ਵਾਸ਼ਿੰਗਟਨ – ਅਮਰੀਕਾ, ਬ੍ਰਿਟੇਨ ਸਮੇਤ ਕਈ ਪੱਛਮੀ ਦੇਸ਼ਾਂ ਵਿੱਚ ਹੁਣ ਉਮਰਦਰਾਜ ਲੋਕ ਵੀ ਮੋਬਾਈਲ ਅਤੇ ਆਨਲਾਈਨ ਗੇਮ ਖੇਡਣ ਵੱਲ ਤੇਜ਼ੀ ਨਾਲ ਆਕਰਸ਼ਿਤ ਹੋ ਰਹੇ ਹਨ। ਖਾਸ ਕਰਕੇ 50 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਵਿੱਚ ਵੀਡੀਓ ਗੇਮ ਇੱਕ ਨਵਾਂ ਰੁਝਾਨ ਬਣ ਗਿਆ ਹੈ।
50+ ਉਮਰ ਦੇ 28% ਗੇਮਰ
ਅਮਰੀਕਾ ਵਿੱਚ 50 ਸਾਲ ਤੋਂ ਵੱਧ ਉਮਰ ਦੇ ਲੋਕ ਕੁੱਲ ਗੇਮਰਸ ਦਾ 28% ਹਨ। ਇਹ ਗਿਣਤੀ ਸਾਬਤ ਕਰਦੀ ਹੈ ਕਿ ਗੇਮ ਖੇਡਣ ਦਾ ਰੁਝਾਨ ਹੁਣ ਸਿਰਫ਼ ਨੌਜਵਾਨਾਂ ਤੱਕ ਸੀਮਤ ਨਹੀਂ ਰਿਹਾ।
ਖੁਸ਼ੀ ਅਤੇ ਮਾਨਸਿਕ ਤੰਦਰੁਸਤੀ ਲਈ ਲਾਭਕਾਰੀ
- 79% ਉਮਰਦਰਾਜ ਗੇਮਰ ਮੰਨਦੇ ਹਨ ਕਿ ਵੀਡੀਓ ਗੇਮ ਉਹਨਾਂ ਨੂੰ ਖੁਸ਼ੀ ਦਿੰਦੇ ਹਨ।
- 77% ਨੇ ਕਿਹਾ ਕਿ ਗੇਮ ਮਾਨਸਿਕ ਉਤੇਜਨਾ ਵਧਾਉਂਦੇ ਹਨ।
- 76% ਨੇ ਇਸਨੂੰ ਤਣਾਅ ਘਟਾਉਣ ਵਾਲੇ ਸਾਧਨ ਵਜੋਂ ਵੇਖਿਆ।
ਉਮਰ ਅਨੁਸਾਰ ਖਾਸ ਗੇਮਾਂ ਦੀ ਮੰਗ
50 ਸਾਲ ਤੋਂ ਵੱਧ ਉਮਰ ਵਾਲੇ ਗੇਮਰ ਚਾਹੁੰਦੇ ਹਨ ਕਿ ਉਹਨਾਂ ਦੀ ਉਮਰ, ਦਿਮਾਗੀ ਲੋੜਾਂ ਅਤੇ ਦਿਲਚਸਪੀ ਅਨੁਸਾਰ ਖਾਸ ਤੌਰ 'ਤੇ ਤਿਆਰ ਕੀਤੇ ਗੇਮ ਉਪਲਬਧ ਹੋਣ। ਇਸੇ ਕਾਰਨ ਕਈ ਗੇਮਿੰਗ ਕੰਪਨੀਆਂ ਹੁਣ ਸੀਨੀਅਰ ਸਿਟੀਜ਼ਨ ਲਈ ਵਿਸ਼ੇਸ਼ ਗੇਮਾਂ ਡਿਜ਼ਾਈਨ ਕਰ ਰਹੀਆਂ ਹਨ।
ਚਿੰਤਾਵਾਂ ਵੀ ਜ਼ਾਹਿਰ
ਮਾਨਸਿਕ ਤੰਦਰੁਸਤੀ ਦੇ ਨਫੇ ਦੇ ਨਾਲ-ਨਾਲ ਚੇਤਾਵਨੀਆਂ ਵੀ ਆਈਆਂ ਹਨ। ਮਨੋਰੋਗ ਮਾਹਰਾਂ ਅਨੁਸਾਰ, ਹਿੰਸਕ ਅਤੇ ਤੇਜ਼ ਰਫਤਾਰ ਵਾਲੇ ਗੇਮ ‘Call of Duty’ ਵਰਗੇ ਗੇਮ ਅਲਜ਼ਾਈਮਰ ਦੀ ਬਿਮਾਰੀ ਦਾ ਜੋਖਮ ਵਧਾ ਸਕਦੇ ਹਨ।
ਗੇਮਾਂ ਦੀ ਸਹੀ ਚੋਣ ਮਹੱਤਵਪੂਰਨ
ਕੁਝ ਵਿਗਿਆਨਕ ਅਧਿਐਨ ਦੱਸਦੇ ਹਨ ਕਿ ਸਹੀ ਕਿਸਮ ਦੀਆਂ ਗੇਮਾਂ ਉਮਰਦਰਾਜ ਲੋਕਾਂ ਦੀ ਯਾਦਦਾਸ਼ਤ ਅਤੇ ਧਿਆਨ ਕੇਂਦਰਤ ਕਰਨ ਦੀ ਸਮਰੱਥਾ ਵਧਾ ਸਕਦੀਆਂ ਹਨ।
ਥਾਈਲੈਂਡ ਨਾਲ ਟਕਰਾਅ ਵਾਲੇ ਖੇਤਰਾਂ 'ਤੇ ਉਡਾਣਾਂ 'ਤੇ ਪਾਬੰਦੀ
NEXT STORY 
