ਰੋਸੀਊ- ਕਿਸੇ ਹੋਰ ਦੇਸ਼ ਵਿੱਚ ਵਸਣ ਬਾਰੇ ਸੋਚਣ ਰਹੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਜੇਕਰ ਤੁਸੀਂ ਦੁਨੀਆ ਦੀ ਭੀੜ-ਭੜੱਕੇ, ਰੌਲੇ-ਰੱਪੇ ਅਤੇ ਪਰੇਸ਼ਾਨੀਆਂ ਤੋਂ ਦੂਰ ਖੁਸ਼ਹਾਲ ਜ਼ਿੰਦਗੀ ਜੀਉਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਡੇ ਲਈ ਸੁਨਹਿਰੀ ਮੌਕਾ ਹੈ। ਸਮੁੰਦਰ ਦੇ ਬਿਲਕੁਲ ਵਿਚਕਾਰ ਖੂਬਸੂਰਤੀ ਨਾਲ ਭਰਿਆ ਇਹ ਦੇਸ਼ ਖੁੱਲ੍ਹੀਆਂ ਬਾਹਾਂ ਨਾਲ ਤੁਹਾਡਾ ਸਵਾਗਤ ਕਰਨ ਲਈ ਤਿਆਰ ਹੈ। ਜੀ ਹਾਂ... ਤੁਸੀਂ ਸਹੀ ਸੁਣਿਆ। ਅਸੀਂ ਦੁਬਈ, ਸਾਊਦੀ ਅਰਬ ਜਾਂ ਕਿਸੇ ਹੋਰ ਖਾੜੀ ਦੇਸ਼ ਦੀ ਗੱਲ ਨਹੀਂ ਕਰ ਰਹੇ ਹਾਂ। ਇਹ ਦੇਸ਼ ਵਿਦੇਸ਼ੀਆਂ ਨੂੰ ਆਪਣੀ ਨਾਗਰਿਕਤਾ ਬਹੁਤ ਸਸਤੇ ਮੁੱਲ 'ਤੇ ਵੇਚ ਰਿਹਾ ਹੈ। ਪਰ ਅਜਿਹਾ ਕਿਉਂ? ਕੀ ਉੱਥੇ ਕੋਈ ਝਗੜਾ ਹੈ...? ਨਹੀਂ...ਇਹ ਦੇਸ਼ ਖੁਦ ਦਾ ਵਿਕਾਸ ਕਰ ਰਿਹਾ ਹੈ। ਉਹ ਵੀ ਬਿਨਾਂ ਕਿਸੇ ਕਰਜ਼ੇ ਜਾਂ ਕਿਸੇ ਦੀ ਅਹਿਸਾਨ ਦੇ। ਕੈਰੇਬੀਅਨ ਸਾਗਰ ਵਿੱਚ ਸਥਿਤ ਇਸ ਦੇਸ਼ ਦਾ ਨਾਮ ਡੋਮਿਨਿਕਾ ਹੈ।
ਵੇਚ ਰਿਹੈ ਦੇਸ਼ ਦੀ ਨਾਗਰਿਕਤਾ
ਦਰਅਸਲ 7 ਸਾਲ ਪਹਿਲਾਂ 2017 'ਚ ਡੋਮਿਨਿਕਾ 'ਚ 'ਮਾਰੀਆ' ਨਾਂ ਦੇ ਤੂਫਾਨ ਕਾਰਨ ਸਭ ਕੁਝ ਤਬਾਹ ਹੋ ਗਿਆ ਸੀ। ਹੁਣ ਇਸ ਦੇਸ਼ ਨੇ ਆਪਣੇ ਪੁਨਰ ਨਿਰਮਾਣ ਲਈ ਅਦਭੁਤ ਤਰੀਕੇ ਅਪਣਾਏ ਹਨ। ਕੈਰੇਬੀਅਨ ਦੇਸ਼ ਵੱਡੇ ਕਰਜ਼ਿਆਂ ਜਾਂ ਅਮੀਰ ਦੇਸ਼ਾਂ ਦੀ ਮਦਦ ਤੋਂ ਬਿਨਾਂ ਜਾਂ ਉਨ੍ਹਾਂ ਦੀ ਮਦਦ ਦੀ ਉਡੀਕ ਕੀਤੇ ਬਿਨਾਂ ਆਪਣੇ ਦੇਸ਼ ਨੂੰ ਵਾਤਾਵਰਣ ਪੱਖੀ ਢੰਗ ਨਾਲ ਵਿਕਸਤ ਕਰਨ ਜਾ ਰਿਹਾ ਹੈ। ਹਾਲਾਂਕਿ, ਇਸਦੇ ਲਈ ਬਹੁਤ ਸਾਰੇ ਪੈਸੇ ਦੀ ਜ਼ਰੂਰਤ ਹੋਵੇਗੀ, ਪਰ ਇਸ ਦੇਸ਼ ਨੇ ਇਸ ਸੰਕਟ ਨੂੰ ਦੂਰ ਕਰਨ ਲਈ ਕਮਾਲ ਦੇ ਦਿਮਾਗ ਦੀ ਵਰਤੋਂ ਕੀਤੀ ਹੈ। ਡੋਮਿਨਿਕਾ ਨੇ ਆਪਣੇ ਦੇਸ਼ ਦੀ ਨਾਗਰਿਕਤਾ ਵੇਚਣੀ ਸ਼ੁਰੂ ਕਰ ਦਿੱਤੀ ਹੈ। ਨਾਗਰਿਕਤਾ ਲਈ ਲੋਕਾਂ ਨੂੰ ਲਗਭਗ 2 ਲੱਖ ਅਮਰੀਕੀ ਡਾਲਰ (1.68 ਕਰੋੜ ਰੁਪਏ) ਦੇਣੇ ਹੋਣਗੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤੀ ਡਾਕਟਰਾਂ ਲਈ 'Green Card' ਦੀ ਪ੍ਰਕਿਰਿਆ 'ਚ ਤੇਜ਼ੀ ਦੀ ਮੰਗ
ਡੋਮਿਨਿਕਾ ਦੇ ਸਾਬਕਾ ਵਿੱਤ ਮੰਤਰੀ ਫ੍ਰਾਂਸੀਨ ਬੈਰਨ ਨੇ ਸਰਕਾਰ ਦੀ ਇਸ ਪਹਿਲਕਦਮੀ ਨੂੰ ਦੇਸ਼ ਦਾ ਮੁਕਤੀਦਾਤਾ ਦੱਸਿਆ ਹੈ। ਉੱਥੇ ਮੌਜੂਦਾ ਵਿੱਤ ਮੰਤਰੀ ਇਰਵਿੰਗ ਮੈਕਿੰਟਾਇਰ ਨੇ ਜਲਵਾਯੂ ਪਰਿਵਰਤਨ ਨਾਲ ਨਜਿੱਠਣ ਲਈ ਦੇਸ਼ ਨੂੰ ਵਿੱਤੀ ਤੌਰ 'ਤੇ ਆਤਮ-ਨਿਰਭਰ ਹੋਣ 'ਤੇ ਜ਼ੋਰ ਦਿੱਤਾ ਹੈ। ਉਸਨੇ ਐਕਸ 'ਤੇ ਇੱਕ ਪੋਸਟ ਵਿੱਚ ਕਿਹਾ"ਇਹ ਪ੍ਰੋਗਰਾਮ ਸਾਡੇ ਲਈ ਬਹੁਤ ਮਾਇਨੇ ਰੱਖਦਾ ਹੈ।" ਅਸੀਂ ਮਹਿਸੂਸ ਕੀਤਾ ਕਿ ਜਲਵਾਯੂ ਪਰਿਵਰਤਨ ਨਾਲ ਨਜਿੱਠਣ ਲਈ ਸਾਨੂੰ ਵਿੱਤੀ ਸਹਾਇਤਾ ਦਾ ਸਵੈ-ਨਿਰਭਰ ਰੂਪ ਅਪਣਾਉਣਾ ਪਵੇਗਾ।
