ਨਿਊਯਾਰਕ (ਰਾਜ ਗੋਗਨਾ)- ਅਮਰੀਕਾ ਦੇ ਸੂਬੇ ਨੌਰਥ ਕੈਰੋਲੀਨਾ ਦੇ ਡਾਕਟਰਾਂ ਨੇ ਇਤਿਹਾਸ ਰਚਿਆ ਹੈ। ਇਨ੍ਹਾਂ ਡਾਕਟਰਾਂ ਨੇ ਦਿਲ ਦੀ ਸਮੱਸਿਆ ਨਾਲ ਪੀੜਤ ਇਕ ਬੱਚੇ ਨੂੰ ਨਵੀਂ ਜ਼ਿੰਦਗੀ ਦਿੱਤੀ ਹੈ। ਇਸ ਬੱਚੇ ਦਾ ਨਾਂ ਓਵੇਨ ਮੋਨਰੋ ਹੈ। ਜੋ ਹੁਣ 20 ਮਹੀਨਿਆਂ ਦਾ ਹੋ ਗਿਆ ਹੈ। ਇਹ ਅੰਸ਼ਕ ਹਾਰਟ ਟ੍ਰਾਂਸਪਲਾਂਟ ਪ੍ਰਾਪਤ ਕਰਨ ਵਾਲਾ ਦੁਨੀਆ ਦਾ ਪਹਿਲਾ ਬੱਚਾ ਹੈ। ਡਿਊਕ ਚਿਲਡਰਨ ਹਸਪਤਾਲ ਦੇ ਡਾਕਟਰਾਂ ਨੇ ਉਸ ਨੂੰ ਨਵੀਂ ਜ਼ਿੰਦਗੀ ਦਿੱਤੀ ਹੈ।
ਓਵੇਨ ਮੇਨਰੋ ਨੂੰ ਦਿਲ ਵਿੱਚ ਗੰਭੀਰ ਨੁਕਸ ਸੀ ਅਤੇ ਜਨਮ ਤੋਂ ਸਿਰਫ਼ 17 ਦਿਨਾਂ ਬਾਅਦ ਡਾ. ਜੋਸਫ ਡਬਲਯੂ. ਤੁਰੇਕ ਨੇ ਉਸ ਦੀ ਸਰਜਰੀ ਕਰਨ ਦਾ ਫ਼ੈਸਲਾ ਕੀਤਾ। ਉਸ ਨੇ ਇੱਕ ਜੀਵਤ ਦਾਨੀ (ਇੱਕ ਬੱਚੇ) ਤੋਂ ਵਾਲਵ ਅਤੇ ਧਮਨੀਆਂ ਪ੍ਰਾਪਤ ਕੀਤੀਆਂ। ਸਰਜਰੀ ਨੂੰ ਡੇਢ ਸਾਲ ਹੋ ਗਿਆ ਹੈ ਅਤੇ ਓਵੇਨ ਪੂਰੀ ਤਰ੍ਹਾਂ ਠੀਕ ਹੈ। ਅਮਰੀਕਨ ਮੈਡੀਕਲ ਜਰਨਲ ਨੇ ਇਸ ਦੁਰਲੱਭ ਮਾਮਲੇ ਦਾ ਅਧਿਐਨ ਪ੍ਰਕਾਸ਼ਿਤ ਕੀਤਾ ਹੈ। ਸਰਜਰੀ ਦੀ ਅਗਵਾਈ ਕਰਨ ਡਾਕਟਰ ਤੁਰੇਕ ਨੇ ਕੀਤੀ, ਜਿੰਨਾਂ ਉਸ ਦੇ ਦਿਲ ਦਾ ਟਰਾਂਸਪਲਾਟ ਕੀਤਾ ਅਤੇ ਸਰਜਰੀ ਅੱਠ ਘੰਟੇ ਦੀ ਸੀ।
