ਫਲੋਰੀਡਾ (ਏਜੰਸੀ)- ਅਮਰੀਕਾ ‘ਚ ਚੱਕਰਵਾਤੀ ਤੂਫ਼ਾਨ 'ਇਆਨ' ਨੇ ਫਲੋਰੀਡਾ ਦੇ ਇਕ ਹਸਪਤਾਲ ਨੂੰ ਆਪਣੀ ਲਪੇਟ ‘ਚ ਲੈ ਲਿਆ ਹੈ। ਹਸਪਤਾਲ ਦੀ ਗਰਾਊਂਡ ਫਲੋਰ 'ਤੇ ਪਾਣੀ ਭਰ ਗਿਆ ਹੈ ਅਤੇ ਚੌਥੀ ਮੰਜ਼ਿਲ ਦੀ ਛੱਤ, ਜਿੱਥੇ ਆਈ.ਸੀ.ਯੂ. ਸਥਿਤ ਹੈ, ਨੂੰ ਨੁਕਸਾਨ ਪਹੁੰਚਿਆ ਹੈ। ਹਸਪਤਾਲ ਵਿੱਚ ਕੰਮ ਕਰਨ ਵਾਲੀ ਇੱਕ ਡਾਕਟਰ ਨੇ ਇਹ ਜਾਣਕਾਰੀ ਦਿੱਤੀ। ਪੋਰਟ ਸ਼ਾਰਲੋਟ ਵਿੱਚ ਐੱਚ.ਸੀ.ਏ. ਫਲੋਰੀਡਾ ਫੌਸੇਟ ਹਸਪਤਾਲ ਵਿੱਚ ਕੰਮ ਕਰਨ ਵਾਲੀ ਡਾ: ਬਰਜਿਟ ਬੋਡੀਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪਤਾ ਸੀ ਕਿ ਤੂਫ਼ਾਨ ਸਮੱਸਿਆਵਾਂ ਪੈਦਾ ਕਰ ਸਕਦਾ ਹੈ ਪਰ ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਸੀ ਕਿ ਚੌਥੀ ਮੰਜ਼ਿਲ ਦੀ ਛੱਤ ਉੱਡ ਜਾਵੇਗੀ।
ਇਹ ਵੀ ਪੜ੍ਹੋ: ਅਮਰੀਕਾ ਦੀਆਂ 4 ਭੈਣਾਂ ਨੂੰ ਰੱਬ ਨੇ ਬਖਸ਼ਿਆ ਲੰਮੀ ਉਮਰ ਦਾ ਤੋਹਫ਼ਾ, ਚਾਰਾਂ ਦੀ ਸੰਯੁਕਤ ਉਮਰ ਹੈ 389 ਸਾਲ
ਬੁੱਧਵਾਰ ਨੂੰ ਪਾਣੀ ਹਸਪਤਾਲ ਦੇ ਆਈ.ਸੀ.ਯੂ. ਵਿੱਚ ਪਹੁੰਚ ਗਿਆ, ਜਿਸ ਕਾਰਨ ਗੰਭੀਰ ਰੂਪ ਵਿੱਚ ਬਿਮਾਰ ਕਰਮਚਾਰੀਆਂ ਨੂੰ ਬਾਹਰ ਕੱਢਿਆ ਗਿਆ ਅਤੇ ਉਨ੍ਹਾਂ ਵਿੱਚੋਂ ਕੁਝ ਨੂੰ ਹੋਰ ਮੰਜ਼ਿਲਾਂ 'ਤੇ ਭੇਜ ਪਹੁੰਚਾਇਆ ਗਿਆ। ਬੋਡੀਨ ਨੇ ਕਿਹਾ ਕਿ ਉਹ ਚੱਕਰਵਾਤ ਦੇ ਪ੍ਰਕੋਪ ਦੇ ਦੌਰਾਨ ਹਸਪਤਾਲ ਵਿੱਚ ਇੱਕ ਰਾਤ ਹੋਰ ਰੁਕ ਸਕਦੀ ਹੈ। ਉਨ੍ਹਾਂ ਕਿਹਾ, "ਐਂਬੂਲੈਂਸ ਜਲਦੀ ਆ ਸਕਦੀ ਹੈ ਅਤੇ ਸਾਨੂੰ ਨਹੀਂ ਪਤਾ ਕਿ ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਕਿੱਥੇ ਰੱਖਿਆ ਜਾਵੇਗਾ।" ਹਸਪਤਾਲ ਦੇ ਪ੍ਰਬੰਧਕਾਂ ਵੱਲੋਂ ਅਜੇ ਤੱਕ ਕੁਝ ਨਹੀਂ ਕਿਹਾ ਗਿਆ ਹੈ। ਕਾਉਂਟੀ ਕਮਿਸ਼ਨਰ ਦੇ ਸ਼ਾਰਲੋਟ ਕਾਉਂਟੀ ਬੋਰਡ ਦੇ ਬੁਲਾਰੇ ਬ੍ਰਾਇਨ ਗਲੀਸਨ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਹਸਪਤਾਲ ਨੂੰ ਨੁਕਸਾਨ ਹੋਣ ਦੀ ਸੂਚਨਾ ਮਿਲੀ ਸੀ ਪਰ ਛੱਤ ਉੱਡ ਜਾਣ ਬਾਰੇ ਜਾਣਕਾਰੀ ਨਹੀਂ ਹੈ।
ਇਹ ਵੀ ਪੜ੍ਹੋ: ਬੇਰਹਿਮੀ ਦੀਆਂ ਹੱਦਾਂ ਪਾਰ! ਈਰਾਨ 'ਚ ਹਿਜਾਬ ਦਾ ਵਿਰੋਧ ਕਰਨ 'ਤੇ 20 ਸਾਲਾ ਕੁੜੀ ਨੂੰ ਮਾਰੀਆਂ ਗੋਲੀਆਂ
ਅਮਰੀਕਾ 'ਚ ਤੂਫਾਨ 'ਇਆਨ' ਨੇ ਮਚਾਈ ਭਾਰੀ ਤਬਾਹੀ, 8.5 ਲੱਖ ਘਰਾਂ ਦੀ ਬੱਤੀ ਗੁੱਲ (ਵੀਡੀਓ)
NEXT STORY 
