ਵਾਸ਼ਿੰਗਟਨ - ਅਮਰੀਕਾ ਦੀ ਉਪ-ਰਾਸ਼ਟਰਪਤੀ ਇਲੈੱਕਟ ਕਮਲਾ ਦੇ ਪਤੀ ਹੈਰਿਸ ਡਗ ਐਮਹਾਫ ਪਤਨੀ ਦੀ ਮਦਦ ਲਈ ਨੌਕਰੀ ਛੱਡਣ ਜਾ ਰਹੇ ਹਨ। ਉਨ੍ਹਾਂ ਨੂੰ ਅਮਰੀਕੀ ਮੀਡੀਆ ਵਿਚ ਸੈਕਿੰਡ ਜੈਂਟਲਮੈਨ ਆਖਿਆ ਜਾ ਰਿਹਾ ਹੈ। ਐਮਹਾਫ ਯਹੂਦੀ ਮੂਲ ਦੇ ਹਨ ਅਤੇ ਪੇਸ਼ੇ ਤੋਂ ਵਕੀਲ ਹਨ। ਹਾਲਾਂਕਿ, ਅਗਸਤ ਵਿਚ ਜਦ ਕਮਲਾ ਹੈਰਿਸ ਨੂੰ ਉਪ-ਰਾਸ਼ਟਰਪਤੀ ਦਾ ਉਮੀਦਵਾਰ ਐਲਾਨ ਕੀਤਾ ਗਿਆ ਸੀ, ਉਸ ਤੋਂ ਕੁਝ ਦਿਨ ਬਾਅਦ ਹੀ ਡਗ ਨੇ ਛੁੱਟੀ ਲਈ ਸੀ। ਕੈਂਪੇਨ ਦੌਰਾਨ ਵੀ ਉਹ ਕਾਫੀ ਸਰਗਰਮ ਨਜ਼ਰ ਆਏ। ਹਾਲ ਹੀ ਵਿਚ ਡੈਮੋਕ੍ਰੇਟ ਪਾਰਟੀ ਨੇ ਜਦ ਚੋਣਾਂ ਜਿੱਤੀਆਂ ਤਾਂ ਬਾਇਡੇਨ ਅਤੇ ਕਮਲਾ ਹੈਰਿਸ ਦੇ ਨਾਲ ਐਮਹਾਫ ਵੀ ਨਜ਼ਰ ਆਏ ਸਨ।
ਐਮਹਾਫ ਦੀ ਤਰੀਫ
20 ਜਨਵਰੀ ਨੂੰ ਜੋਅ ਬਾਇਡੇਨ ਰਾਸ਼ਟਰਪਤੀ ਬਣਨਗੇ ਅਤੇ ਹੈਰਿਸ ਉਪ-ਰਾਸ਼ਟਰਪਤੀ। USA Today ਨੇ ਕਮਲਾ ਅਤੇ ਡਗ 'ਤੇ ਇਕ ਰਿਪੋਰਟ ਪਬਲਿਸ਼ ਕੀਤੀ ਹੈ। ਇਸ ਵਿਚ ਦੱਸਿਆ ਗਿਆ ਹੈ ਕਿ ਕੈਂਪੇਨ ਵਿਚ ਹੱਥ ਵਟਾਉਣ ਤੋਂ ਬਾਅਦ ਹੁਣ ਐਮਹਾਫ ਐਡਮਿਨੀਸਟ੍ਰੇਸ਼ਨ ਵਿਚ ਵੀ ਪਤਨੀ ਦੀ ਮਦਦ ਕਰਨਗੇ। ਹਾਲਾਂਕਿ, ਉਹ ਕੋਈ ਸਰਕਾਰੀ ਅਹੁਦਾ ਨਹੀਂ ਲੈਣਗੇ। ਡਰਮਾਓਥ ਕਾਲਜ ਵਿਚ ਪ੍ਰੋਫੈਸਰ ਐਲਾ ਬੇਲ ਆਖਦੀ ਹੈ ਇਸ ਨੂੰ ਆਦਰਸ਼ ਅਤੇ ਮਾਡਲ ਦੀ ਤਰ੍ਹਾਂ ਦੇਖੋ। ਉਹ ਪਤਨੀ ਦੇ ਲਈ ਕਰੀਅਰ ਛੱਡ ਰਹੇ ਹਨ ਤਾਂ ਜੋ ਕਮਲਾ ਹੈਰਿਸ ਆਪਣੇ ਹੁਨਰ ਦਿਖਾ ਸਕੇ। ਡਗ ਪਤਨੀ ਨੂੰ ਕਾਮਯਾਬ ਹੁੰਦੇ ਦੇਖਣਾ ਚਾਹੁੰਦੇ ਹਨ। ਐਮਹਾਫ ਕਾਮਯਾਬ ਅਤੇ ਹੁਨਰਮੰਦ ਵਕੀਲ ਹਨ। ਇੰਨਾ ਚੰਗਾ ਕਰੀਅਰ ਛੱਡਣਾ ਆਸਾਨ ਨਹੀਂ ਹੈ।
ਐਮਹਾਫ ਬਣਨਗੇ ਮਿਸਾਲ
