ਨਵੀਂ ਦਿੱਲੀ - ਭਾਰਤ ਨੇ ਆਪਣੇ ਗੁਆਂਢੀ ਧਰਮ ਦੀ ਭੂਮਿਕਾ ਨਿਭਾਉਂਦੇ ਹੋਏ ਸ਼੍ਰੀਲੰਕਾ ਦੇ ਲੋਕਾਂ ਲਈ ਫਿਰ ਤੋਂ ਮਦਦ ਭੇਜੀ ਹੈ। ਆਪਣੀ ਨੇਬਰਹੁੱਡ ਫਸਟ ਨੀਤੀ ਦੇ ਤਹਿਤ ਸ਼੍ਰੀਲੰਕਾ ਦੇ ਸਮਰਥਨ ਨੂੰ ਜਾਰੀ ਰੱਖਦੇ ਹੋਏ, ਭਾਰਤ ਨੇ ਸ਼ਨੀਵਾਰ ਨੂੰ ਜਾਫਨਾ ਟੀਚਿੰਗ ਹਸਪਤਾਲ (JTH) ਨੂੰ ਜੀਵਨ ਬਚਾਉਣ ਵਾਲੀਆਂ ਦਵਾਈਆਂ ਅਤੇ ਉਪਕਰਣਾਂ ਦੇ ਦੋ ਟਰੱਕ ਪ੍ਰਦਾਨ ਕੀਤੇ। ਇਹ ਸਹਾਇਤਾ ਕੌਂਸਲੇਟ ਜਨਰਲ ਆਫ ਇੰਡੀਆ, ਜਾਫਨਾ ਰਾਕੇਸ਼ ਨਟਰਾਜ ਵੱਲੋਂ ਡਾਇਰੈਕਟਰ (ਐਕਟਿੰਗ), ਜੇ.ਟੀ.ਐਚ., ਡਾ. ਨੱਤਕੁਮਾਰ ਨੂੰ ਸੌਂਪੀ ਗਈ। ਇਹ ਮਦਦ ਟਾਪੂ ਦੇਸ਼ ਦੇ ਉੱਤਰੀ ਸੂਬੇ ਵਿੱਚ ਆਮ ਅਤੇ ਗੰਭੀਰ ਦੇਖਭਾਲ ਦੀਆਂ ਡਾਕਟਰੀ ਸਹੂਲਤਾਂ ਨੂੰ ਯਕੀਨੀ ਬਣਾਏਗੀ।
ਇਹ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਦੀ ਮੌਤ 'ਤੇ ਦੁੱਖ ਪ੍ਰਗਟ ਕਰਕੇ ਕਸੂਤੀ ਘਿਰੀ ਪਾਕਿਸਤਾਨੀ ਗਾਇਕਾ, ਸੋਸ਼ਲ ਮੀਡੀਆ 'ਤੇ ਹੋ ਰਹੀ ਟ੍ਰੋਲ
ਕੋਲੰਬੋ ਵਿੱਚ ਹਾਈ ਕਮਿਸ਼ਨਰ ਗੋਪਾਲ ਬਾਗਲੇ ਨੇ ਕਿਹਾ ਕਿ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੂੰ ਮਾਰਚ 2022 ਵਿੱਚ ਕੋਲੰਬੋ ਵਿੱਚ ਸੁਵਾਸੇਰੀਆ ਹੈੱਡਕੁਆਰਟਰ ਦੇ ਦੌਰੇ ਦੌਰਾਨ ਫਾਊਂਡੇਸ਼ਨ ਦੁਆਰਾ ਮੈਡੀਕਲ ਸਪਲਾਈ ਦੀ ਵੱਧ ਰਹੀ ਕਮੀ ਬਾਰੇ ਜਾਣੂ ਕਰਵਾਇਆ ਗਿਆ ਸੀ। ਆਪਣੀ "ਨੇਬਰਹੁੱਡ ਫਸਟ" ਨੀਤੀ ਦੇ ਤਹਿਤ, ਭਾਰਤ ਨੇ ਆਰਥਿਕ ਸੰਕਟ ਦੌਰਾਨ ਸ਼੍ਰੀਲੰਕਾ ਲਈ ਮਦਦ ਦਾ ਹੱਥ ਵਧਾਇਆ। ਬਾਗਲੇ ਨੇ ਸ਼ੁੱਕਰਵਾਰ ਨੂੰ 1990 ਸੁਵਾਸਰੀਆ ਐਂਬੂਲੈਂਸ ਸੇਵਾ ਨੂੰ ਕੁੱਲ 3.3 ਟਨ ਜ਼ਰੂਰੀ ਮੈਡੀਕਲ ਸਪਲਾਈ ਸੌਂਪੀ ।
ਇਹ ਵੀ ਪੜ੍ਹੋ : ਬੰਗਲਾਦੇਸ਼ ਦੇ ਕੰਟੇਨਰ ਡਿਪੂ 'ਚ ਅੱਗ ਲੱਗਣ ਕਾਰਨ 16 ਲੋਕਾਂ ਦੀ ਮੌਤ, 450 ਤੋਂ ਵੱਧ ਜ਼ਖਮੀ
