ਜੋਹਾਨਸਬਰਗ (ਭਾਸ਼ਾ): ਮਾਨਵਤਾ ਦੀ ਸੇਵਾ ਅਤੇ ਪਰਉਪਕਾਰ ਦੇ ਮਾਰਗ 'ਤੇ ਚੱਲਦਿਆਂ ਦੱਖਣੀ ਅਫਰੀਕਾ ਦੇ 'ਗੁਰਦੁਆਰਾ ਸਾਹਿਬ ਆਫ ਜੋਹਾਨਸਬਰਗ' (GSJ) ਦੀ ਪ੍ਰਬੰਧਕ ਕਮੇਟੀ ਅਤੇ ਸੰਗਤ ਨੇ ਇੱਕ ਸ਼ਲਾਘਾਯੋਗ ਕਦਮ ਚੁੱਕਿਆ ਹੈ। ਗੁਰਦੁਆਰਾ ਸਾਹਿਬ ਵੱਲੋਂ ਇਲਾਕੇ ਦੇ ਗਰੀਬ ਅਤੇ ਲੋੜਵੰਦ ਬੱਚਿਆਂ ਦੀ ਸਹੂਲਤ ਲਈ ਇੱਕ 'ਮਿੰਨੀ ਬੱਸ' ਤੋਹਫ਼ੇ ਵਜੋਂ ਦਿੱਤੀ ਗਈ ਹੈ, ਤਾਂ ਜੋ ਉਨ੍ਹਾਂ ਦੀ ਸਿੱਖਿਆ ਅਤੇ ਉੱਜਵਲ ਭਵਿੱਖ ਦੇ ਰਾਹ ਵਿੱਚ ਆਵਾਜਾਈ ਦੀ ਕੋਈ ਰੁਕਾਵਟ ਨਾ ਆਵੇ।
ਐਤਵਾਰ ਨੂੰ ਗੁਰਦੁਆਰਾ ਸਾਹਿਬ ਵਿਖੇ ਕਰਵਾਏ ਗਏ ਇੱਕ ਵਿਸ਼ੇਸ਼ ਦਾਨ-ਸਮਾਰੋਹ ਦੌਰਾਨ ਜੀ.ਐੱਸ.ਜੇ. (GSJ) ਦੇ ਟਰੱਸਟੀ ਹਰਬਿੰਦਰ ਸਿੰਘ ਸੇਠੀ ਨੇ ਕਿਹਾ ਕਿ ਭਾਵੇਂ ਇੱਕ ਵਾਹਨ ਦਾ ਦਾਨ ਦੇਣਾ ਦੇਖਣ ਵਿੱਚ ਛੋਟਾ ਲੱਗ ਸਕਦਾ ਹੈ, ਪਰ ਇਹ ਉਨ੍ਹਾਂ ਬੱਚਿਆਂ ਲਈ ਨਵੇਂ ਮੌਕਿਆਂ ਅਤੇ ਸੁਤੰਤਰਤਾ ਤੱਕ ਪਹੁੰਚ ਦਾ ਇੱਕ ਵੱਡਾ ਪ੍ਰਤੀਕ ਹੈ। ਉਨ੍ਹਾਂ ਦੱਸਿਆ ਕਿ ਗੁਰਦੁਆਰਾ ਪ੍ਰਬੰਧਕਾਂ ਅਤੇ ਸੰਗਤ ਨੇ ਇਹ ਮਿੰਨੀ ਬੱਸ 'ਲੁੱਕ ਫਾਰਵਰਡ ਕ੍ਰਿਏਟੀਵਿਟੀ ਸੈਂਟਰ' ਨਾਮਕ ਸਕੂਲ ਨੂੰ ਭੇਟ ਕੀਤੀ ਹੈ। ਇਹ ਸੈਂਟਰ ਪਿਛਲੇ ਲਗਭਗ ਦੋ ਦਹਾਕਿਆਂ ਤੋਂ ਇਸ ਸਕੂਲ ਦਾ ਸੰਚਾਲਨ ਕਰ ਰਿਹਾ ਹੈ। ਇਥੇ ਆਉਣ ਵਾਲੇ ਕਈ ਬੱਚਿਆਂ ਨੂੰ ਸੜਕ 'ਤੇ ਜ਼ਿੰਦਗੀ ਬਿਤਾਉਣ ਦੀ ਤੁਲਨਾ ਵਿਚ ਬਿਹਤਰ ਜੀਵਨ ਮਿਲਿਆ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਪੰਜਾਬੀ ਨੌਜਵਾਨਾਂ ਦੇ 'ਕੈਨੇਡਾ ਸੁਪਨੇ' ਨੂੰ ਲੱਗਿਆ ਝਟਕਾ, ਸਟੱਡੀ ਪਰਮਿਟਾਂ ਦੀ ਗਿਣਤੀ 6 ਸਾਲਾਂ ਦੇ ਹੇਠਲੇ ਪੱਧਰ 'ਤੇ
