ਹੈਦਰਾਬਾਦ - ਡਾ. ਸ਼ਾਹਨਵਾਜ਼ ਕੁੰਭਾਰ, ਜਿਸ 'ਤੇ ਈਸ਼ਨਿੰਦਾ ਦਾ ਦੋਸ਼ ਸੀ ਅਤੇ 18 ਸਤੰਬਰ ਨੂੰ ਮੀਰਪੁਰਖਾਸ ਪੁਲਸ ਵੱਲੋਂ ਕਥਿਤ ਤੌਰ 'ਤੇ ਝੂਠੇ ਮੁਕਾਬਲੇ ’ਚ ਮਾਰਿਆ ਗਿਆ ਸੀ, ਦੇ ਪਰਿਵਾਰ ਨੇ ਉਸਦੀ ਲਾਸ਼ ਨੂੰ ਸਾੜਨ ’ਚ ਸ਼ਾਮਲ ਨਿੱਜੀ ਵਿਅਕਤੀਆਂ ਦੀ ਪਛਾਣ ਕੀਤੀ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਦੱਸਿਆ ਗਿਆ ਹੈ ਕਿ ਈਸ਼ਨਿੰਦਾ ਕਰਨ ਵਾਲੇ ਮ੍ਰਿਤਕ ਦੇ ਸਾਲੇ ਮੁਹੰਮਦ ਇਬਰਾਹਿਮ ਕੁੰਭਾਰ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਉਮਰਕੋਟ ਜ਼ਿਲ੍ਹੇ ਦੇ ਤਾਲੁਕਾ ਪੁਲਸ ਸਟੇਸ਼ਨ ’ਚ ਇਕ ਐੱਫ.ਆਈ.ਆਰ. ਦਰਜ ਕੀਤੀ ਗਈ ਸੀ। ਇਬਰਾਹਿਮ ਨੇ ਦਾਅਵਾ ਕੀਤਾ ਕਿ ਕੁੰਭਾਰ ਨੂੰ ਸਿੰਧੀ ਪੁਲਸ ਨੇ ਲਿਆਰੀ, ਕਰਾਚੀ ’ਚ ਉਸਦੇ ਪਰਿਵਾਰ ਦੇ ਸਾਹਮਣੇ ਗ੍ਰਿਫਤਾਰ ਕੀਤਾ ਸੀ ਅਤੇ ਬਾਅਦ ’ਚ ਇਕ ਫਰਜ਼ੀ ਮੁਕਾਬਲੇ ’ਚ ਮਾਰਿਆ ਗਿਆ ਸੀ। ਉਸ ਨੇ ਇਹ ਵੀ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਉਸ ਦੀ ਲਾਸ਼ ਨੂੰ ਉਸ ਦੇ ਪਿੰਡ ਜਾਨਹਿਆਰੋ ਵਾਪਸ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਵੱਡੀ ਭੀੜ ਨੇ ਉਸ ਨੂੰ ਲਿਜਾ ਰਹੀ ਐਂਬੂਲੈਂਸ ਨੂੰ ਘੇਰ ਲਿਆ।
ਪੜ੍ਹੋ ਇਹ ਅਹਿਮ ਖ਼ਬਰ- ਸ਼੍ਰੀਲੰਕਾ ਦੇ ਨਵ-ਨਿਯੁਕਤ ਰਾਸ਼ਟਰਪਤੀ ਦਾ ਵੱਡਾ ਐਲਾਨ, 14 ਨਵੰਬਰ ਨੂੰ ਹੋਣਗੀਆਂ ਚੋਣਾਂ
ਉਸ ਨੇ ਕਿਹਾ ਕਿ ਸਥਾਨਕ ਪ੍ਰਾਰਥਨਾ ਆਗੂ ਮੌਲਵੀ ਅਹਿਮਦ ਸ਼ਾਹਾਨੀ ਨੇ ਭੀੜ ਨੂੰ ਲਾਸ਼ ਨੂੰ ਸਾੜਨ ਲਈ ਉਕਸਾਇਆ। “ਬਾਅਦ ’ਚ ਅਸੀਂ ਐਂਬੂਲੈਂਸ ਨੂੰ ਵਾਪਸ ਮੋੜ ਦਿੱਤਾ ਅਤੇ ਜਦੋਂ ਇਹ ਕੁਨਾਰੀ ਰੋਡ ਪਹੁੰਚੀ ਤਾਂ ਅਸੀਂ ਲਾਸ਼ ਨੂੰ ਆਪਣੀ ਕਾਰ ’ਚ ਰੱਖ ਲਿਆ।” ਸ਼ਿਕਾਇਤਕਰਤਾ ਨੇ ਇਹ ਵੀ ਦੱਸਿਆ ਕਿ ਉਹ ਲਾਸ਼ ਨੂੰ ਆਪਣੇ ਖੇਤ ਲੈ ਗਏ। ਹਾਲਾਂਕਿ, ਮੋਟਰਸਾਈਕਲ ਸਵਾਰ ਭੀੜ ਨੇ ਉਨ੍ਹਾਂ ਦਾ ਪਿੱਛਾ ਕੀਤਾ। "19 ਸਤੰਬਰ ਨੂੰ, ਸਵੇਰੇ 10 ਵਜੇ, ਭੀੜ ਨੇ ਸਾਡੇ ਕੋਲੋਂ ਲਾਸ਼ ਖੋਹ ਲਈ, ਸੁੱਕੇ ਘਾਹ ਨਾਲ ਢੱਕ ਕੇ ਅੱਗ ਲਗਾ ਦਿੱਤੀ।"
