ਇੰਟਰਨੈਸ਼ਨਲ ਡੈਸਕ- ਮੰਗਲਵਾਰ ਨੂੰ ਪੂਰੀ ਦੁਨੀਆ ਵਿੱਚ ਅੰਤਰਰਾਸ਼ਟਰੀ ਨਰਸੰਹਾਰ ਯਾਦਗਾਰ ਦਿਵਸ ਮਨਾਇਆ ਗਿਆ। ਇਸ ਦਿਨ ਨਾਜ਼ੀ ਜਰਮਨੀ ਦੁਆਰਾ ਲੱਖਾਂ ਯਹੂਦੀਆਂ ਅਤੇ ਹੋਰ ਨਿਰਦੋਸ਼ ਲੋਕਾਂ ਦੇ ਕਤਲੇਆਮ ਦੀ ਭਿਆਨਕ ਤ੍ਰਾਸਦੀ ਨੂੰ ਯਾਦ ਕਰਦਿਆਂ ਯੂਰਪ ਸਮੇਤ ਵਿਸ਼ਵ ਭਰ ਵਿੱਚ ਸ਼ਰਧਾਂਜਲੀ ਸਮਾਗਮ ਕੀਤੇ ਗਏ।
ਜ਼ਿਕਰਯੋਗ ਹੈ ਕਿ 27 ਜਨਵਰੀ ਦਾ ਦਿਨ 'ਓਸ਼ਵਿਟਜ਼-ਬਿਰਕੇਨਾਊ' ਮੌਤ ਕੈਂਪ ਨੂੰ ਸੋਵੀਅਤ ਫੌਜਾਂ ਦੁਆਰਾ ਮੁਕਤ ਕਰਵਾਉਣ ਦੀ ਵਰ੍ਹੇਗੰਢ ਵਜੋਂ ਮਨਾਇਆ ਜਾਂਦਾ ਹੈ। 1945 ਵਿੱਚ ਅੱਜ ਦੇ ਦਿਨ ਹੀ ਇਸ ਕੈਂਪ ਤੋਂ ਕੈਦੀਆਂ ਨੂੰ ਆਜ਼ਾਦ ਕਰਵਾਇਆ ਗਿਆ ਸੀ। ਪੋਲੈਂਡ ਵਿੱਚ ਸਥਿਤ ਓਸ਼ਵਿਟਜ਼ ਸਮਾਰਕ 'ਤੇ ਸਾਬਕਾ ਕੈਦੀਆਂ ਨੇ 'ਮੌਤ ਦੀ ਕੰਧ' 'ਤੇ ਫੁੱਲ ਮਾਲਾਵਾਂ ਭੇਟ ਕੀਤੀਆਂ। ਬਰਲਿਨ (ਜਰਮਨੀ) ਵਿੱਚ ਨਰਸੰਹਾਰ ਸਮਾਰਕ 'ਤੇ ਮੋਮਬੱਤੀਆਂ ਜਗਾ ਕੇ ਪੀੜਤਾਂ ਨੂੰ ਯਾਦ ਕੀਤਾ ਗਿਆ।
ਰਿਪੋਰਟ ਅਨੁਸਾਰ, ਇਸ ਭਿਆਨਕ ਨਰਸੰਹਾਰ ਨੂੰ ਆਪਣੀਆਂ ਅੱਖਾਂ ਨਾਲ ਦੇਖਣ ਵਾਲੇ ਲਗਭਗ 1,96,600 ਯਹੂਦੀ ਅੱਜ ਵੀ ਜੀਵਿਤ ਹਨ, ਜਿਨ੍ਹਾਂ ਦੀ ਗਿਣਤੀ ਪਿਛਲੇ ਸਾਲ 2,20,000 ਸੀ। ਦੂਜੇ ਵਿਸ਼ਵ ਯੁੱਧ ਦੌਰਾਨ ਨਾਜ਼ੀਆਂ ਨੇ ਲਗਭਗ 11 ਲੱਖ ਲੋਕਾਂ ਦਾ ਕਤਲ ਕੀਤਾ ਸੀ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਯਹੂਦੀ ਸਨ, ਪਰ ਪੋਲਿਸ਼ ਅਤੇ ਰੋਮਾ ਭਾਈਚਾਰੇ ਦੇ ਲੋਕ ਵੀ ਵੱਡੀ ਗਿਣਤੀ ਵਿੱਚ ਸ਼ਾਮਲ ਸਨ। ਜਰਮਨੀ ਦੀ ਸੰਸਦ (ਬੁੰਡੇਸਟੈਗ) ਵਿੱਚ ਵੀ ਬੁੱਧਵਾਰ ਨੂੰ ਇੱਕ ਵਿਸ਼ੇਸ਼ ਯਾਦਗਾਰ ਪ੍ਰੋਗਰਾਮ ਆਯੋਜਿਤ ਕੀਤਾ ਜਾ ਰਿਹਾ ਹੈ ਤਾਂ ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਇਸ ਇਤਿਹਾਸਕ ਗਲਤੀ ਤੋਂ ਜਾਣੂ ਕਰਵਾਇਆ ਜਾ ਸਕੇ।
ਲਾਹੌਰ ਕਿਲ੍ਹੇ 'ਚ ਭਗਵਾਨ ਰਾਮ ਦੇ ਪੁੱਤਰ ਲਵ ਦੇ ਇਤਿਹਾਸਕ ਮੰਦਰ ਦੀ ਮੁਰੰਮਤ ਪੂਰੀ, ਲੋਕਾਂ ਲਈ ਖੋਲ੍ਹਿਆ
NEXT STORY 
