ਸਿੰਗਾਪੁਰ (ਭਾਸ਼ਾ)- ਇੰਡੋਨੇਸ਼ੀਆ ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੇ ਦੋਸ਼ਾਂ ਵਿੱਚ ਤਿੰਨ ਭਾਰਤੀ ਨਾਗਰਿਕਾਂ ਨੂੰ ਮੌਤ ਦੀ ਸਜ਼ਾ ਹੋ ਸਕਦੀ ਹੈ। ਇਹ ਜਾਣਕਾਰੀ ਸ਼ੁੱਕਰਵਾਰ ਨੂੰ ਇੱਕ ਮੀਡੀਆ ਰਿਪੋਰਟ ਵਿੱਚ ਦਿੱਤੀ ਗਈ। ਦੋਸ਼ੀਆਂ 'ਤੇ ਸਿੰਗਾਪੁਰ ਦੇ ਝੰਡੇ ਵਾਲੇ ਜਹਾਜ਼ ਰਾਹੀਂ 106 ਕਿਲੋਗ੍ਰਾਮ 'ਕ੍ਰਿਸਟਲ ਮੈਥ' ਦੀ ਤਸਕਰੀ ਕਰਨ ਦਾ ਦੋਸ਼ ਹੈ। ਪੁਲਸ ਨੇ ਦੱਸਿਆ ਕਿ ਰਾਜੂ ਮੁਥੁਕੁਮਾਰਨ (38), ਸੇਲਵਾਦੁਰਾਈ ਦਿਨਾਕਰਨ (34) ਅਤੇ ਗੋਵਿੰਦਸਾਮੀ ਵਿਮਲਕੰਧਨ (45) ਨੂੰ ਜੁਲਾਈ 2024 ਵਿੱਚ ਇੰਡੋਨੇਸ਼ੀਆ ਦੇ ਕਰੀਮੁਨ ਜ਼ਿਲ੍ਹੇ ਦੇ ਪੋਂਗਕਰ ਜਲ ਖੇਤਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਹ ਤਿੰਨੋਂ ਤਾਮਿਲਨਾਡੂ ਦੇ ਵਸਨੀਕ ਹਨ ਅਤੇ ਸਿੰਗਾਪੁਰ ਵਿੱਚ ਸ਼ਿਪਿੰਗ ਉਦਯੋਗ ਵਿੱਚ ਕੰਮ ਕਰਦੇ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਹੀਥਰੋ ਹਵਾਈ ਅੱਡਾ ਅਪਡੇਟ : ਹੁਣ ਤੱਕ ਘੱਟੋ-ਘੱਟ 1,351 ਉਡਾਣਾਂ ਰੱਦ
ਅਧਿਕਾਰੀਆਂ ਅਨੁਸਾਰ ਇੰਡੋਨੇਸ਼ੀਆਈ ਅਧਿਕਾਰੀਆਂ ਨੇ ਗੁਪਤ ਜਾਣਕਾਰੀ ਦੇ ਆਧਾਰ 'ਤੇ 'ਲੇਜੈਂਡ ਐਕੁਆਰਿਅਸ ਕਾਰਗੋ' ਜਹਾਜ਼ ਨੂੰ ਰੋਕਿਆ ਸੀ। ਜਾਂਚ ਦੌਰਾਨ ਇਸ ਜਹਾਜ਼ ਤੋਂ ਵੱਡੀ ਮਾਤਰਾ ਵਿੱਚ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ ਗਏ। ਅਦਾਲਤ ਦੀ ਸੁਣਵਾਈ ਦੌਰਾਨ ਬਚਾਅ ਪੱਖ ਨੇ ਕਿਹਾ ਕਿ ਜਹਾਜ਼ ਦੇ ਕਪਤਾਨ ਦੀ ਗਵਾਹੀ ਜ਼ਰੂਰੀ ਸੀ, ਪਰ ਉਹ ਸਿਰਫ਼ ਵਰਚੁਅਲੀ ਹੀ ਪੇਸ਼ ਹੋਇਆ ਜਿਸ ਕਾਰਨ ਜਿਰ੍ਹਾ ਨਹੀਂ ਹੋ ਸਕੀ। ਬਚਾਅ ਪੱਖ ਦੇ ਵਕੀਲ ਨੇ ਦਲੀਲ ਦਿੱਤੀ ਕਿ ਕੈਪਟਨ ਦੀ ਜਾਣਕਾਰੀ ਤੋਂ ਬਿਨਾਂ ਇੰਨੇ ਵੱਡੇ ਪੱਧਰ 'ਤੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਸੰਭਵ ਨਹੀਂ ਸੀ। ਇਸਤਗਾਸਾ ਪੱਖ ਨੇ ਦੋਸ਼ੀ ਲਈ 'ਮੌਤ ਦੀ ਸਜ਼ਾ' ਦੀ ਮੰਗ ਕੀਤੀ ਹੈ। ਇੰਡੋਨੇਸ਼ੀਆਈ ਨੈਸ਼ਨਲ ਨਾਰਕੋਟਿਕਸ ਏਜੰਸੀ ਦੇ ਮੁਖੀ ਮਾਰਥੀਨਸ ਹੁਕੋਮ ਨੇ ਕਿਹਾ ਕਿ ਤਿੰਨੋਂ ਭਾਰਤੀ ਨਾਗਰਿਕ ਸਨ ਜਿਨ੍ਹਾਂ ਕੋਲ ਨਸ਼ੀਲੇ ਪਦਾਰਥ ਸਨ। ਇਸ ਮਾਮਲੇ ਦਾ ਫੈਸਲਾ 15 ਅਪ੍ਰੈਲ ਨੂੰ ਆਉਣ ਦੀ ਉਮੀਦ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਸੰਘਰਸ਼ ਕਰ ਰਹੇ ਕਿਸਾਨਾਂ ਪ੍ਰਤੀ ਪੰਜਾਬ ਸਰਕਾਰ ਦਾ ਰਵੱਈਆ ਅੱਤਨਿੰਦਣਯੋਗ : ਵਰਲਡ ਸਿੱਖ ਪਾਰਲੀਮੈਂਟ
NEXT STORY 
