ਤੇਲ ਅਵੀਵ: ਪੱਛਮੀ ਏਸ਼ੀਆ ਵਿੱਚ ਵਿਗੜੇ ਹਾਲਾਤ ਨੂੰ ਇੱਕ ਮਹੀਨਾ ਹੋ ਗਿਆ ਹੈ। 7 ਅਕਤੂਬਰ ਨੂੰ ਇਜ਼ਰਾਈਲ 'ਤੇ ਹਮਾਸ ਦੇ ਅਚਨਚੇਤ ਹਮਲਿਆਂ ਨੇ ਨਾ ਸਿਰਫ ਗਾਜ਼ਾ ਬਲਕਿ ਪੂਰੇ ਖੇਤਰ ਦਾ ਚਿਹਰਾ ਅਤੇ ਭੂ-ਰਾਜਨੀਤੀ ਬਦਲ ਦਿੱਤੀ ਹੈ। ਇਨ੍ਹਾਂ ਹਮਲਿਆਂ ਤੋਂ ਬਾਅਦ ਇਜ਼ਰਾਈਲ ਨੇ ਹਮਾਸ ਨੂੰ ਖ਼ਤਮ ਕਰਨ ਦੀ ਸਹੁੰ ਖਾਧੀ। ਗਾਜ਼ਾ 'ਤੇ ਸ਼ਾਸਨ ਕਰਨ ਵਾਲੇ ਹਮਾਸ ਨੂੰ ਖ਼ਤਮ ਕਰਨ ਲਈ ਸ਼ੁਰੂ ਕੀਤੇ ਗਏ ਹਮਲਿਆਂ 'ਚ ਮਰਨ ਵਾਲਿਆਂ ਦੀ ਗਿਣਤੀ 10,000 ਦਾ ਅੰਕੜਾ ਪਾਰ ਕਰ ਗਈ ਹੈ। ਹਮਾਸ ਦੇ ਹਮਲਿਆਂ ਵਿੱਚ 1400 ਲੋਕਾਂ ਦੀ ਜਾਨ ਚਲੀ ਗਈ। ਹਮਲਿਆਂ ਤੋਂ ਬਾਅਦ ਬੰਧਕ ਬਣਾਏ ਗਏ 240 ਲੋਕਾਂ 'ਚੋਂ ਕੁਝ ਨੂੰ ਹੀ ਰਿਹਾਅ ਕੀਤਾ ਗਿਆ ਹੈ। ਇੱਕ ਮਹੀਨੇ ਦੀ ਜੰਗ ਵਿੱਚ ਹੁਣ ਤੱਕ ਕੀ-ਕੀ ਹੋਇਆ ਇਸ 'ਤੇ ਨਜ਼ਰ ਮਾਰਦੇ ਹਾਂ।
ਹੁਣ ਤੱਕ 10 ਹਜ਼ਾਰ ਤੋਂ ਵਧੇਰੇ ਮੌਤਾਂ
ਗਾਜ਼ਾ ਵਿੱਚ ਹਮਾਸ ਦੇ ਸਿਹਤ ਮੰਤਰਾਲੇ ਨੇ ਦੱਸਿਆ ਕਿ ਇਜ਼ਰਾਈਲ-ਹਮਾਸ ਯੁੱਧ ਵਿੱਚ ਮਾਰੇ ਗਏ ਫਲਸਤੀਨੀਆਂ ਦੀ ਗਿਣਤੀ 9700 ਹੋ ਗਈ ਹੈ। ਇਜ਼ਰਾਈਲ ਵਿੱਚ 1,400 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਨ੍ਹਾਂ 'ਚੋਂ ਜ਼ਿਆਦਾਤਰ ਲੋਕ 7 ਅਕਤੂਬਰ ਨੂੰ ਹਮਾਸ ਦੇ ਸ਼ੁਰੂਆਤੀ ਹਮਲਿਆਂ 'ਚ ਮਾਰੇ ਗਏ ਸਨ। ਇਹ ਯੁੱਧ ਇਨ੍ਹਾਂ ਹਮਲਿਆਂ ਤੋਂ ਬਾਅਦ ਸ਼ੁਰੂ ਹੋਇਆ ਸੀ। ਯੁੱਧ ਤੋਂ ਬਾਅਦ ਪਹਿਲਾ ਹਵਾਈ ਹਮਲਾ ਹਮਾਸ ਦੇ ਟਿਕਾਣਿਆਂ 'ਤੇ ਕੀਤਾ ਗਿਆ। ਹਾਲ ਹੀ ਵਿੱਚ ਇਜ਼ਰਾਈਲੀ ਰੱਖਿਆ ਬਲ (ਆਈਡੀਐਫ) ਨੇ ਜ਼ਮੀਨੀ ਹਮਲੇ ਸ਼ੁਰੂ ਕੀਤੇ ਹਨ।
ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ ਗਾਜ਼ਾ