ਤੁਹਾਨੂੰ ਦੱਸ ਦੇਈਏ ਕਿ ਮਾਰੀਆ ਤੂਫਾਨ ਤੋਂ ਬਾਅਦ ਡੋਮਿਨਿਕਾ ਦੀ ਅਰਥਵਿਵਸਥਾ ਨੂੰ ਭਾਰੀ ਨੁਕਸਾਨ ਹੋਇਆ ਹੈ। ਅੰਦਾਜ਼ਾ ਹੈ ਕਿ ਇਹ ਨੁਕਸਾਨ ਦੇਸ਼ ਦੇ ਕੁੱਲ ਘਰੇਲੂ ਉਤਪਾਦ (ਜੀ.ਡੀ.ਪੀ.) ਦਾ ਦੁੱਗਣਾ ਹੈ। ਪ੍ਰਧਾਨ ਮੰਤਰੀ ਰੂਜ਼ਵੈਲਟ ਸਕਰਿਟ ਨੇ ਦੇਸ਼ ਨੂੰ ਬਿਹਤਰ ਅਤੇ ਵਾਤਾਵਰਣ ਦੇ ਅਨੁਕੂਲ ਬਣਾਉਣ ਦੀ ਸਹੁੰ ਖਾਧੀ ਹੈ। ਉਨ੍ਹਾਂ ਕਿਹਾ ਕਿ ਭਵਿੱਖ ਦੇ ਜਲਵਾਯੂ ਖਤਰਿਆਂ ਨੂੰ ਘਟਾਉਣ ਲਈ ਫੰਡਾਂ ਦੀ ਫੌਰੀ ਲੋੜ ਹੈ।ਤੁਹਾਨੂੰ ਦੱਸ ਦੇਈਏ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਡੋਮਿਨਿਕਾ ਨੇ ਆਪਣੇ ਦੇਸ਼ ਦੀ ਨਾਗਰਿਕਤਾ ਵੇਚਣੀ ਸ਼ੁਰੂ ਕੀਤੀ ਹੈ। ਇਹ 1990 ਤੋਂ ਚੱਲ ਰਿਹਾ ਹੈ। ਪਰ,2017 ਦੇ ਹਰੀਕੇਨ ਮਾਰੀਆ ਤੋਂ ਬਾਅਦ ਸਰਕਾਰ ਨੇ ਇਸ ਨੂੰ ਬਹੁਤ ਵਧਾ ਦਿੱਤਾ ਹੈ। ਹਾਲਾਂਕਿ ਅਮਰੀਕਾ ਸਮੇਤ ਯੂਰਪੀਅਨ ਯੂਨੀਅਨ ਦੇ ਦੇਸ਼ਾਂ ਨੇ ਕਿਸੇ ਦੇ ਪਿਛੋਕੜ ਦੀ ਜਾਂਚ ਕੀਤੇ ਬਿਨਾਂ ਨਾਗਰਿਕਤਾ 'ਤੇ ਚਿੰਤਾ ਜ਼ਾਹਰ ਕੀਤੀ ਹੈ। ਇਸ ਦੇ ਬਾਵਜੂਦ ਡੋਮਿਨਿਕ ਦੇਸ਼ ਦੇ ਪਾਸਪੋਰਟ ਦੀ ਮੰਗ ਕਾਫੀ ਵਧ ਗਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤੀ ਡਾਕਟਰਾਂ ਲਈ 'Green Card' ਦੀ ਪ੍ਰਕਿਰਿਆ 'ਚ ਤੇਜ਼ੀ ਦੀ ਮੰਗ
NEXT STORY 
