਂ 'ਤੇ ਆ ਗਿਆ ਜਿਸ ਕਾਰਨ ਜੰਗਲਾਤ ਵਿਭਾਗ ਦੀ ਟੀਮ ਨੇ ਮੌਕੇ 'ਤੇ ਬਚਾਅ ਟੀਮ ਨੂੰ ਸੱਦਿਆ। ਇਸ ਤੋਂ ਬਾਅਦ ਜੰਗਲਾਤ ਵਿਭਾਗ ਦੀ ਟੀਮ ਭਾਲੂ 'ਤੇ ਨਜ਼ਰ ਰੱਖ ਰਹੀ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਜੇਕਰ ਭਾਲੂ ਦੁਬਾਰਾ ਜੰਗਲ ਵੱਲ ਨਹੀਂ ਜਾਂਦਾ ਤਾਂ ਉਸ ਨੂੰ ਰੈਸਕਿਊ ’ਚ ਕੀਤਾ ਜਾਵੇਗਾ। ਟੀਮ ਲਗਾਤਾਰ ਮੰਦਰ 'ਚ ਮੌਜੂਦ ਹੈ ਤਾਂ ਜੋ ਸ਼ਰਧਾਲੂਆਂ ਨੂੰ ਕਿਸੇ ਤਰ੍ਹਾਂ ਦੀ ਪ੍ਰੇਸ਼ਾਨੀ ਅਤੇ ਖਤਰੇ ਦਾ ਸਾਹਮਣਾ ਨਾ ਕਰਨਾ ਪਵੇ। ਸੂਚਨਾ ਮਿਲਣ ਤੱਕ ਜੰਗਲਾਤ ਵਿਭਾਗ ਦੀ ਟੀਮ ਬਚਾਅ ਟੀਮ ਦੇ ਨਾਲ ਮੌਜੂਦ ਸੀ।
ਕੋਲਕਾਤਾ 'ਚ ਆਪਣਾ ਧਿਆਨ ਰੱਖਣ ਆਸਟ੍ਰੇਲੀਆਈ ਨਾਗਰਿਕ, ਐਡਵਾਇਜ਼ਰੀ ਜਾਰੀ
NEXT STORY 
