ਟੋਕੀਓ (ਯੂ. ਐਨ. ਆਈ.)- ਜਾਪਾਨ ਦੇ ਵਾਤਾਵਰਣ ਮੰਤਰਾਲੇ ਨੇ ਉੱਤਰੀ ਜਾਪਾਨ ਦੇ ਹੋਕਾਈਡੋ ਸੂਬੇ ਦੇ ਦੋ ਸ਼ਹਿਰਾਂ ਵਿਚ ਜੰਗਲੀ ਪੰਛੀਆਂ ਵਿਚ ਏਵੀਅਨ ਫਲੂ (ਬਰਡ ਫਲੂ) ਦਾ ਪਤਾ ਲੱਗਣ ਤੋਂ ਬਾਅਦ ਦੇਸ਼ ਵਿਆਪੀ ਬਰਡ ਫਲੂ ਅਲਰਟ ਨੂੰ ਉੱਚ ਪੱਧਰ ਤੱਕ ਵਧਾ ਦਿੱਤਾ ਹੈ। ਹੋਕਾਈਡੋ ਵਿੱਚ ਵਾਇਰਸ ਦੇ ਦੋ ਵੱਖ-ਵੱਖ ਮਾਮਲਿਆਂ ਦਾ ਪਤਾ ਲੱਗਣ ਤੋਂ ਬਾਅਦ ਮੰਤਰਾਲੇ ਨੇ ਇਹ ਫ਼ੈਸਲਾ ਲਿਆ। ਜ਼ਿਕਰਯੋਗ ਹੈ ਕਿ 30 ਸਤੰਬਰ ਨੂੰ ਓਟੋਬੇ ਟਾਊਨ ਵਿੱਚ ਇੱਕ ਬਾਜ਼ ਦੀ ਲਾਸ਼ ਵਿੱਚ ਵਾਇਰਸ ਪਾਇਆ ਗਿਆ ਸੀ ਅਤੇ 8 ਅਕਤੂਬਰ ਨੂੰ ਬੇਤਸੁਕਾਈ ਟਾਊਨ ਵਿੱਚ ਜੰਗਲੀ ਬੱਤਖਾਂ ਦੇ ਮਲ ਵਿੱਚ ਵਾਇਰਸ ਪਾਇਆ ਗਿਆ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- China ਨਵੀਂ ਯੋਜਨਾ ਤਹਿਤ ਬਣਾਏਗਾ ਚੰਦਰ ਸਪੇਸ ਸਟੇਸ਼ਨ , ਰਹਿਣ ਯੋਗ ਗ੍ਰਹਿਆਂ ਦੀ ਕਰੇਗਾ ਖੋਜ
ਅਧਿਕਾਰੀ ਦੇਸ਼ ਭਰ ਵਿੱਚ ਜੰਗਲੀ ਪੰਛੀਆਂ ਦੀ ਨਿਗਰਾਨੀ ਵਧਾਉਣ ਦੀ ਮੰਗ ਕਰ ਰਹੇ ਹਨ। ਹਾਲਾਂਕਿ ਬਰਡ ਫਲੂ ਆਮ ਤੌਰ 'ਤੇ ਮਨੁੱਖਾਂ ਲਈ ਖ਼ਤਰਾ ਨਹੀਂ ਹੁੰਦਾ ਜਦੋਂ ਤੱਕ ਸੰਕਰਮਿਤ ਪੰਛੀਆਂ ਨਾਲ ਬਹੁਤ ਜ਼ਿਆਦਾ ਸੰਪਰਕ ਨਹੀਂ ਹੁੰਦਾ, ਮੰਤਰਾਲੇ ਨੇ ਕਿਹਾ। ਅਧਿਕਾਰੀ ਲੋਕਾਂ ਨੂੰ ਪੰਛੀਆਂ ਦੀਆਂ ਲਾਸ਼ਾਂ ਨੂੰ ਛੂਹਣ ਤੋਂ ਬਚਣ ਅਤੇ ਸਥਾਨਕ ਅਧਿਕਾਰੀਆਂ ਨੂੰ ਸੂਚਿਤ ਕਰਨ ਦੀ ਅਪੀਲ ਕਰ ਰਹੇ ਹਨ। ਮੰਤਰਾਲੇ ਨੇ ਜਾਪਾਨ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਵਾਇਰਸ ਦੇ ਕਈ ਕੇਸਾਂ ਦੀ ਰਿਪੋਰਟ ਕੀਤੇ ਜਾਣ ਤੋਂ ਬਾਅਦ ਦੇਸ਼ ਵਿਆਪੀ ਅਲਰਟ ਨੂੰ ਉੱਚ ਪੱਧਰ 03 ਤੱਕ ਵਧਾ ਦਿੱਤਾ ਹੈ ਅਤੇ ਵਾਇਰਸ ਦੇ ਫੈਲਣ ਦੀ ਨਿਗਰਾਨੀ ਅਤੇ ਜਾਂਚ ਨੂੰ ਵਧਾਉਣ ਲਈ ਯਤਨ ਕਰਨ ਦਾ ਵਾਅਦਾ ਕੀਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪਾਕਿ ਦੇ Don ਵਲੋਂ Salman ਦੇ ਹੱਕ 'ਚ ਬਿਆਨ, Video ਸਾਂਝੀ ਕਰ ਕੀਤਾ ਖ਼ੁਲਾਸਾ
NEXT STORY 
