ਜਲੰਧਰ (ਇੰਟ) : ਇਕ ਨਵੇਂ ਵਿਸ਼ਲੇਸ਼ਣ ਤੋਂ ਪਤਾ ਲੱਗਾ ਹੈ ਕਿ ਬ੍ਰਿਟੇਨ (ਯੂ. ਕੇ.) ਨੂੰ ਆਉਣ ਵਾਲੇ ਸਾਲਾਂ ’ਚ ਕਈ ਵਾਰ ਤਕਨੀਕੀ ਮੰਦੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ ਕਿਉਂਕਿ ਅਰਥਵਿਵਸਥਾ ਦੀ ਵਿਕਾਸ ਸਮਰਥਾ ’ਚ ਕਾਫ਼ੀ ਕਮੀ ਆਈ ਹੈ। ਅਧਿਐਨ ਦਰਸਾਉਂਦਾ ਹੈ ਕਿ ਬ੍ਰਿਟੇਨ ਦੀ ਘੱਟਦੀ ਆਰਥਿਕ ਸਮਰੱਥਾ ਨੇ ਇਸ ਨੂੰ ਹੋਰ ਕਮਜ਼ੋਰ ਬਣਾ ਦਿੱਤਾ ਹੈ, ਜੋ ਦੇਸ਼ ਦੇ ਵਿੱਤੀ ਭਵਿੱਖ ਲਈ ਇਕ ਚਿੰਤਾਜਨਕ ਤਸਵੀਰ ਪੇਸ਼ ਕਰਦਾ ਹੈ। ਮੰਦੀ ਨੂੰ ਉਦੋਂ ਪਰਿਭਾਸ਼ਿਤ ਕੀਤਾ ਜਾਂਦਾ ਹੈ ਜਦੋਂ ਕਿਸੇ ਦੇਸ਼ ਦੀ ਅਰਥਵਿਵਸਥਾ ਲਗਾਤਾਰ ਦੋ ਤਿਮਾਹੀਆਂ ’ਚ ਨਕਾਰਾਤਮਕ ਕੁੱਲ ਘਰੇਲੂ ਉਤਪਾਦ ਵਿਕਾਸ ਦਰ ਦਾ ਤਜਰਬਾ ਕਰਦੀ ਹੈ।
ਵਿਕਾਸ ਦਰ ਰਹਿ ਜਾਵੇਗੀ ਅੱਧੀ
ਬਲੂਮਬਰਗ ਇਕਨਾਮਿਕਸ ਦੇ ਇਸ ਵਿਸ਼ਲੇਸ਼ਣ ’ਚ ਕਿਹਾ ਗਿਆ ਹੈ ਕਿ ਹਾਲਾਂਕਿ ਇਹ ਜ਼ਿਆਦਾ ਵਾਰ ਆਉਣ ਵਾਲੀ ਮੰਦੀ ਜ਼ਰੂਰੀ ਤੌਰ ’ਤੇ ਵੱਡੇ ਪੱਧਰ ’ਤੇ ਨੌਕਰੀਆਂ ਦੇ ਨੁਕਸਾਨ ਦਾ ਕਾਰਨ ਨਹੀਂ ਬਣਦੀ ਪਰ ਇਹ ਸਰਕਾਰ ਅਤੇ ਬੈਂਕ ਆਫ਼ ਇੰਗਲੈਂਡ ਦੇ ਨੀਤੀ ਨਿਰਮਾਤਾਵਾਂ ਦੋਵਾਂ ਲਈ ਇਕ ਮਹੱਤਵਪੂਰਨ ਚੁਣੌਤੀ ਪੇਸ਼ ਕਰਦੀ ਹੈ। ਵਿਸ਼ਲੇਸ਼ਣ ਤੋਂ ਪਤਾ ਲੱਗਦਾ ਹੈ ਕਿ ਬ੍ਰਿਟੇਨ ਦੀ ਵਿਕਾਸ ਦਰ ’ਚ ਨਾਟਕੀ ਗਿਰਾਵਟ ਆਈ ਹੈ। 