ਸੈਨ ਫਰਾਂਸਿਸਕੋ (ਅਨਸ) - ਖੋਜਕਾਰਾਂ ਦਾ ਕਹਿਣਾ ਹੈ ਕਿ ਹੈਕਰਾਂ ਨੇ ਸਿਰਫ਼ 500 ਯੂਰੋ (ਕਰੀਬ 41,500 ਰੁਪਏ) 'ਚ ਫੇਸਬੁੱਕ ਦੇ 26.7 ਕਰੋੜ ਯੂਜਰ ਦਾ ਨਿਜੀ ਡਾਟਾ ਵੇਚ ਦਿੱਤਾ। ਸਾਇਬਰ ਰਿਸਕ ਅਸੈਸਮੈਂਟ ਪਲੇਟਫਾਰਮ ‘ਸਾਇਬਲ’ ਮੁਤਾਬਕ ਜੋ ਡਾਟਾ ਵੇਚਿਆ ਗਿਆ ਹੈ, ਉਸ 'ਚ ਯੂਜਰ ਦਾ ਈ-ਮੇਲ ਐਡਰੈਸ, ਫੇਸਬੁੱਕ ਆਈ.ਡੀ., ਜਨਮ ਮਿਤੀ ਅਤੇ ਫੋਨ ਨੰਬਰ ਸ਼ਾਮਿਲ ਹਨ। ਹਾਲਾਂਕਿ ਕਿਸੇ ਵੀ ਯੂਜਰ ਦਾ ਪਾਸਵਰਡ ਇਸ 'ਚ ਸ਼ਾਮਿਲ ਨਹੀਂ ਹੈ।
ਇਸ ਵਿਕਰੀ ਨੂੰ ਸਾਇਬਲ ਨਾਲ ਜੁੜੇ ਉਨ੍ਹਾਂ ਖੋਜਕਾਰਾਂ ਨੇ ਅੰਜਾਮ ਦਿੱਤਾ, ਜੋ ਡਾਟਾ ਨੂੰ ਡਾਊਨਲੋਡ ਅਤੇ ਵੈਰੀਫਾਈ ਕਰਣ 'ਚ ਸਮਰੱਥ ਸਨ। ਸਾਇਬਲ ਦਾ ਕਹਿਣਾ ਹੈ, ਫਿਲਹਾਲ ਸਾਨੂੰ ਇਸ ਗੱਲ ਦੀ ਜਾਣਕਾਰੀ ਨਹੀਂ ਹੈ ਕਿ ਡਾਟਾ ਕਿਵੇਂ ਲੀਕ ਹੋਇਆ। ਹੋ ਸਕਦਾ ਹੈ ਕਿ ਥਰਡ ਪਾਰਟੀ ਐਪਲਿਕੇਸ਼ਨ ਪ੍ਰੋਗਰਾਮਿੰਗ ਇੰਟਰਫੇਸ (ਏ.ਪੀ.ਆਈ.) ਦੇ ਜਰੀਏ ਡਾਟਾ ਲੀਕ ਹੋਇਆ ਹੋਵੇ। ਹਾਲਾਂਕਿ ਡਾਟਾ 'ਚ ਯੂਜਰ ਦਾ ਸੰਵੇਦਨਸ਼ੀਲ ਵਿਵਰਣ ਹੈ, ਇਸ ਲਈ ਸਾਇਬਰ ਅਪਰਾਧੀ ਇਸਦਾ ਪ੍ਰਯੋਗ ਫਿਸ਼ਿੰਗ ਜਾਂ ਸਪੈਮਿੰਗ ਲਈ ਕਰ ਸਕਦੇ ਹਨ।
ਪਿਛਲੇ ਸਾਲ ਦਸਬੰਰ 'ਚ ਵੀ ਅਜਿਹੀਆਂ ਖਬਰਾਂ ਆਈ ਸਨ ਕਿ 26.7 ਕਰੋੜ ਤੋਂ ਜ਼ਿਆਦਾ ਫੇਸਬੁੱਕ ਯੂਜਰ ਦਾ ਡਾਟਾਬੇਸ ਆਨਲਾਇਨ ਉਪਲੱਬਧ ਹੈ। ਇੱਕ ਵੈਬਸਾਇਟ 'ਤੇ ਲਿਖੇ ਬਲਾਗ ਪੋਸਟ ਦੇ ਮੁਤਾਬਕ ਇਸ ਡਾਟਾਬੇਸ ਨੂੰ ਆਨਲਾਇਨ ਹੈਕਰ ਫੋਰਮ ਤੋਂ ਡਾਊਨਲੋਡ ਕੀਤਾ ਜਾ ਸਕਦਾ ਸੀ। ਇਹ ਜਾਣਕਾਰੀ ਸਾਹਮਣੇ ਆਉਣ 'ਤੇ ਫੇਸਬੁੱਕ ਬੁਲਾਰਾ ਨੇ ਕਿਹਾ ਸੀ, ਅਸੀ ਇਸ ਮੁੱਦੇ ਨੂੰ ਵੇਖ ਰਹੇ ਹਾਂ, ਪਰ ਅਜਿਹਾ ਲੱਗਦਾ ਹੈ ਕਿ ਪ੍ਰਾਇਵੇਸੀ ਸੈਟਿੰਗ 'ਚ ਬਦਲਾਵ ਕੀਤੇ ਜਾਣ ਤੋਂ ਪਹਿਲਾਂ ਕਿਸੇ ਨੇ ਇਹ ਜਾਣਕਾਰੀ ਪ੍ਰਾਪਤ ਕੀਤੀ ਹੈ।
UAE 'ਚ ਭਾਰਤੀ ਕੌਂਸਲ ਲੋੜਵੰਦ ਲੋਕਾਂ ਨੂੰ ਮੁਹੱਈਆ ਕਰਾ ਰਿਹੈ ਭੋਜਨ, ਰਾਸ਼ਨ
NEXT STORY 
