ਬੀਜਿੰਗ (ਬਿਊਰੋ) ਚੀਨ ਵਿਚ ਵੱਡਾ ਜਹਾਜ਼ ਹਾਦਸਾ ਵਾਪਰਿਆ ਹੈ। ਅੱਜ ਮਤਲਬ ਸੋਮਵਾਰ ਨੂੰ ਚੀਨ ਦਾ ਬੋਇੰਗ 737 ਏਅਰਕ੍ਰਾਫਟ ਕਰੈਸ਼ ਹੋ ਗਿਆ। ਜਹਾਜ਼ ਵਿਚ 133 ਯਾਤਰੀ ਸਵਾਰ ਸਨ। ਕੁਨਮਿੰਗ ਤੋਂ ਗੁਆਂਗਜ਼ੂ ਜਾ ਰਹੇ 133 ਯਾਤਰੀਆਂ ਨੂੰ ਲੈ ਕੇ ਚਾਈਨਾ ਈਸਟਰਨ ਏਅਰਲਾਈਨਜ਼ ਦੇ ਇੱਕ ਜਹਾਜ਼ ਦਾ ਗੁਆਂਗਸੀ ਖੇਤਰ ਵਿੱਚ "ਹਾਦਸਾਗ੍ਰਸਤ" ਹੋਇਆ ਅਤੇ ਹਾਦਸੇ ਕਾਰਨ ਪਹਾੜੀ ਇਲਾਕੇ 'ਚ ਅੱਗ ਲੱਗ ਗਈ। ਦੁਰਘਟਨਾ ਵਿੱਚ ਸ਼ਾਮਲ ਜੈੱਟ ਇੱਕ ਬੋਇੰਗ 737 ਜਹਾਜ਼ ਸੀ ਜ਼ਖਮੀਆਂ ਦੀ ਗਿਣਤੀ ਦਾ ਤੁਰੰਤ ਪਤਾ ਨਹੀਂ ਲੱਗ ਸਕਿਆ।
ਰਾਜ ਪ੍ਰਸਾਰਕ ਸੀਸੀਟੀਵੀ ਦੇ ਅਨੁਸਾਰ, ਚਾਈਨਾ ਈਸਟਨ ਏਅਰਲਾਈਨ ਦਾ ਇੱਕ ਬੋਇੰਗ 737 ਟੇਂਗ ਕਾਉਂਟੀ ਦੇ ਵੁਜ਼ੌ ਸ਼ਹਿਰ ਦੇ ਨੇੜੇ ਕਰੈਸ਼ ਹੋ ਗਿਆ। ਹਾਦਸੇ ਤੋਂ ਬਾਅਦ ਪਹਾੜੀ ਇਲਾਕੇ 'ਚ ਅੱਗ ਲੱਗ ਗਈ। ਬ੍ਰੌਡਕਾਸਟਰ ਮੁਤਾਬਕ ਹਾਦਸੇ 'ਚ ਮਾਰੇ ਗਏ ਲੋਕਾਂ ਦੇ ਬਾਰੇ 'ਚ ਤੁਰੰਤ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਬਚਾਅ ਟੀਮਾਂ ਨੂੰ ਮੌਕੇ 'ਤੇ ਭੇਜਿਆ ਗਿਆ ਹੈ। ਦੋ-ਇੰਜਣ ਵਾਲਾ ਬੋਇੰਗ 737 ਛੋਟੀਆਂ ਅਤੇ ਦਰਮਿਆਨੀ ਦੂਰੀ ਦੀਆਂ ਉਡਾਣਾਂ ਲਈ ਦੁਨੀਆ ਦੇ ਸਭ ਤੋਂ ਪ੍ਰਸਿੱਧ ਜਹਾਜ਼ਾਂ ਵਿੱਚੋਂ ਇੱਕ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਚੀਨੀ ਰਾਜਦੂਤ ਦਾ ਦਾਅਵਾ, ਰੂਸ ਨੂੰ 'ਹਥਿਆਰ' ਨਹੀਂ ਭੇਜ ਰਿਹਾ ਬੀਜਿੰਗ
ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਹਾਦਸਾ ਕਿਸ ਕਾਰਨ ਹੋਇਆ। ਚਾਈਨਾ ਈਸਟਰਨ 737-800 ਅਤੇ 737 MAX ਸਮੇਤ ਕਈ ਤਰ੍ਹਾਂ ਦੇ ਆਮ ਜਹਾਜ਼ਾਂ ਦਾ ਸੰਚਾਲਨ ਕਰਦਾ ਹੈ। ਦੋ ਘਾਤਕ ਹਾਦਸਿਆਂ ਤੋਂ ਬਾਅਦ 737 MAX ਜਹਾਜ਼ਾਂ ਦਾ ਸੰਚਾਲਨ ਰੋਕ ਦਿੱਤਾ ਗਿਆ ਸੀ। ਚੀਨੀ ਏਅਰਕ੍ਰਾਫਟ ਰੈਗੂਲੇਟਰ ਦੀ ਮਨਜ਼ੂਰੀ ਤੋਂ ਬਾਅਦ ਇਨ੍ਹਾਂ ਜਹਾਜ਼ਾਂ ਨੇ ਪਿਛਲੇ ਸਾਲ ਤੋਂ ਮੁੜ ਸੰਚਾਲਨ ਸ਼ੁਰੂ ਕੀਤਾ ਸੀ। 'ਚਾਈਨਾ ਈਸਟਰਨ' ਚੀਨ ਦੇ ਤਿੰਨ ਪ੍ਰਮੁੱਖ ਏਅਰਕ੍ਰਾਫਟ ਕੈਰੀਅਰਾਂ ਵਿੱਚੋਂ ਇੱਕ ਹੈ।
ਯੂਕ੍ਰੇਨ ਦੇ ਸੁਮੀ 'ਚ ਅਮੋਨੀਆ ਗੈਸ ਹੋਈ ਲੀਕ, ਲੋਕਾਂ ਨੂੰ ਦਿੱਤੀ ਇਲਾਕਾ ਛੱਡਣ ਦੀ ਚੇਤਾਵਨੀ
NEXT STORY 