1955 ਤੋਂ 2009 ਤੱਕ ਯੂ. ਕੇ. ਦੀ ਰੁਝਾਨ ਵਿਕਾਸ ਦਰ ਔਸਤਨ 2.5 ਫੀਸਦੀ ਸਾਲਾਨਾ ਸੀ ਪਰ ਹੁਣ ਆਉਣ ਵਾਲੇ ਸਾਲਾਂ ਲਈ ਇਹ ਅੱਧੀ ਰਹਿ ਕੇ ਸਿਰਫ 1.2 ਫੀਸਦੀ ਰਹਿ ਗਈ ਹੈ। ਰਿਪੋਰਟ ਅਨੁਸਾਰ ਬਲੂਮਬਰਗ ਇਕਨਾਮਿਕਸ ਨੇ 1955 ਤੋਂ ਲੈ ਕੇ ਹੁਣ ਤੱਕ 15 ਅਜਿਹੇ ਮਾਮਲਿਆਂ ਦੀ ਪਛਾਣ ਕੀਤੀ ਹੈ, ਜਦੋਂ ਅਰਥਵਿਵਸਥਾ ਨੇ ਮੌਜੂਦਾ ਰੁਝਾਨ ਵਿਕਾਸ ਦਰਾਂ ਦੇ ਅਾਧਾਰ ’ਤੇ ਤਕਨੀਕੀ ਮੰਦੀ ਦੇ ਕਾਫ਼ੀ ਕਾਰਨ ਮਹਿਸੂਸ ਕੀਤੇ ਹਨ।
ਹਰ ਪੰਜ ਸਾਲ ’ਚ ਆ ਸਕਦੀ ਮੰਦੀ
ਦੱਸਿਆ ਜਾ ਰਿਹਾ ਹੈ ਕਿ ਮੰਦੀ ਦੀ ਰਿਪੋਰਟ ’ਚ ਕਾਫ਼ੀ ਵਾਧਾ ਹੋਣ ਦੀ ਉਮੀਦ ਹੈ। ਸੰਭਾਵੀ ਤੌਰ ’ਤੇ ਇਹ ਹਰ ਪੰਜ ਸਾਲ ਬਾਅਦ ਆ ਸਕਦੀ ਹੈ। ਇਹ ਇਤਿਹਾਸਕ ਪੈਟਰਨਾਂ ਤੋਂ ਇਕ ਚਿੰਤਾਜਨਕ ਬਦਲਾਅ ਨੂੰ ਦਰਸਾਉਂਦਾ ਹੈ, ਜਿਥੇ ਆਮ ਤੌਰ ’ਤੇ ਹਰ ਅੱਠ ਸਾਲਾਂ ’ਚ ਇਕ ਵਾਰ ਮੰਦੀ ਆਉਂਦੀ ਸੀ। ਬਲੂਮਬਰਗ ਇਕਨਾਮਿਕਸ ਦੇ ਮੁਖੀ ਯੂ. ਕੇ. ਦੇ ਅਰਥਸ਼ਾਸਤਰੀ ਡੈਨ ਹੈਨਸਨ ਨੇ ਕਿਹਾ ਹੈ ਕਿ ਇਹ ਸੋਚਣ ਦੇ ਚੰਗੇ ਕਾਰਨ ਹਨ ਕਿ ਆਉਣ ਵਾਲੇ ਸਾਲਾਂ ’ਚ ਤਕਨੀਕੀ ਮੰਦੀ ਪਿਛਲੇ ਸਮੇਂ ਨਾਲੋਂ ਜ਼ਿਆਦਾ ਵਾਰ ਆਵੇਗੀ। ਮਾਹਿਰ ਚਿਤਾਵਨੀ ਦੇ ਰਹੇ ਹਨ ਕਿ ਯੂ. ਕੇ. ਦੀ ਅਰਥਵਿਵਸਥਾ ਡਿੱਗਣ ਕੰਢੇ ਹੈ। ਉਨ੍ਹਾਂ ਨੇ ਬੈਂਕ ਆਫ਼ ਇੰਗਲੈਂਡ ਦੀ ਅਰਥਵਿਵਸਥਾ ਨੂੰ ਝਟਕਾ ਲੱਗਣ ਦੀ ਭਵਿੱਖਬਾਣੀ ਕੀਤੀ ਹੈ।
ਬੇਰੁਜ਼ਗਾਰੀ ਦੀ ਕੋਈ ਸੰਭਾਵਨਾ ਨਹੀਂ