ਯੁੱਧ ਦੇ ਹਿੱਸੇ ਵਜੋਂ ਇਜ਼ਰਾਈਲ ਨੇ ਗਾਜ਼ਾ ਸ਼ਹਿਰ ਨੂੰ ਘੇਰ ਲਿਆ ਹੈ ਅਤੇ ਤੱਟਵਰਤੀ ਪੱਟੀ ਨੂੰ ਦੋ ਹਿੱਸਿਆਂ ਵਿੱਚ ਵੰਡ ਦਿੱਤਾ ਹੈ। ਇਹ ਜਾਣਕਾਰੀ ਸੋਮਵਾਰ ਨੂੰ ਇਜ਼ਰਾਇਲੀ ਫੌਜ ਨੇ ਦਿੱਤੀ। ਗਾਜ਼ਾ ਵਿੱਚ ਸੰਚਾਰ ਸੇਵਾਵਾਂ ਐਤਵਾਰ ਨੂੰ ਤੀਜੀ ਵਾਰ ਫਿਰ ਵਿਘਨ ਪਈਆਂ। ਇਜ਼ਰਾਈਲ ਦੇ ਰੀਅਰ ਐਡਮਿਰਲ ਡੇਨੀਅਲ ਹਾਗਰੀ ਨੇ ਕਿਹਾ ਸੀ ਕਿ ਹੁਣ ਉੱਤਰੀ ਗਾਜ਼ਾ ਅਤੇ ਦੱਖਣੀ ਗਾਜ਼ਾ ਵੰਡਿਆ ਗਿਆ ਹੈ। ਉਨ੍ਹਾਂ ਨੇ ਇਸ ਨੂੰ ਗਾਜ਼ਾ 'ਤੇ ਸੱਤਾਧਾਰੀ ਹਮਾਸ ਦੇ ਅੱਤਵਾਦੀਆਂ ਵਿਰੁੱਧ ਇਜ਼ਰਾਈਲ ਦੀ ਜੰਗ ਦਾ ਇਕ ਮਹੱਤਵਪੂਰਨ ਪੜਾਅ ਦੱਸਿਆ। ਇਜ਼ਰਾਇਲੀ ਮੀਡੀਆ ਮੁਤਾਬਕ ਅਗਲੇ 48 ਘੰਟਿਆਂ 'ਚ ਫੌਜੀ ਬਲਾਂ ਦੇ ਗਾਜ਼ਾ ਪੱਟੀ 'ਚ ਦਾਖਲ ਹੋਣ ਦੀ ਸੰਭਾਵਨਾ ਹੈ। ਭਾਰੀ ਧਮਾਕਿਆਂ ਨੇ ਰਾਤ ਭਰ ਉੱਤਰੀ ਗਾਜ਼ਾ ਨੂੰ ਹਿਲਾ ਦਿੱਤਾ।
ਪੜ੍ਹੋ ਇਹ ਅਹਿਮ ਖ਼ਬਰ-ਪਤਨੀ ਦਾ ਬੇਰਹਿਮੀ ਨਾਲ ਕਤਲ ਕਰਨ ਦੇ ਦੋਸ਼ੀ ਭਾਰਤੀ ਵਿਅਕਤੀ ਨੂੰ ਉਮਰ ਕੈਦ ਦੀ ਸਜ਼ਾ
ਨਹੀਂ ਹੋਵੇਗੀ ਕੋਈ ਜੰਗਬੰਦੀ
ਇੱਕ ਇੰਟਰਨੈਟ ਐਕਸੈਸ ਐਡਵੋਕੇਸੀ ਗਰੁੱਪ NetBlocks.org ਨੇ ਗਾਜ਼ਾ ਵਿੱਚ ਕਨੈਕਟੀਵਿਟੀ ਰੁਕਾਵਟਾਂ ਦੀ ਰਿਪੋਰਟ ਕੀਤੀ। ਫਲਸਤੀਨ ਦੀ ਟੈਲੀਕਾਮ ਕੰਪਨੀ ਪਲਟੇਲ ਨੇ ਵੀ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਇਸ ਕਾਰਨ ਗਾਜ਼ਾ ਦੇ ਲੋਕਾਂ ਨੂੰ ਇਜ਼ਰਾਈਲ ਦੀ ਫੌਜੀ ਕਾਰਵਾਈ ਬਾਰੇ ਜਾਣਕਾਰੀ ਨਹੀਂ ਮਿਲ ਰਹੀ ਹੈ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਹਾਲ ਹੀ ਵਿੱਚ ਜ਼ੋਰ ਦੇ ਕੇ ਕਿਹਾ ਸੀ ਕਿ ਜਦੋਂ ਤੱਕ ਹਮਾਸ ਸਾਰੇ ਬੰਧਕਾਂ ਨੂੰ ਰਿਹਾਅ ਨਹੀਂ ਕਰ ਦਿੰਦਾ, ਉਦੋਂ ਤੱਕ ਕਿਸੇ ਵੀ ਤਰ੍ਹਾਂ ਦੀ ਜੰਗਬੰਦੀ ਨਹੀਂ ਹੋ ਸਕਦੀ। ਇਜ਼ਰਾਈਲ ਦੇ ਰੱਖਿਆ ਮੰਤਰੀ ਯਾਵ ਗਲੈਂਟ ਨੇ ਕਿਹਾ ਕਿ ਗਾਜ਼ਾ ਪੱਟੀ ਵਿੱਚ ਰਹਿਣ ਵਾਲਾ ਹਰ ਵਿਅਕਤੀ ਆਪਣੀ ਜਾਨ ਨੂੰ ਖਤਰੇ ਵਿੱਚ ਪਾ ਰਿਹਾ ਹੈ। ਸੰਯੁਕਤ ਰਾਸ਼ਟਰ ਮੁਖੀ ਨੇ ਕਿਹਾ ਕਿ ਗਾਜ਼ਾ 'ਬੱਚਿਆਂ ਲਈ ਕਬਰਸਤਾਨ' ਬਣਦਾ ਜਾ ਰਿਹਾ ਹੈ।
ਅਮਰੀਕੀ ਸੈਨਿਕਾਂ ਦੀਆਂ ਮੁਸ਼ਕਲਾਂ
ਜਿਵੇਂ ਕਿ ਇਜ਼ਰਾਈਲ-ਹਮਾਸ ਯੁੱਧ ਵਧਦਾ ਜਾ ਰਿਹਾ ਹੈ, ਅਮਰੀਕਾ ਨੂੰ ਵੀ ਇੱਕ ਵੱਡੇ ਸੰਘਰਸ਼ ਵਿੱਚ ਖਿੱਚੇ ਜਾਣ ਦਾ ਜੋਖਮ ਹੈ। ਮੱਧ ਪੂਰਬ ਉਹ ਖੇਤਰ ਹੈ ਜਿੱਥੇ ਲਗਭਗ 45,000 ਅਮਰੀਕੀ ਸੈਨਿਕ ਤਾਇਨਾਤ ਹਨ। ਅਜਿਹੇ 'ਚ ਜੇਕਰ ਅਮਰੀਕਾ ਇਸ ਜੰਗ 'ਚ ਸ਼ਾਮਲ ਹੁੰਦਾ ਹੈ ਤਾਂ ਸਥਿਤੀ ਕਾਫੀ ਪੇਚੀਦਾ ਹੋ ਸਕਦੀ ਹੈ। ਤੁਰਕੀ ਵਿੱਚ 1885 ਅਮਰੀਕੀ ਸੈਨਿਕ, ਇਰਾਕ ਵਿੱਚ 2500, ਸੀਰੀਆ ਵਿੱਚ 900, ਜਾਰਡਨ ਵਿੱਚ 2936, ਕੁਵੈਤ ਵਿੱਚ 13500, ਸਾਊਦੀ ਅਰਬ ਵਿੱਚ 2700, ਬਹਿਰੀਨ ਵਿੱਚ 9000, ਕਤਰ ਵਿੱਚ 8000, ਯੂਏਈ ਵਿੱਚ 3500 ਅਤੇ ਓਮਾਨ ਵਿੱਚ ਕੁਝ ਅਮਰੀਕੀ ਸੈਨਿਕ ਮੌਜੂਦ ਹਨ। ਇਜ਼ਰਾਈਲ ਵਿੱਚ ਕਿੰਨੇ ਅਮਰੀਕੀ ਸੈਨਿਕ ਹਨ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ, ਪਰ ਇੱਥੇ ਘੱਟੋ-ਘੱਟ ਇੱਕ ਅਮਰੀਕੀ ਫੌਜੀ ਅੱਡਾ ਹੈ। ਬਹਿਰੀਨ ਵਿੱਚ ਇੱਕ ਯੂਐਸ ਨੇਵਲ ਬੇਸ ਹੈ ਜੋ ਕਿ ਨੇਵਲ ਸੈਂਟਰਲ ਕਮਾਂਡ ਅਤੇ ਯੂਐਸ ਪੰਜਵੇਂ ਫਲੀਟ ਦਾ ਹੈੱਡਕੁਆਰਟਰ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕੈਨੇਡਾ 'ਚ 'ਸਿੱਖਸ ਫਾਰ ਜਸਟਿਸ' 'ਤੇ ਪਾਬੰਦੀ ਦੀ ਮੰਗ, PM ਟਰੂਡੋ ਨੂੰ ਲਿਖੀ ਗਈ ਭਾਵੁਕ ਚਿੱਠੀ
NEXT STORY 