ਪੜ੍ਹੋ ਇਹ ਅਹਿਮ ਖ਼ਬਰ-MPox ਦੇ ਕੇਸਾਂ ’ਚ ਗਿਣਤੀ ’ਚ ਹੋਇਆ ਵਾਧਾ
ਇਕ ਨਿਊਜ਼ ਏਜੰਸੀ ਤੋਂ ਮਿਲੀ ਰਿਪੋਰਟ ਅਨੁਸਾਰ ਉਸ ਨੇ ਸ਼ਾਹਾਨੀ, ਮਹਿਬੂਬ ਸੰਧ, ਅਮਜਦ ਪੰਹਵਾਰ, ਸ਼ਮਸ਼ਾਦ ਪੰਹਵਾਰ, ਨੂਰ ਹਸਨ ਪੰਹਵਾਰ, ਗੁਲਾਮ ਮੁਜਤਬਾ ਪੰਹਵਾਰ, ਦਾਊਦ ਪੰਹਵਾਰ, ਲਖਮੀਰ ਸਮੀਜੋ, ਅਰਸ਼ਦ ਸਮੀਜੋ, ਮੀਰੂ ਸਮੀਜੋ, ਅਲੀਮ ਸਮੀਜੋ, ਮਾਸ਼ੂਕ ਖਾਸਲੀਜੋ, ਫਾਕੀ ਖਾਸੀਜੋ ਅਤੇ ਫਾਕੀ ਨੂੰ ਗ੍ਰਿਫਤਾਰ ਕੀਤਾ ਹੈ ਪਰ ਐੱਫ.ਆਈ.ਆਰ. ’ਚ ਇਹ ਦੋਸ਼ ਲਗਾਇਆ ਗਿਆ ਹੈ। ਪਾਕਿਸਤਾਨ ਪੀਨਲ ਕੋਡ ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਕੁੱਲ 19 ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ, ਜਿਨ੍ਹਾਂ ’ਚ 15 ਅਣਪਛਾਤੇ ਵਿਅਕਤੀਆਂ ਸਮੇਤ 341, 269, 297, 114, 336ਬੀ, 147, 148 ਅਤੇ 149 ਸ਼ਾਮਲ ਹਨ। ਡਾਕਟਰ ਦੀ ਹੱਤਿਆ ਅਤੇ ਉਸ ਤੋਂ ਬਾਅਦ ਉਸ ਦੀ ਲਾਸ਼ ਨੂੰ ਸਾੜਨ ਦੀ ਇਸ ਭਿਆਨਕ ਘਟਨਾ ਦੀ ਵੱਖ-ਵੱਖ ਸਮਾਜਕ ਜਥੇਬੰਦੀਆਂ ਅਤੇ ਮਨੁੱਖੀ ਅਧਿਕਾਰ ਕਾਰਕੁੰਨਾਂ ਵੱਲੋਂ ਸਖ਼ਤ ਨਿਖੇਧੀ ਕੀਤੀ ਗਈ ਹੈ, ਜਿਨ੍ਹਾਂ ਵੱਲੋਂ ਇਸ ਝੂਠੇ ਮੁਕਾਬਲੇ ’ਚ ਸ਼ਾਮਲ ਪੁਲਸ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਵੀ ਕੀਤੀ ਜਾ ਰਹੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਲਿਬਨਾਨ ’ਚ ਦਹਿਸ਼ਤ : ਮੋਬਾਇਲ ਫਟ ਨਾ ਜਾਵੇ, ਇਸ ਡਰ ਤੋਂ ਬੈਟਰੀ ਕੱਢ ਰਹੇ ਲੋਕ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮੋਟਰਸਾਈਕਲ 'ਚ ਬੰਬ ਧਮਾਕਾ, ਪੁਲਸ ਮੁਲਾਜ਼ਮਾਂ ਸਮੇਤ 12 ਜ਼ਖ਼ਮੀ
NEXT STORY 
