ਸੈਂਟੀਆਗੋ (ਵਾਰਤਾ)- ਚਿਲੀ ਦੇ 8 ਜੰਗਲਾਂ ਵਿਚ ਲੱਗੀ ਅੱਗ ਨੂੰ ਬੁਝਾਉਣ ਦੇ ਯਤਨ ਜਾਰੀ ਹਨ, ਜਦਕਿ 25 ਹੋਰ ਥਾਂਵਾਂ 'ਤੇ ਲੱਗੀ ਅੱਗ 'ਤੇ ਕਾਬੂ ਪਾਇਆ ਜਾ ਚੁੱਕਾ ਹੈ। ਅੱਗ ਨੇ ਦੇਸ਼ ਦੇ ਮੱਧ ਅਤੇ ਦੱਖਣੀ ਖੇਤਰਾਂ ਵਿੱਚ 4,400 ਹੈਕਟੇਅਰ ਤੋਂ ਵੱਧ ਜ਼ਮੀਨ ਨੂੰ ਤਬਾਹ ਕਰ ਦਿੱਤਾ ਹੈ। ਚਿਲੀ ਦੇ ਗ੍ਰਹਿ ਅਤੇ ਜਨਤਕ ਸੁਰੱਖਿਆ ਮੰਤਰਾਲਾ ਦੇ ਰਾਸ਼ਟਰੀ ਐਮਰਜੈਂਸੀ ਦਫ਼ਤਰ (ONEMI) ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਓਨੇਮੀ ਨੇ ਕਿਹਾ ਕਿ ਦੇਸ਼ ਦੀ ਰਾਜਧਾਨੀ ਸੈਂਟੀਆਗੋ ਦੇ ਦੱਖਣ ਵਿੱਚ ਓ'ਹਿਗਿਨਸ ਖੇਤਰ ਵਿੱਚ ਪਾਮਿਲਾ ਵਿੱਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਅੱਗ ਲੱਗੀ ਹੈ, ਜਿਸ ਵਿੱਚ ਜੰਗਲ ਦਾ 309 ਹੈਕਟੇਅਰ ਖੇਤਰ ਤਬਾਹ ਹੋ ਗਿਆ ਹੈ। 6 ਦਸੰਬਰ ਨੂੰ ਲੱਗੀ ਅੱਗ 'ਤੇ ਅਜੇ ਤੱਕ ਕਾਬੂ ਨਹੀਂ ਪਾਇਆ ਜਾ ਸਕਿਆ ਹੈ ਅਤੇ ਇਸ ਨੇ 1,915 ਹੈਕਟੇਅਰ ਜੰਗਲ ਤਬਾਹ ਕਰ ਦਿੱਤਾ ਹੈ। ਕੇਂਦਰੀ ਸੈਂਟੀਆਗੋ ਮੈਟਰੋਪੋਲੀਟਨ ਖੇਤਰ ਵਿੱਚ ਇਕ ਜੰਗਲ ਵਿਚ ਲੱਗੀ ਅੱਗ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ 5 ਜ਼ਖ਼ਮੀ ਹੋ ਗਏ, ਜਦੋਂ ਕਿ 46 ਘਰ ਅਤੇ 659 ਹੈਕਟੇਅਰ ਜੰਗਲ ਤਬਾਹ ਹੋ ਗਏ। ਦੂਜੇ ਪਾਸੇ ਚਿਲੀ ਦੀ ਮੌਸਮ ਵਿਗਿਆਨ ਏਜੰਸੀ ਨੇ ਦੇਸ਼ ਦੇ 16 ਖੇਤਰਾਂ ਵਿੱਚੋਂ 7 ਲਈ ਉੱਚ ਤਾਪਮਾਨ ਕਾਰਨ ਅਲਰਟ ਜਾਰੀ ਕੀਤਾ ਹੈ, ਜਿਸ ਕਾਰਨ ਕਈ ਜੰਗਲਾਂ ਵਿੱਚ ਅੱਗ ਲੱਗੀ ਹੈ।
ਨਮਾਮਿ ਗੰਗੇ ਪ੍ਰਾਜੈਕਟ ਦੀ ਸੰਯੁਕਤ ਰਾਸ਼ਟਰ ਨੇ ਕੀਤੀ ਸ਼ਲਾਘਾ, ਦੁਨੀਆ ਦੇ 10 ਮੁੱਖ ਪਹਿਲੂਆਂ ’ਚ ਕੀਤਾ ਸ਼ਾਮਲ
NEXT STORY 
