ਡਕਾਰ (ਏਜੰਸੀ) : ਪੱਛਮੀ ਅਫ਼ਰੀਕੀ ਦੇਸ਼ ਨਾਈਜਰ ਦੀ ਰਾਜਧਾਨੀ ਨਿਆਮੀ ਵਿੱਚ ਸਥਿਤ ਇੱਕ ਹਵਾਈ ਫੌਜ ਅੱਡੇ (Airbase) 'ਤੇ ਹੋਏ ਭਿਆਨਕ ਹਮਲੇ ਦੀ ਜ਼ਿੰਮੇਵਾਰੀ ਇਸਲਾਮਿਕ ਸਟੇਟ (IS) ਨੇ ਲੈ ਲਈ ਹੈ। ਇਸ ਹਮਲੇ ਵਿੱਚ 4 ਸੈਨਿਕ ਜ਼ਖ਼ਮੀ ਹੋ ਗਏ ਅਤੇ ਇੱਕ ਜਹਾਜ਼ ਨੂੰ ਵੀ ਨੁਕਸਾਨ ਪਹੁੰਚਿਆ ਹੈ।
ਅੱਤਵਾਦੀ ਸੰਗਠਨ ਦੀ ਪ੍ਰਚਾਰ ਸ਼ਾਖਾ 'ਅਮਾਕ ਨਿਊਜ਼ ਏਜੰਸੀ' ਨੇ ਬਿਆਨ ਜਾਰੀ ਕਰਦਿਆਂ ਦਾਅਵਾ ਕੀਤਾ ਕਿ ਇਹ ਹਮਲਾ ਬਹੁਤ ਹੀ ਯੋਜਨਾਬੱਧ ਤਰੀਕੇ ਨਾਲ ਕੀਤਾ ਗਿਆ ਸੀ। ਦੂਜੇ ਪਾਸੇ, ਨਾਈਜਰ ਦੀ ਫੌਜ ਨੇ ਵੀ ਮੂੰਹਤੋੜ ਜਵਾਬ ਦਿੰਦਿਆਂ 20 ਹਮਲਾਵਰਾਂ ਨੂੰ ਮਾਰ ਮੁਕਾਇਆ ਅਤੇ 11 ਹੋਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਨਾਈਜਰ ਦੇ ਮੌਜੂਦਾ ਨੇਤਾ ਜਨਰਲ ਅਬਦੁਰਹਮਾਨ ਚਿਆਨੀ ਨੇ ਇਸ ਹਮਲੇ ਪਿੱਛੇ ਫਰਾਂਸ, ਬੇਨਿਨ ਅਤੇ ਆਈਵਰੀ ਕੋਸਟ ਦੇ ਰਾਸ਼ਟਰਪਤੀਆਂ ਦਾ ਹੱਥ ਹੋਣ ਦਾ ਦੋਸ਼ ਲਾਇਆ ਹੈ। ਉਨ੍ਹਾਂ ਨੇ ਸਰਕਾਰੀ ਟੈਲੀਵਿਜ਼ਨ 'ਤੇ ਕਿਹਾ, "ਅਸੀਂ ਇਮੈਨੁਏਲ ਮੈਕਰੋਂ (ਫਰਾਂਸ ਦੇ ਰਾਸ਼ਟਰਪਤੀ) ਸਮੇਤ ਇਨ੍ਹਾਂ ਸਾਰੇ ਪ੍ਰਾਯੋਜਕਾਂ ਨੂੰ ਯਾਦ ਦਿਵਾਉਣਾ ਚਾਹੁੰਦੇ ਹਾਂ ਕਿ ਹੁਣ ਉਹ ਸਾਡੀ ਦਹਾੜ ਸੁਣਨ ਲਈ ਤਿਆਰ ਰਹਿਣ"।
ਕਿਉਂ ਅਹਿਮ ਹੈ ਇਹ ਏਅਰਬੇਸ?
- ਨਿਆਮੀ ਦਾ ਇਹ ਹਵਾਈ ਅੱਡਾ ਸੁਰੱਖਿਆ ਪੱਖੋਂ ਬਹੁਤ ਮਹੱਤਵਪੂਰਨ ਹੈ:
- ਇਹ ਨਾਈਜਰ-ਬੁਰਕੀਨਾ ਫਾਸੋ-ਮਾਲੀ ਸਾਂਝੀ ਫੌਜ ਦਾ ਹੈੱਡਕੁਆਰਟਰ ਹੈ।
- ਇੱਥੇ ਯੂਰੇਨੀਅਮ ਦਾ ਵੱਡਾ ਭੰਡਾਰ ਸਥਿਤ ਹੈ, ਜੋ ਕਿ ਫਰਾਂਸ ਦੀ ਪਰਮਾਣੂ ਕੰਪਨੀ 'ਓਰਾਨੋ' ਨਾਲ ਵਿਵਾਦ ਦਾ ਮੁੱਖ ਕੇਂਦਰ ਬਣਿਆ ਹੋਇਆ ਹੈ।
ਮੈਸਾਚੂਸੇਟਸ ਤੱਟ ਨੇੜੇ ਮੱਛੀ ਫੜਨ ਵਾਲੀ ਕਿਸ਼ਤੀ ਲਾਪਤਾ, 7 ਲੋਕ ਸਨ ਸਵਾਰ
NEXT STORY 
