ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਤੋਂ ਇਕ ਸਨਸਨੀਖੇਜ਼ ਖ਼ਬਰ ਪ੍ਰਾਪਤ ਹੋਈ ਹੈ, ਜਿੱਥੋਂ ਦੇ ਕੈਲੀਫੋਰਨੀਆ ਵਿੱਚ ਸੋਮਵਾਰ ਨੂੰ ਇੱਕ ਹਾਈ ਸਪੀਡ ਪੁਲਸ ਚੇਜ਼ ਉਦੋਂ ਖ਼ਤਮ ਹੋ ਗਈ, ਜਦੋਂ ਇੱਕ ਮੋਟਰਸਾਈਕਲ ਸਵਾਰ ਸ਼ੱਕੀ, ਜਿਸ 'ਤੇ ਸੈਨ ਬਰਨਾਰਡੀਨੋ ਕਾਉਂਟੀ ਸ਼ੈਰਿਫ ਦੇ ਡਿਪਟੀ ਐਂਡਰਿਊ ਨੂਨੇਜ਼ ਨੂੰ ਗੋਲੀ ਮਾਰਨ ਦਾ ਦੋਸ਼ ਸੀ, 210 ਫ੍ਰੀਵੇਅ 'ਤੇ ਇੱਕ ਕਾਰ ਨਾਲ ਟਕਰਾ ਗਿਆ। ਇਸ ਵਿਅਕਤੀ ਨੂੰ ਓਨਟਾਰੀਓ ਨੇੜੇ ਕਾਬੂ ਕਰ ਲਿਆ ਗਿਆ।
ਅਧਿਕਾਰੀਆਂ ਨੇ ਦੱਸਿਆ ਕਿ ਸ਼ੱਕੀ ਰੈਂਚੋ ਕੁਕਾਮੋਂਗਾ ਵਿੱਚ ਇੱਕ ਸੰਭਾਵੀ ਘਰੇਲੂ ਹਿੰਸਾ ਦੀ ਘਟਨਾ ਦੇ ਸਬੰਧ ਵਿੱਚ ਵਾਂਟੇਡ ਸੀ। ਜਦੋਂ ਡਿਪਟੀ ਲਗਭਗ 1:30 ਵਜੇ (ਅਮਰੀਕੀ ਸਮੇਂ ਅਨੁਸਾਰ) ਜਵਾਬ ਦੇਣ ਪਹੁੰਚੇ ਤਾਂ ਉਨ੍ਹਾਂ ਵਿੱਚੋਂ ਇੱਕ, ਜਿਸ ਦੀ ਪਛਾਣ ਡਿਪਟੀ ਐਂਡਰਿਊ ਨੂਨੇਜ਼ ਵਜੋਂ ਹੋਈ, ਨੂੰ ਗੋਲੀ ਮਾਰ ਦਿੱਤੀ ਗਈ ਅਤੇ ਉਸ ਦੀ ਮੌਤ ਹੋ ਗਈ।
ਗੋਲੀਬਾਰੀ ਵਾਲੀ ਥਾਂ 'ਤੇ, ਰੈਂਚੋ ਕੁਕਾਮੋਂਗਾ ਵਿੱਚ 12300 ਬਲਾਕ ਆਫ ਹੋਲੀਕਾਕ ਵਿਖੇ, ਇੱਕ ਖੂਨ ਨਾਲ ਲਿਬੜੀ ਹੋਈ ਵੈਸਟ (bloody vest) ਅਤੇ ਇੱਕ ਗਸ਼ਤੀ ਗੱਡੀ (patrol vehicle) ਜਿਸ ਦੀ ਖਿੜਕੀ ਟੁੱਟੀ ਹੋਈ ਸੀ, ਦੇਖੀ ਗਈ।
ਇਹ ਵੀ ਪੜ੍ਹੋ- ਨੌਜਵਾਨ ਦਾ ਸ਼ਰਮਨਾਕ ਕਾਰਾ ! ਖ਼ੁਦ ਨੂੰ ਫੌਜੀ ਅਧਿਕਾਰੀ ਦੱਸ ਕੇ ਮਹਿਲਾ ਡਾਕਟਰ ਦੀ ਰੋਲ਼ੀ ਪੱਤ
ਗੋਲ਼ੀ ਚਲਾਉਣ ਮਗਰੋਂ ਗੰਨਮੈਨ ਇੱਕ ਮੋਟਰਸਾਈਕਲ 'ਤੇ ਭੱਜ ਗਿਆ। ਪੁਲਸ ਵੱਲੋਂ ਪਿੱਛਾ ਕੀਤੇ ਜਾਣ ਮਗਰੋਂ ਸ਼ੱਕੀ ਨੇ ਕਾਫ਼ੀ ਤੇਜ਼ ਰਫ਼ਤਾਰ ਨਾਲ ਬਾਈਕ ਚਲਾਈ ਤੇ 210 ਫ੍ਰੀਵੇਅ 'ਤੇ ਰੌਂਗ ਸਾਈਡ ਤੋਂ ਬਾਈਕ ਚਲਾਈ। ਲਗਭਗ ਪੰਜ ਮਿੰਟਾਂ ਬਾਅਦ ਸ਼ੱਕੀ ਓਂਟਾਰੀਓ ਵਿੱਚ ਐਗਜ਼ਿਟ 56 ਨੇੜੇ ਪੂਰਬੀ ਲੇਨਾਂ 'ਤੇ ਇੱਕ ਕਾਰ ਨਾਲ ਟਕਰਾ ਗਿਆ, ਜਿਸ ਕਾਰਨ ਮੋਟਰਸਾਈਕਲ ਪਲਟ ਗਿਆ ਅਤੇ ਸਵਾਰ ਸੜਕ 'ਤੇ ਡਿੱਗ ਗਿਆ।
ਹਾਦਸੇ ਵਾਲੀ ਥਾਂ ਤੋਂ ਇੱਕ ਹਥਿਆਰ (firearm) ਵੀ ਬਰਾਮਦ ਕਰ ਲਿਆ ਗਿਆ ਹੈ। ਸ਼ੱਕੀ ਨੂੰ ਗਰਦਨ ਦੇ ਬ੍ਰੇਸ (neck brace) ਪਾਏ ਦੇਖਿਆ ਗਿਆ ਹੈ। ਐਮਰਜੈਂਸੀ ਕਰਮਚਾਰੀਆਂ ਨੇ ਉਸ ਨੂੰ ਮੁੱਢਲੀ ਸਹਾਇਤਾ ਦਿੱਤੀ ਅਤੇ ਉਸ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਅਧਿਕਾਰੀਆਂ ਨੇ ਅਜੇ ਤੱਕ ਸ਼ੱਕੀ ਦੀ ਪਛਾਣ ਜਾਂ ਉਸ ਦੀਆਂ ਸੱਟਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ।
ਇਹ ਵੀ ਪੜ੍ਹੋ- ਵੱਡੀ ਖ਼ਬਰ ; ਮਸ਼ਹੂਰ ਹਸਪਤਾਲ ਹੋ ਗਿਆ ਸੀਲ ! ਡਾਕਟਰ ਦਾ ਕਾਰਾ ਜਾਣ ਰਹਿ ਜਾਓਗੇ ਦੰਗ
ਜ਼ਮੀਨ ਤੋਂ 350 ਮੀਟਰ ਉੱਪਰ ਬਣੇਗਾ ਦੁਨੀਆ ਦਾ ਪਹਿਲਾ ‘ਸਕਾਈ ਸਟੇਡੀਅਮ’, ਜਾਣੋ ਖ਼ਾਸੀਅਤ
NEXT STORY 