ਯੂ. ਕੇ. ਦੀ ਵਿਕਾਸ ਦਰ ’ਚ ਗਿਰਾਵਟ ਆਈ ਹੈ, ਜਿਸ ਦਾ ਅਰਥ ਹੈ ਕਿ ਪਹਿਲਾਂ ਜੋ ਝਟਕੇ ਵਿਕਾਸ ਨੂੰ ਹੌਲੀ ਕਰਨ ਲਈ ਪ੍ਰੇਰਿਤ ਕਰਦੇ ਸਨ, ਉਹ ਹੁਣ ਉਤਪਾਦਨ ’ਚ ਗਿਰਾਵਟ ਕਰਨ ਲਈ ਕਾਫੀ ਹਨ। ਹਾਲਾਂਕਿ ਹੈਨਸਨ ਨੇ ਭਰੋਸਾ ਦਿੱਤਾ ਹੈ ਕਿ ਤਕਨੀਕੀ ਮੰਦੀ ਦੇ ਨਤੀਜੇ ਵਜੋਂ ਵਧਦੀ ਬੇਰੁਜ਼ਗਾਰੀ ਦੇ ਨਾਲ ਇਕ ਵੱਡੀ ਆਰਥਿਕ ਮੰਦੀ ਹੋਣ ਦੀ ਸੰਭਾਵਨਾ ਨਹੀਂ ਹੈ।
ਹਰ 45 ਮਿੰਟ ’ਚ ਦੇਸ਼ ਛੱਡ ਰਿਹਾ ਇਕ ਕਰੋੜਪਤੀ
ਹਾਲ ਹੀ ਦੀਆਂ ਰਿਪੋਰਟਾਂ ਅਨੁਸਾਰ ਇਥੋਂ ਵੱਡੀ ਗਿਣਤੀ ’ਚ ਕਰੋੜਪਤੀ ਪਲਾਇਨ ਕਰ ਰਹੇ ਹਨ। ਜਦੋਂ ਤੋਂ ਲੇਬਰ ਪਾਰਟੀ ਸੱਤਾ ’ਚ ਆਈ ਹੈ, ਹਰ 45 ਮਿੰਟ ’ਚ ਇਕ ਕਰੋੜਪਤੀ ਦੇਸ਼ ਛੱਡ ਰਿਹਾ ਹੈ। ਇਸ ਰੁਝਾਨ ਦਾ ਕਾਰਨ ਅਮੀਰਾਂ ਨੂੰ ਨਿਸ਼ਾਨਾ ਬਣਾਉਣ ਵਾਲੀਆਂ ਟੈਕਸ ਨੀਤੀਆਂ ’ਚ ਬਦਲਾਅ ਦੱਸਿਆ ਗਿਆ ਹੈ। ਅੰਕੜੇ ਦਰਸਾਉਂਦੇ ਹਨ ਕਿ 2024 ’ਚ ਯੂ. ਕੇ. ਨੇ ਕੁੱਲ 10,800 ਕਰੋੜਪਤੀ ਗੁਆ ਦਿੱਤੇ, ਜੋ ਕਿ ਪਿਛਲੇ ਸਾਲ ਨਾਲੋਂ 157 ਫੀਸਦੀ ਵੱਧ ਹਨ। ਇਹ ਬਾਹਰੀ ਪ੍ਰਵਾਹ ਖਾਸ ਤੌਰ ’ਤੇ ਇਟਲੀ, ਸਵਿਟਜ਼ਰਲੈਂਡ ਅਤੇ ਸੰਯੁਕਤ ਅਰਬ ਅਮੀਰਾਤ ਵਰਗੇ ਦੇਸ਼ਾਂ ਵੱਲ ਦੇਖਿਆ ਗਿਆ ਹੈ, ਜੋ ਕਿ ਵਧੇਰੇ ਅਨੁਕੂਲ ਟੈਕਸ ਵਾਤਾਵਰਣ ਦੀ ਪੇਸ਼ਕਸ਼ ਕਰਦੇ ਹਨ।
ਮਸ਼ਹੂਰ ਅਦਾਕਾਰਾ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ
NEXT STORY 
