ਇੰਟਰਨੈਸ਼ਨਲ ਡੈਸਕ- 2023 ਕੁਦਰਤੀ ਆਫ਼ਤਾਂ ਦਾ ਸਾਲ ਸੀ। ਅੱਜ ਅਸੀਂ ਤੁਹਾਨੂੰ ਅਜਿਹੀਆਂ ਕੁਝ ਤਸਵੀਰਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਇਸ ਸਾਲ ਦੇ ਇਤਿਹਾਸ ਵਿੱਚ ਦਰਜ ਹੋ ਚੁੱਕੀਆਂ ਹਨ। ਉਨ੍ਹਾਂ ਫੈਸਲਾਕੁੰਨ ਪਲਾਂ ਦੀਆਂ ਗਵਾਹ ਬਣੀਆਂ ਇਹ ਤਸਵੀਰਾਂ, ਜਿਨ੍ਹਾਂ ਨੇ ਰਿਕਾਰਡ ਬਣਾਏ ਅਤੇ ਬਦਲਦੀ ਦੁਨੀਆਂ ਨੂੰ ਮਹਿਸੂਸ ਕੀਤਾ ਗਿਆ। 2023 ਵਿਚ ਤੁਰਕੀ ਵਿੱਚ ਭੂਚਾਲ ਤੋਂ ਲੈ ਕੇ ਭਾਰਤ ਦੇ ਆਸਕਰ ਜਿੱਤਣ ਤੱਕ ਇਹ ਪਲ ਹਮੇਸ਼ਾ ਯਾਦ ਰਹਿਣਗੇ। 2023 ਇਨ੍ਹਾਂ ਪਲਾਂ ਲਈ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਸਭ ਤੋਂ ਭਾਵਨਾਤਮਕ ਪਲ
ਭੂਚਾਲ ਤੋਂ ਬਾਅਦ: ਆਪਣੇ ਭਰਾ ਨੂੰ ਬਚਾਉਣ ਲਈ 17 ਘੰਟੇ ਤੱਕ ਡਟੀ ਰਹੀ ਬੱਚੀ
6 ਫਰਵਰੀ ਨੂੰ ਤੁਰਕੀ ਅਤੇ ਸੀਰੀਆ ਵਿੱਚ ਦੋ ਸ਼ਕਤੀਸ਼ਾਲੀ ਭੂਚਾਲ ਆਏ। ਇਸ ਹਾਦਸੇ ਵਿੱਚ 50,000 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਸੀ। ਤੁਰਕੀ ਦੇ 11 ਸੂਬਿਆਂ ਵਿੱਚ ਇੱਕ ਲੱਖ ਤੋਂ ਵੱਧ ਲੋਕ ਜ਼ਖ਼ਮੀ ਹੋਏ। ਭੂਚਾਲ ਤੋਂ ਬਾਅਦ ਇਸ 7 ਸਾਲ ਦੀ ਬੱਚੀ ਦੀ ਦਿਲ ਨੂੰ ਛੂਹ ਲੈਣ ਵਾਲੀ ਫੋਟੋ ਸਾਹਮਣੇ ਆਈ। ਭੂਚਾਲ ਤੋਂ ਬਾਅਦ ਕੁੜੀ ਅਤੇ ਉਸ ਦਾ ਛੋਟਾ ਭਰਾ ਕਰੀਬ 17 ਘੰਟੇ ਤੱਕ ਮਲਬੇ ਹੇਠਾਂ ਦੱਬੇ ਰਹੇ। ਇਸ ਦੌਰਾਨ ਆਪਣੇ ਛੋਟੇ ਭਰਾ ਨੂੰ ਬਚਾਉਣ ਲਈ ਕੁੜੀ ਨੇ ਉਸ ਦੇ ਸਿਰ ਤੋਂ ਹੱਥ ਨਹੀਂ ਹਟਾਇਆ। ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਉਨ੍ਹਾਂ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ।