ਹਰਬਿੰਦਰ ਸਿੰਘ ਸੇਠੀ ਨੇ ਭਾਵੁਕ ਹੁੰਦਿਆਂ ਕਿਹਾ ਕਿ ਇਸ ਸੈਂਟਰ ਰਾਹੀਂ ਬਹੁਤ ਸਾਰੇ ਅਜਿਹੇ ਬੱਚਿਆਂ ਨੂੰ ਬਿਹਤਰ ਜੀਵਨ ਮਿਲਿਆ ਹੈ ਜੋ ਪਹਿਲਾਂ ਸੜਕਾਂ 'ਤੇ ਦਿਨ ਕੱਟਣ ਲਈ ਮਜਬੂਰ ਸਨ। ਉਨ੍ਹਾਂ ਦੱਸਿਆ ਕਿ ਗੁਰਦੁਆਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਪਿਛਲੇ 15 ਸਾਲਾਂ ਤੋਂ ਇਸ ਸੈਂਟਰ ਦੀਆਂ ਗਤੀਵਿਧੀਆਂ ਵਿੱਚ ਸਹਿਯੋਗ ਕਰ ਰਹੀ ਹੈ ਅਤੇ ਇਸ ਨੇਕ ਕਾਰਜ ਦਾ ਹਿੱਸਾ ਬਣਨਾ ਉਨ੍ਹਾਂ ਲਈ ਸੁਭਾਗ ਦੀ ਗੱਲ ਹੈ।
ਸਿੱਖ ਭਾਈਚਾਰੇ ਦੇ ਇਸ ਉਪਰਾਲੇ ਦੀ ਦੱਖਣੀ ਅਫਰੀਕਾ ਅਤੇ ਅਫਰੀਕੀ ਮਹਾਂਦੀਪ ਦੇ ਪ੍ਰਮੁੱਖ ਨੇਤਾਵਾਂ ਨੇ ਭਰਪੂਰ ਸ਼ਲਾਘਾ ਕੀਤੀ ਹੈ। ਦੱਖਣੀ ਅਫਰੀਕਾ ਦੇ 'ਸੈਕਰੇਟਰੀ ਜਨਰਲ ਆਫ ਦ ਕਾਂਗਰਸ ਆਫ ਟ੍ਰੈਡੀਸ਼ਨਲ ਲੀਡਰਜ਼' ਜ਼ੋਲਾਨੀ ਮਕੀਵਾ ਨੇ ਕਿਹਾ ਕਿ ਹਰਬਿੰਦਰ ਸਿੰਘ ਸੇਠੀ ਅਤੇ ਉਨ੍ਹਾਂ ਦੀ ਟੀਮ ਮਾਨਵਤਾ ਦੇ ਸੱਚੇ ਮੁੱਲਾਂ ਦੀ ਪ੍ਰਤੀਨਿਧਤਾ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸਿੱਖ ਕੌਮ ਹਮੇਸ਼ਾ ਲੋਕਾਂ ਦੇ ਭਲੇ ਅਤੇ ਲੋਕ ਭਲਾਈ ਦੇ ਕਾਰਜਾਂ ਵਿੱਚ ਵੱਧ-ਚੜ੍ਹ ਕੇ ਯੋਗਦਾਨ ਪਾਉਂਦੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਹੋ ਗਿਆ ਹਮਲਾ ! ਰੈਸਕਿਊ ਕਰਨ ਪਹੁੰਚੀਆਂ ਟੀਮਾਂ 'ਤੇ ਆ ਡਿੱਗਾ ਇਕ ਹੋਰ ਡਰੋਨ, ਰੂਸ-ਯੂਕ੍ਰੇਨ 'ਚ ਭਖਿਆ ਮਾਹੌਲ
NEXT STORY 
