ਨਿਊਯਾਰਕ— ਯੂ. ਐੱਨ. ਵਲੋਂ ਪੇਸ਼ ਕੀਤੀ ਗਈ ਇਕ ਰਿਪੋਰਟ ਮੁਤਾਬਕ 2018 'ਚ ਦੁਨੀਆ ਭਰ 'ਚ 821 ਮਿਲੀਅਨ ਤੋਂ ਵਧੇਰੇ ਲੋਕ ਭੁੱਖ ਕਾਰਨ ਪੀੜਤ ਸਨ। ਪਿਛਲੇ 3 ਸਾਲਾਂ ਦੀ ਤੁਲਨਾ 'ਚ ਇਹ ਅੰਕੜਾ ਕਾਫੀ ਤੇਜ਼ੀ ਨਾਲ ਵਧ ਰਿਹਾ ਹੈ। ਸੰਯੁਕਤ ਰਾਸ਼ਟਰ ਨੇ ਖੇਤੀ ਸੰਗਠਨ ਅਤੇ ਵਰਲਡ ਹੈਲਥ ਆਰਗੇਨਾਇਜ਼ੇਸ਼ਨ ਸਮੇਤ ਹੋਰ ਕਈ ਏਜੰਸੀਆਂ ਵਲੋਂ ਬਣਾਈ ਗਈ 'ਦਿ ਸਟੇਟ ਆਫ ਫੂਡ ਸਕਿਓਰਟੀ ਐਂਡ ਨਿਊਟ੍ਰੇਸ਼ਨ ਇਨ ਦਿ ਵਰਲਡ' ਨਾਮਕ ਰਿਪੋਰਟ ਜਾਰੀ ਕੀਤੀ ਹੈ। ਇਸ ਰਿਪੋਰਟ 'ਚ ਸਾਹਮਣੇ ਆਇਆ ਕਿ 2018 'ਚ 821 ਮਿਲੀਅਨ ਤੋਂ ਵਧੇਰੇ ਲੋਕ ਭੁੱਖ ਨਾਲ ਪੀੜਤ ਸਨ। ਇਸ ਰਿਪੋਰਟ ਮੁਤਾਬਕ 9 'ਚੋਂ 1 ਵਿਅਕਤੀ ਪੀੜਤ ਹੈ।
ਇਸ ਮੁਤਾਬਕ ਏਸ਼ੀਆ 'ਚ ਭੁੱਖ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 513.9 ਮਿਲੀਅਨ ਰਹੀ ਜਦਕਿ ਅਫਰੀਕਾ 'ਚ 256.1 ਮਿਲੀਅਨ ਅਤੇ ਲੈਟਿਨ ਅਮਰੀਕਾ ਅਤੇ ਕੈਰੀਬੀਅਨ 'ਚ 42.5 ਮਿਲੀਅਨ ਦੇ ਨੇੜੇ ਸੀ। ਰਿਪੋਰਟ ਮੁਤਾਬਕ 2015 'ਚ ਕੁਪੋਸ਼ਣ 'ਚ ਵਾਧਾ ਹੋਇਆ ਸੀ। ਇਸ ਦਾ ਮੁੱਖ ਕਾਰਨ ਜਲਵਾਯੂ ਪਰਿਵਰਤਨ ਅਤੇ ਯੁੱਧ ਸੀ। ਸੰਯੁਕਤ ਰਾਸ਼ਟਰ ਦਾ ਟੀਚਾ ਹੈ ਕਿ 2030 ਤਕ ਇਸ 'ਤੇ ਪੂਰੀ ਤਰ੍ਹਾਂ ਕਾਬੂ ਪਾ ਲਿਆ ਜਾਵੇਗਾ।
ਅਫਰੀਕਾ 'ਚ ਕੁਪੋਸ਼ਣ ਵਿਆਪਕ ਰੁਪ ਨਾਲ ਬਣਿਆ ਹੋਇਆ ਹੈ। ਇੱਥੇ ਲਗਭਗ 20 ਫੀਸਦੀ ਆਬਾਦੀ ਕੁਪੋਸ਼ਣ ਨਾਲ ਪ੍ਰਭਾਵਿਤ ਹੈ ਅਤੇ ਏਸ਼ੀਆ 'ਚ 12 ਫੀਸਦੀ ਤੋਂ ਵਧੇਰੇ ਲੋਕ ਇਸ ਸਮੱਸਿਆ ਨਾਲ ਜੂਝ ਰਹੇ ਹਨ। ਲੈਟਿਨ ਅਮਰੀਕਾ ਤੇ ਕੈਰੇਬੀਅਨ 'ਚ ਲਗਭਗ 7 ਫੀਸਦੀ ਲੋਕ ਇਸ ਨਾਲ ਪ੍ਰਭਾਵਿਤ ਹਨ।
ਤਲਾਕ ਤੋਂ ਬਾਅਦ ਗਰਲਫ੍ਰੈਂਡ ਨਾਲ ਟੈਨਿਸ ਫਾਈਨਲ ਦੇਖਣ ਪੁੱਜੇ ਅਮੇਜ਼ਨ ਫਾਉਂਡਰ ਬੇਜੋਸ
NEXT STORY 