ਇਹ ਜਾਣਨਾ ਵੀ ਜ਼ਰੂਰੀ
ਭੂਚਾਲ ਨਾਲ 1.5 ਕਰੋੜ ਲੋਕ ਅਤੇ 40 ਲੱਖ ਇਮਾਰਤਾਂ ਪ੍ਰਭਾਵਿਤ ਹੋਈਆਂ ਸਨ। ਤੁਰਕੀ 'ਚ ਆਏ ਇਸ ਭੂਚਾਲ ਦੀ ਤੀਬਰਤਾ ਰਿਕਟਰ ਪੈਮਾਨੇ 'ਤੇ 7.8 ਸੀ। ਇਹ 1939 ਤੋਂ ਬਾਅਦ ਤੁਰਕੀ ਵਿੱਚ ਆਇਆ ਸਭ ਤੋਂ ਸ਼ਕਤੀਸ਼ਾਲੀ ਭੂਚਾਲ ਸੀ। ਇਸ ਤੋਂ ਪਹਿਲਾਂ 1939 ਵਿੱਚ ਤੁਰਕੀ ਦੇ ਪੂਰਬੀ ਸ਼ਹਿਰ ਏਜਿਨਕਾਨ ਵਿੱਚ ਇੱਕ ਖ਼ਤਰਨਾਕ ਭੂਚਾਲ ਆਇਆ ਸੀ, ਜਿਸ ਵਿੱਚ ਕਰੀਬ 33,000 ਲੋਕਾਂ ਦੀ ਜਾਨ ਚਲੀ ਗਈ ਸੀ। 1999 ਵਿੱਚ ਵੀ ਭੂਚਾਲ ਵਿੱਚ 18,000 ਜਾਨਾਂ ਗਈਆਂ ਸਨ।
ਮੋਰੱਕੋ ਵਿੱਚ ਗਈਆਂ 3000 ਜਾਨਾਂ
2023 ਕੁਦਰਤੀ ਆਫ਼ਤਾਂ ਦਾ ਸਾਲ ਸੀ। ਮੋਰੱਕੋ ਵਿੱਚ 8 ਸਤੰਬਰ ਨੂੰ ਆਏ 6.8 ਰਿਕਟਰ ਪੈਮਾਨੇ ਦੀ ਤੀਬਰਤਾ ਵਾਲੇ ਭੂਚਾਲ ਵਿੱਚ ਲਗਭਗ 3000 ਲੋਕਾਂ ਦੀ ਮੌਤ ਹੋ ਗਈ। ਇਹ ਮੋਰੱਕੋ ਦੇ ਇਤਿਹਾਸ ਵਿੱਚ ਹੁਣ ਤੱਕ ਦਾ ਸਭ ਤੋਂ ਵਿਨਾਸ਼ਕਾਰੀ ਭੂਚਾਲ ਸੀ।
ਅਫਗਾਨਿਸਤਾਨ ਵਿੱਚ 1000 ਮੌਤਾਂ
ਅਫਗਾਨਿਸਤਾਨ ਵਿੱਚ ਇਸ ਸਾਲ ਚਾਰ ਵੱਡੇ ਹੜ੍ਹ ਆਏ, ਜਿਸ ਵਿੱਚ ਇੱਕ ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ। 8 ਅਕਤੂਬਰ ਨੂੰ ਹੇਰਾਤ ਵਿਚ ਆਏ ਭੂਚਾਲ ਵਿਚ 1,000 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਸੀ। ਦਸ ਹਜ਼ਾਰ ਲੋਕ ਜ਼ਖਮੀ ਹੋਏ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਗਾਜ਼ਾ ਜੰਗ ’ਚ ਹਮਾਸ ਦਾ ਜ਼ਬਰਦਸਤ ਵਿਰੋਧ, ਇਜ਼ਰਾਈਲ ਨੇ ਹੁਣ ਤੱਕ 152 ਫੌਜੀ ਗੁਆਏ
NEXT STORY 