ਵ੍ਹਾਰਟਨ ਸੈਂਟਰ ਵਿਚ ਲੀਡਰਸ਼ਿਪ ਮਾਹਿਰ ਮਾਇਕਲ ਓਸੀਨ ਆਖਦੇ ਹਨ ਕਿ ਉਹ ਅਮਰੀਕਾ ਵਿਚ ਇਕ ਨਵੀਂ ਪਰੰਪਰਾ ਅਤੇ ਮਿਸਾਲ ਬਣਨ ਜਾ ਰਹੇ ਹਨ। ਉਨ੍ਹਾਂ ਦਾ ਕੱਦ ਅਤੇ ਵਿਹਾਰ ਅਮਰੀਕੀ ਲੋਕਾਂ ਨੂੰ ਇਕ ਸੰਦੇਸ਼ ਦੇਵੇਗਾ। ਬਾਇਡੇਨ ਨੇ ਕੈਂਪੇਨ ਦੌਰਾਨ ਡਗ ਵੱਲ ਇਸ਼ਾਰਾ ਕਰਦੇ ਹੋਏ ਆਖਿਆ ਸੀ ਕਿ ਤੁਸੀਂ ਪਰੰਪਰਾਵਾਂ ਅਤੇ ਮਾਨਤਾਵਾਂ ਦੀ ਹੱਦਾਂ ਖਤਮ ਕੀਤੀਆਂ ਹਨ। ਐਮਹਾਫ ਤੋਂ ਜਦ ਇਸ ਬਾਰੇ ਵਿਚ ਪੁੱਛਿਆ ਗਿਆ ਤਾਂ ਉਨ੍ਹਾਂ ਆਖਿਆ ਕਿ ਚੰਗਾ ਲੱਗਦਾ ਹੈ ਜਦ ਲੋਕ ਮੇਰੇ ਜਿਹੇ ਵਿਅਕਤੀ ਬਾਰੇ ਸੋਚਦੇ ਹਨ। ਕੈਂਪੇਨ ਦੌਰਾਨ ਉਨ੍ਹਾਂ ਨੇ ਲੀਗਲ ਫਰਮ ਤੋਂ ਲੰਬੀ ਛੁੱਟੀ ਲਈ। ਅਜਿਹਾ ਇਸ ਲਈ ਤਾਂ ਜੋ ਲਾਅ ਫਰਮ ਡੀ. ਐੱਲ. ਏ. ਪਾਇਪਰ ਇਹ ਦੋਸ਼ ਨਾ ਲਾ ਸਕਣ ਕਿ ਉਹ ਕਮਲਾ ਹੈਰਿਸ ਦੀ ਕੈਂਪੇਨ ਵਿਚ ਮਦਦ ਕਰ ਰਹੀ ਹੈ।
ਬਾਇਡੇਨ ਦੀ ਪਤਨੀ ਕੀ ਕਰੇਗੀ
ਰਿਪੋਰਟ ਮੁਤਾਬਕ, ਜੋਅ ਬਾਇਡੇਨ ਦੀ ਪਤਨੀ ਜਿਲ ਸਾਫ ਕਰ ਚੁੱਕੀ ਹੈ ਕਿ ਉਹ ਫਸਟ ਲੇਡੀ ਬਣਨ ਤੋਂ ਬਾਅਦ ਵੀ ਅਧਿਆਪਕ ਦੀ ਨੌਕਰੀ ਕਰਦੀ ਰਹੇਗੀ। ਜਿਲ ਨੇ ਕਿਹਾ ਕਿ ਪਤੀ ਜਦ ਉਪ-ਰਾਸ਼ਟਰਪਤੀ ਸਨ, ਉਦੋਂ ਵੀ ਮੈਂ ਆਪਣਾ ਕੰਮ ਕਰਦੀ ਸੀ। ਹੁਣ ਵੀ ਇਹੀਂ ਕਰਾਂਗੀ। ਸਿਆਸੀ ਮਾਹਿਰ ਐਲੇ ਹਿਲ ਆਖਦੀ ਹੈ ਕਿ ਕਈ ਪਰਿਵਾਰਾਂ ਵਿਚ ਪਤਨੀਆਂ ਘਰ ਚਲਾਉਂਦੀਆਂ ਹੋਣਗੀਆਂ। ਪਰ ਸਿਆਸਤ ਵਿਚ ਇਸ ਤਰ੍ਹਾਂ ਦੇ ਮਾਮਲੇ ਬਹੁਤ ਘੱਟ ਦੇਖੇ ਜਾਂਦੇ ਹਨ। ਅਗਲੇ 4 ਸਾਲ ਹੁਣ ਇਕ ਆਦਰਸ਼ਵਾਦ ਦੇਖਣਗੇ। ਕਮਲਾ ਅਤੇ ਐਮਹਾਫ ਦੀ ਪਹਿਲੀ ਮੁਲਾਕਾਤ 2013 ਵਿਚ ਹੋਈ ਸੀ। 2014 ਵਿਚ ਦੋਹਾਂ ਨੇ ਵਿਆਹ ਕਰ ਲਿਆ ਸੀ। ਐਮਹਾਫ ਤਲਾਕਸ਼ੁਦਾ ਸਨ। ਉਨ੍ਹਾਂ ਦੇ 2 ਬੱਚੇ ਹਨ। ਉਹ ਹੁਣ ਵੀ ਨਾਲ ਹੀ ਰਹਿੰਦੇ ਹਨ।
ਓਬਾਮਾ ਦੀ ਕਿਤਾਬ 'ਚ ਸੋਨੀਆ ਗਾਂਧੀ ਬਾਰੇ ਖ਼ੁਲਾਸਾ, ਦੱਸਿਆ ਕਿ ਕਿਉਂ PM ਬਣੇ ਮਨਮੋਹਨ ਸਿੰਘ?
NEXT STORY