ਬੀਜਿੰਗ/ਸ਼ੰਘਾਈ: ਆਮ ਤੌਰ 'ਤੇ ਸੌਂਦੇ ਸਮੇਂ ਖਰ੍ਹਾਟੇ ਲੈਣਾ ਕੋਈ ਵੱਡੀ ਗੱਲ ਨਹੀਂ ਮੰਨੀ ਜਾਂਦੀ, ਪਰ ਚੀਨ ਵਿੱਚ ਰਹਿਣ ਵਾਲੇ ਇੱਕ 6 ਸਾਲਾ ਬੱਚੇ ਲਈ ਇਹ ਗੰਭੀਰ ਚਿੰਤਾ ਦਾ ਵਿਸ਼ਾ ਬਣ ਗਿਆ। ਛੋਟੇ ਬੱਚੇ ਸ਼ਿਆਓਲੀਅੰਗ ਨੂੰ ਪਿਛਲੇ ਛੇ ਮਹੀਨਿਆਂ ਤੋਂ ਨਾ ਸਿਰਫ ਤੇਜ਼ ਖਰ੍ਹਾਟੇ ਆ ਰਹੇ ਸਨ, ਬਲਕਿ ਉਹ ਠੀਕ ਤਰ੍ਹਾਂ ਖਾਣਾ ਵੀ ਨਹੀਂ ਖਾ ਪਾ ਰਿਹਾ ਸੀ ਅਤੇ ਸਿਰਫ਼ ਨਰਮ ਭੋਜਨ ਹੀ ਲੈ ਰਿਹਾ ਸੀ। ਜਦੋਂ ਉਸਦੀ ਮਾਂ ਉਸਨੂੰ ਹਸਪਤਾਲ ਲੈ ਕੇ ਗਈ, ਤਾਂ ਡਾਕਟਰਾਂ ਨੇ ਜੋ ਖੁਲਾਸਾ ਕੀਤਾ ਉਹ ਹੈਰਾਨ ਕਰਨ ਵਾਲਾ ਸੀ।
ਸਥਾਨਕ ਹਸਪਤਾਲ ਵਿੱਚ ਜਾਂਚ ਦੌਰਾਨ ਬੱਚੇ ਦੇ ਗਲੇ ਵਿੱਚ ਆਂਡੇ ਦੇ ਆਕਾਰ ਦਾ ਟਿਊਮਰ ਪਾਇਆ ਗਿਆ। ਜਦੋਂ ਉਸਨੂੰ ਸ਼ੰਘਾਈ ਦੇ ਚਿਲਡਰਨ ਹਸਪਤਾਲ ਲਿਜਾਇਆ ਗਿਆ, ਤਾਂ ਸ਼ੁਰੂਆਤੀ ਜਾਂਚ ਵਿੱਚ ਡਾਕਟਰਾਂ ਨੇ ਦੱਸਿਆ ਕਿ ਬੱਚੇ ਦੇ ਗਲੇ ਵਿੱਚ ਇੱਕ ਭਰੂਣ ਪਲ ਰਿਹਾ ਹੈ, ਜੋ ਸ਼ਾਇਦ ਉਸਦਾ ਅਣਵਿਕਸਿਤ ਜੁੜਵਾਂ ਭਰਾ ਹੋ ਸਕਦਾ ਹੈ। ਇਹ ਸੁਣ ਕੇ ਮਾਪੇ ਪੂਰੀ ਤਰ੍ਹਾਂ ਹੈਰਾਨ ਰਹਿ ਗਏ।
ਅਸਲ ਬਿਮਾਰੀ: ਦੁਰਲੱਭ ਟੇਰਾਟੋਮਾ ਹਾਲਾਂਕਿ, ਈ. ਐਨ. ਟੀ (ENT) ਮਾਹਰ ਡਾਕਟਰ ਚੇਨ ਚਾਓ ਨੇ ਡੂੰਘਾਈ ਨਾਲ ਜਾਂਚ ਕਰਨ ਤੋਂ ਬਾਅਦ ਦੱਸਿਆ ਕਿ ਇਹ ਕੋਈ ਭਰੂਣ ਨਹੀਂ ਬਲਕਿ ਇੱਕ 'ਟੇਰਾਟੋਮਾ' (Teratoma) ਨਾਮਕ ਟਿਊਮਰ ਸੀ। ਇਸ ਵਿੱਚ ਚਰਬੀ (fat) ਅਤੇ ਕਾਰਟੀਲੇਜ ਵਰਗੇ ਟਿਸ਼ੂ ਮੌਜੂਦ ਸਨ। ਡਾਕਟਰੀ ਮਾਹਰਾਂ ਨੇ ਸਪੱਸ਼ਟ ਕੀਤਾ ਕਿ ਟੇਰਾਟੋਮਾ ਮਰੀਜ਼ ਦੀਆਂ ਆਪਣੀਆਂ ਕੋਸ਼ਿਕਾਵਾਂ ਤੋਂ ਬਣਦਾ ਹੈ, ਨਾ ਕਿ ਕਿਸੇ ਦੂਜੇ ਭਰੂਣ ਤੋਂ।
ਸ਼ਿਆਓਲੀਅੰਗ ਦਾ ਮਾਮਲਾ ਬਹੁਤ ਦੁਰਲੱਭ ਸੀ ਕਿਉਂਕਿ ਇਹ ਟਿਊਮਰ ਗਲੇ ਵਿੱਚ ਸੀ ਅਤੇ ਇਸਦਾ ਆਕਾਰ 6.6 ਸੈਂਟੀਮੀਟਰ ਤੱਕ ਵੱਧ ਚੁੱਕਾ ਸੀ। ਜੇਕਰ ਇਹ ਹੋਰ ਵਧਦਾ, ਤਾਂ ਬੱਚੇ ਦੀ ਸਾਹ ਵਾਲੀ ਨਲੀ ਬੰਦ ਹੋ ਸਕਦੀ ਸੀ। ਸਭ ਤੋਂ ਵੱਡੀ ਚੁਣੌਤੀ ਇਹ ਸੀ ਕਿ ਇਹ ਟਿਊਮਰ ਮੁੱਖ ਖੂਨ ਦੀ ਨਾੜੀ ਨਾਲ ਚਿਪਕਿਆ ਹੋਇਆ ਸੀ, ਜਿਸ ਕਾਰਨ ਸਰਜਰੀ ਬਹੁਤ ਜੋਖਮ ਭਰੀ ਸੀ। ਡਾਕਟਰਾਂ ਦੀ ਟੀਮ ਨੇ ਲਗਭਗ ਤਿੰਨ ਘੰਟੇ ਚੱਲੇ ਆਪ੍ਰੇਸ਼ਨ ਤੋਂ ਬਾਅਦ ਇਸ ਟਿਊਮਰ ਨੂੰ ਸਫਲਤਾਪੂਰਵਕ ਬਾਹਰ ਕੱਢ ਦਿੱਤਾ। ਓਪਰੇਸ਼ਨ ਦੇ ਪੰਜ ਦਿਨਾਂ ਬਾਅਦ ਬੱਚਾ ਲਗਭਗ ਠੀਕ ਹੋ ਗਿਆ ਹੈ। ਉਸਦੀ ਮਾਂ ਨੇ ਦੱਸਿਆ ਕਿ ਹੁਣ ਬੱਚਾ ਪਹਿਲਾਂ ਨਾਲੋਂ ਜ਼ਿਆਦਾ ਭੁੱਖ ਮਹਿਸੂਸ ਕਰ ਰਿਹਾ ਹੈ ਅਤੇ ਉਹ ਚੀਜ਼ਾਂ ਵੀ ਖਾ ਰਿਹਾ ਹੈ ਜੋ ਉਹ ਪਹਿਲਾਂ ਨਹੀਂ ਖਾ ਪਾਉਂਦਾ ਸੀ।
ਅਮਰੀਕਾ ਦੀ ਸੜਕ ਵਿਚਾਲੇ ਲੜ ਪਏ 4 ਪੰਜਾਬੀ ! ਹੁਣ ਹੋਣਗੇ ਡਿਪੋਰਟ
NEXT STORY 
