ਲੰਡਨ (ਭਾਸ਼ਾ)- ਇਨਫੋਸਿਸ ਦੇ ਸਹਿ-ਸੰਸਥਾਪਕ ਨਰਾਇਣ ਮੂਰਤੀ ਦੀ ਧੀ ਅਕਸ਼ਤਾ ਮੂਰਤੀ ਦੇ ਟੈਕਸ ਮਾਮਲੇ ਇੱਕ ਅਖ਼ਬਾਰ ਤੱਕ ਕਿਵੇਂ ਪਹੁੰਚ ਗਏ, ਇਸ ਦੀ ਅੰਦਰੂਨੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਐਤਵਾਰ ਨੂੰ ਮੀਡੀਆ ਰਿਪੋਰਟਾਂ 'ਚ ਇਹ ਗੱਲ ਕਹੀ ਗਈ। ਬ੍ਰਿਟਿਸ਼ ਸਰਕਾਰ ਦੀ ਅੰਦਰੂਨੀ ਜਾਂਚ ਇਸ ਗੱਲ ਦੀ ਜਾਂਚ ਕਰੇਗੀ ਕਿ ਵਿੱਤ ਮੰਤਰੀ ਰਿਸ਼ੀ ਸੁਨਕ ਦੀ ਪਤਨੀ ਦੀ ਗੈਰ-ਨਿਵਾਸ ਸਥਿਤੀ ਦੀ ਸੂਚਨਾ ਦਿ ਇੰਡੀਪੈਂਡੈਂਟ ਅਖ਼ਬਾਰ ਨੂੰ ਕਿਵੇਂ ਦਿੱਤੀ ਗਈ ਸੀ, ਜਿਸ ਨੇ ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਪਹਿਲੀ ਵਾਰ ਖ਼ਬਰ ਪ੍ਰਕਾਸ਼ਿਤ ਕੀਤੀ ਸੀ।
‘ਦਿ ਸੰਡੇ ਟਾਈਮਜ਼’ ਮੁਤਾਬਕ ਸੁਨਕ ਦੀ ਟੀਮ ਦਾ ਮੰਨਣਾ ਹੈ ਕਿ ‘ਰੈੱਡ ਥਰੋਟ’ ਵਜੋਂ ਜਾਣੇ ਜਾਂਦੇ ਸਰਕਾਰੀ ਅਧਿਕਾਰੀ ਦੀ ਹਮਾਇਤ ਕਰਨ ਵਾਲੀ ਵਿਰੋਧੀ ਲੇਬਰ ਪਾਰਟੀ ਇਸ ਲੀਕ ਲਈ ਜ਼ਿੰਮੇਵਾਰ ਹੈ। ਅਖਬਾਰ ਨੇ ਬੇਨਾਮ ਸੀਨੀਅਰ ਸਰਕਾਰੀ ਅਧਿਕਾਰੀਆਂ ਦੇ ਹਵਾਲੇ ਨਾਲ ਕਿਹਾ ਕਿ ਇਸ ਬਾਰੇ ਪੂਰੀ ਕੈਬਨਿਟ ਦਫਤਰ ਅਤੇ ਵਿੱਤ ਮੰਤਰਾਲੇ ਦੀ ਜਾਂਚ ਹੋਣ ਜਾ ਰਹੀ ਹੈ ਕਿ ਇਹ ਜਾਣਕਾਰੀ ਕਿਸ ਕੋਲ ਸੀ ਅਤੇ ਕੀ ਕਿਸੇ ਨੇ ਇਸ ਜਾਣਕਾਰੀ ਦੀ ਮੰਗ ਕੀਤੀ ਸੀ। ਕਿਸੇ ਨਿੱਜੀ ਵਿਅਕਤੀ ਦੀ ਟੈਕਸ ਸਥਿਤੀ ਦਾ ਖੁਲਾਸਾ ਕਰਨਾ ਇੱਕ ਅਪਰਾਧਿਕ ਕਾਰਵਾਈ ਹੈ। ਇਹ ਖੁਲਾਸਾ ਹੋਇਆ ਹੈ ਵਿੱਤ ਮੰਤਰੀ ਦੀ ਪਤਨੀ ਜੋ ਇਕ ਭਾਰਤੀ ਨਾਗਰਿਕ ਹੈ ਬ੍ਰਿਟੇਨ ਵਿਚ ਟੈਕਸ ਉਦੇਸ਼ਾਂ ਲਈ ਗੈਰ-ਨਿਵਾਸੀ ਸੀ ਮਤਲਬ ਕਿ ਉਹ ਕਾਨੂੰਨੀ ਤੌਰ 'ਤੇ ਆਪਣੀ ਵਿਦੇਸ਼ੀ ਕਮਾਈ 'ਤੇ ਟੈਕਸ ਅਦਾ ਕਰਨ ਲਈ ਪਾਬੰਦ ਨਹੀਂ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- ਬ੍ਰਿਟੇਨ 'ਚ ਸੁਨਕ ਦਾ ਪ੍ਰਧਾਨ ਮੰਤਰੀ ਬਣਨ ਦਾ ਸੁਫ਼ਨਾ ਹੋਇਆ ਚਕਨਾਚੂਰ
ਇਸ ਖੁਲਾਸੇ ਦੇ ਬਾਅਦ ਭਾਰਤੀ ਮੂਲ ਦੇ ਵਿੱਤ ਮੰਤਰੀ ਦੁਆਰਾ ਹਾਲ ਹੀ ਵਿਚ ਕੀਤੇ ਗਏ ਟੈਕਸ ਵਾਧੇ ਵੱਲ ਇਸ਼ਾਰਾ ਕਰਦਿਆਂ ਵਿਰੋਧੀ ਪਾਰਟੀਆਂ ਨੂੰ ਉਸ 'ਤੇ ਦੋਹਰਾ ਰੁਖ਼ ਵਰਤਣ ਦਾ ਦੋਸ਼ ਲਗਾਇਆ। ਲੇਬਰ ਪਾਰਟੀ ਨੇ ਦੋਸ਼ ਲਗਾਇਆ ਕਿ ਮੂਰਤੀ ਦੀ ਟੈਕਸ ਵਿਵਸਥਾ ਦੇ ਨਤੀਜੇ ਵਜੋਂ ਉਹਨਾਂ ਦੇ ਪਰਿਵਾਰ ਨੇ ਸੰਭਾਵਿਤ ਤੌਰ 'ਤੇ ਕਾਫੀ ਬਚਤ ਕੀਤੀ। ਅਕਸ਼ਤਾ ਨੇ ਸ਼ੁੱਕਰਵਾਰ ਨੂੰ ਐਲਾਨ ਕੀਤਾ ਕਿ ਉਹ ਆਪਣੇ ਪਤੀ ਦੇ ਕੰਮ ਵਿਚ ਰੁਕਾਵਟ ਪਾਉਣ ਤੋਂ ਬਚਣ ਲਈ ਆਪਣੀ ਸਾਰੀ ਆਮਦਨੀ 'ਤੇ ਬ੍ਰਿਟੇਨ ਵਿਚ ਟੈਕਸ ਦਾ ਭੁਗਤਾਨ ਕਰੇਗੀ। ਸ਼ਨੀਵਾਰ ਨੂੰ ਕੀਤੇ ਇੱਕ ਟਵੀਟ ਵਿੱਚ ਅਕਸ਼ਤਾ ਨੇ ਕਿਹਾ ਕਿ ਮੇਰੀ ਗਲੋਬਲ ਆਮਦਨ 'ਤੇ ਯੂਕੇ ਵਿੱਚ ਟੈਕਸ ਅਦਾ ਕਰਨ ਦਾ ਮੇਰਾ ਫ਼ੈਸਲਾ ਇਸ ਤੱਥ ਨੂੰ ਨਹੀਂ ਬਦਲੇਗਾ ਕਿ ਭਾਰਤ ਮੇਰਾ ਜਨਮ ਸਥਾਨ, ਨਾਗਰਿਕਤਾ, ਮਾਤਾ-ਪਿਤਾ ਦਾ ਘਰ ਅਤੇ ਨਿਵਾਸ ਹੈ ਪਰ ਮੈਂ ਬ੍ਰਿਟੇਨ ਨੂੰ ਵੀ ਪਿਆਰ ਕਰਦੀ ਹਾਂ।
ਇਮਰਾਨ ਦੇ ਸੱਤਾ ਤੋਂ ਬਾਹਰ ਹੋਣ ਮਗਰੋਂ ਬਿਲਾਵਲ ਭੁੱਟੋ ਨੇ ਕਿਹਾ,'ਪੁਰਾਣੇ ਪਾਕਿਸਤਾਨ 'ਚ ਤੁਹਾਡਾ ਸੁਆਗਤ ਹੈ'
NEXT STORY 