ਅਪ੍ਰੈਲ 2022 ਵਿੱਚ ਜਨਮ ਤੋਂ ਕੁਝ ਘੰਟਿਆਂ ਬਾਅਦ ਓਵੇਨ ਮੋਨੇਰੋ ਦਿਲ ਦਾ ਦੌਰਾ ਪੈਣ ਦੇ ਚੌਥੇ ਪੜਾਅ ਵਿੱਚ ਸੀ। ਡਾਕਟਰਾਂ ਦੀ ਜਾਂਚ ਤੋਂ ਪਤਾ ਲੱਗਾ ਕਿ ਉਸ ਨੂੰ ਟਰੰਕਸ ਆਰਟੀਰੀਓਸਸ ਸੀ। ਭਾਵ ਉਸ ਦੇ ਦਿਲ ਦੀਆਂ ਦੋ ਮੁੱਖ ਧਮਨੀਆਂ ਜੁੜੀਆਂ ਹੋਈਆਂ ਸਨ। ਵਾਲਵ ਵਿੱਚ ਇੱਕ ਲੀਕੇਜ ਸੀ। ਬੱਚੇ ਦੇ ਮਾਪੇ ਟਾਈਲਰ ਅਤੇ ਨਿਕ ਨੂੰ ਦੱਸਿਆ ਗਿਆ ਕਿ ਬੱਚੇ ਨੂੰ ਹਾਰਟ ਟਰਾਂਸਪਲਾਂਟ ਦੀ ਲੋੜ ਹੈ। ਅਜਿਹੇ ਦਿਲ ਨੂੰ ਪ੍ਰਾਪਤ ਕਰਨ ਲਈ 6 ਮਹੀਨੇ ਲੱਗ ਸਕਦੇ ਸਨ ਅਤੇ ਉਨ੍ਹਾਂ ਦਾ ਬੱਚਾ ਓਵੇਨ ਇੰਨਾ ਜ਼ਿਆਦਾ ਇੰਤਜ਼ਾਰ ਨਹੀਂ ਕਰ ਸਕਦਾ ਸੀ। ਡਾਕਟਰਾਂ ਮੁਤਾਬਕ ਇੱਕ ਨਕਲੀ ਵਾਲਵ ਦੀ ਚੋਣ ਕਰਨ ਲਈ ਅਕਸਰ ਇਸ ਨੂੰ ਬਦਲਣ ਦੀ ਲੋੜ ਹੁੰਦੀ ਹੈ ਕਿਉਂਕਿ ਇਹ ਵੱਡਾ ਹੁੰਦਾ ਹੈ।
ੳਵੇਨ ਦੇ ਮਾਤਾ-ਪਿਤਾ ਨੇ ਮਹਿਸੂਸ ਕੀਤਾ ਕਿ ਉਨ੍ਹਾਂ ਲਈ ਕੋਈ ਵਿਕਲਪ ਨਹੀਂ ਸਨ, ਇਸ ਲਈ ਉਨ੍ਹਾਂ ਨੇ ਸਭ ਤੋਂ ਵਧੀਆ ਹੋਣ ਦੀ ਉਮੀਦ ਨਹੀਂ ਕੀਤੀ। ਓਵੇਨ ਦੇ ਕੇਸ ਵਿੱਚ ਜ਼ਿੰਦਾ ਟਿਸ਼ੂ ਪ੍ਰਭਾਵਸ਼ਾਲੀ ਨਹੀਂ ਸੀ, ਕਿਉਂਕਿ ਇਹ ਉਮਰ ਦੇ ਨਾਲ ਵਿਕਸਤ ਨਹੀਂ ਹੋ ਸਕਦਾ ਸੀ। ਓਵੇਨ ਕੇਨ ਵਰਗੇ ਬੱਚੇ ਨੂੰ ਟਰਾਂਸਪਲਾਂਟ ਦੀ ਲੋੜ ਸੀ ਪਰ ਉਸ ਦੇ ਵਾਲਵ ਵਧੀਆ ਕੰਮ ਕਰਦੇ ਸਨ। ਇਹ ਉਸ ਦੇ ਪਿਤਾ ਕੈਨ ਦੀ ਕੁਰਬਾਨੀ ਸੀ ਜਿਸ ਨੇ ਓਵੇਨ ਦੀ ਜਾਨ ਬਚਾਈ। ਡਾਕਟਰ ਜੋਸਫ ਤੁਰੇਕ ਮੁਤਾਬਕ ਬੱਚੇ ਓਵੇਨ ਦੀ ਮਾਂ ਨੇ ਪੁੱਛਿਆ ਕੀ ਤੁਸੀਂ ਪਹਿਲਾਂ ਇਸ ਤਰ੍ਹਾਂ ਦੀ ਕੋਈ ਸਰਜਰੀ ਕੀਤੀ ਹੈ? ਮੈਂ ਸਪੱਸ਼ਟ ਤੌਰ 'ਤੇ ਕਿਹਾ ਕਿ ਇਹ ਮੇਰਾ ਪਹਿਲਾ ਕੇਸ ਹੈ। ਤੁਸੀ ਸਾਡੇ 'ਤੇ ਭਰੋਸਾ ਕਰ ਸਕਦੇ ਹੋ।
ਪੜ੍ਹੋ ਇਹ ਅਹਿਮ ਖ਼ਬਰ-ਦੱਖਣੀ ਕੋਰੀਆ ਦਾ ਵੱਡਾ ਕਦਮ, ਕੁੱਤੇ ਦੇ ਮੀਟ 'ਤੇ ਪਾਬੰਦੀ ਲਗਾਉਣ ਵਾਲਾ 'ਕਾਨੂੰਨ' ਪਾਸ
ਬੱਚੇ ਦੇ ਮਾਤਾ ਪਿਤਾ ਲਾਈਵ ਟਿਸ਼ੂ ਦੇ ਅੰਸ਼ਕ ਦਿਲ ਦੇ ਟਰਾਂਸਪਲਾਂਟ ਲਈ ਸਹਿਮਤ ਹੋ ਗਏ। 8 ਘੰਟੇ ਦੀ ਸਰਜਰੀ ਦੌਰਾਨ ਡਾਕਟਰਾਂ ਨੇ ਕਿਸੇ ਦਾਨੀ ਤੋਂ ਵਾਲਵ ਨਾਲ ਧਮਨੀਆਂ ਨੂੰ ਜੋੜਿਆ। 28 ਦਿਨਾਂ ਬਾਅਦ ਉਹ ਘਰ ਜਾ ਸਕਿਆ। ਹੁਣ ਸਰਜਰੀ ਨੂੰ ਡੇਢ ਸਾਲ ਤੋਂ ਵੱਧ ਦਾ ਸਮਾਂ ਹੋ ਗਿਆ ਹੈ। ਓਵਨ ਪੂਰੀ ਤਰ੍ਹਾਂ ਸਿਹਤਮੰਦ ਹੈ। ਉਸ ਦੇ ਵਾਲਵ ਅਤੇ ਧਮਨੀਆਂ ਇਸ ਤਰ੍ਹਾਂ ਵਧ ਰਹੀਆਂ ਹਨ ਜਿਵੇਂ ਉਹ ਉਸ ਦੀਆਂ ਆਪਣੀਆਂ ਸਨ। ਓਵੇਨ ਦੇ ਸਫਲ ਕੇਸ ਨੇ 12 ਹੋਰ ਬੱਚਿਆਂ ਲਈ ਜੀਵਨ ਬਚਾਉਣ ਦੀ ਪ੍ਰਕਿਰਿਆ ਦਾ ਰਾਹ ਪੱਧਰਾ ਕਰ ਦਿੱਤਾ ਹੈ। ਇਸ ਵਿੱਚ ਕਮਜ਼ੋਰ ਦਿਲਾਂ ਤੋਂ ਚੰਗੇ ਵਾਲਵ ਲੈ ਕੇ ਲੋੜਵੰਦਾਂ ਨੂੰ ਦਿੱਤੇ ਜਾ ਸਕਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮਾਲਦੀਵ ਨੂੰ ਲੱਗਾ ਇਕ ਹੋਰ ਝਟਕਾ: ਇਸ ਕੰਪਨੀ ਨੇ ਬਾਈਕਾਟ ਕਰ ਯਾਤਰਾ ਬੀਮਾ 'ਤੇ ਲਾਈ ਪਾਬੰਦੀ
NEXT STORY 