ਸ਼੍ਰੀਲੰਕਾ ਵਿੱਚ ਭਾਰਤੀ ਹਾਈ ਕਮਿਸ਼ਨ ਨੇ ਟਵੀਟ ਕੀਤਾ, “ਸ਼੍ਰੀਲੰਕਾ ਦੇ ਲੋਕਾਂ ਨਾਲ ਇੱਕ ਹੋਰ ਵਾਅਦਾ ਪੂਰਾ ਹੋਇਆ!!! ਮਾਰਚ ਵਿੱਚ ਆਪਣੀ ਫੇਰੀ ਦੌਰਾਨ, ਵਿਦੇਸ਼ ਮੰਤਰੀ @DrSJaishankar ਨੂੰ @1990SuwaSeriya ਦੁਆਰਾ ਦਰਪੇਸ਼ ਦਵਾਈਆਂ ਦੀ ਘਾਟ ਬਾਰੇ ਜਾਣੂ ਕਰਵਾਇਆ ਗਿਆ ਸੀ। ਹਾਈ ਕਮਿਸ਼ਨਰ ਨੇ ਅੱਜ ਮਹੱਤਵਪੂਰਨ ਜੀਵਨ ਰੇਖਾ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ 3.3 ਟਨ ਮੈਡੀਕਲ ਸਪਲਾਈ ਸੌਂਪੀ। ਮੈਡੀਕਲ ਸਪਲਾਈ ਦੀ ਫੌਰੀ ਲੋੜ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ, ਹਾਈ ਕਮਿਸ਼ਨ ਨੇ ਕਿਹਾ ਕਿ ਭਾਰਤੀ ਜਲ ਸੈਨਾ ਦੇ ਜਹਾਜ਼ (ਆਈਐਨਐਸ) ਘੜਿਆਲ ਨੂੰ ਇਸ ਉਦੇਸ਼ ਲਈ ਵਿਸ਼ੇਸ਼ ਤੌਰ 'ਤੇ ਤਾਇਨਾਤ ਕੀਤਾ ਗਿਆ ਸੀ।
ਭਾਰਤ ਸ਼੍ਰੀਲੰਕਾ ਦਾ ਮਜ਼ਬੂਤ ਅਤੇ ਆਪਸੀ ਲਾਭਦਾਇਕ ਭਾਈਵਾਲ ਬਣ ਰਿਹਾ ਹੈ। ਮਹਾਂਮਾਰੀ ਅਤੇ ਖਾਦ ਦੀ ਹਫੜਾ-ਦਫੜੀ ਦੌਰਾਨ ਸਹਾਇਤਾ ਕਰਨ ਤੋਂ ਇਲਾਵਾ, ਭਾਰਤ ਟਾਪੂ ਦੇਸ਼ ਨੂੰ ਬੁਨਿਆਦੀ ਉਤਪਾਦ ਵੀ ਦਾਨ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ, 27 ਮਈ ਨੂੰ, ਸ਼੍ਰੀਲੰਕਾ ਵਿੱਚ ਭਾਰਤ ਦੇ ਕਾਰਜਕਾਰੀ ਹਾਈ ਕਮਿਸ਼ਨਰ ਵਿਨੋਦ ਕੇ ਜੈਕਬ ਨੇ ਕੋਲੰਬੋ ਵਿੱਚ ਸਿਹਤ ਮੰਤਰੀ ਕੇਹੇਲੀਆ ਰਾਮਬੁਕਵੇਲਾ ਨੂੰ 25 ਟਨ ਤੋਂ ਵੱਧ ਮੈਡੀਕਲ ਸਪਲਾਈ ਦੀ ਇੱਕ ਖੇਪ ਸੌਂਪੀ ਸੀ। ਸ਼੍ਰੀਲੰਕਾ ਵਿੱਚ ਭਾਰਤੀ ਹਾਈ ਕਮਿਸ਼ਨ ਨੇ ਟਵਿੱਟਰ 'ਤੇ ਕਿਹਾ ਕਿ ਖੇਪ ਦੀ ਕੀਮਤ 26 ਕਰੋੜ ਰੁਪਏ ਦੇ ਕਰੀਬ ਹੈ।
ਇਹ ਵੀ ਪੜ੍ਹੋ : ਬਰੇਕ ਸਿਸਟਮ ਫੇਲ ਹੋਣ ਦੇ ਡਰੋਂ Mercedes ਨੇ 10 ਲੱਖ ਗੱਡੀਆਂ ਵਾਪਸ ਮੰਗਵਾਈਆਂ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਲਾਹੌਰ ਅਜਾਇਬ ਘਰ ’ਚ ਸਿੱਖ ਧਰਮ ਅਤੇ ਸਿੱਖ ਸ਼ਾਸਕਾਂ ਸਬੰਧੀ ਨਵੀਂ 'ਸਿੱਖ ਗੈਲਰੀ' ਦੀ ਸਥਾਪਨਾ
NEXT STORY 
