ਲੇਗਾਸਪੀ (ਏ.ਪੀ.) ਫਿਲੀਪੀਨਜ਼ ਦੇ ਸਭ ਤੋਂ ਸਰਗਰਮ ਜਵਾਲਾਮੁਖੀ ਮੇਅਨ ਤੋਂ ਸੋਮਵਾਰ ਨੂੰ ਲਾਵਾ ਫੁਟਣਾ ਸ਼ੁਰੂ ਹੋ ਗਿਆ। ਇਹ ਲਾਵਾ ਹੌਲੀ-ਹੌਲੀ ਢਲਾਨ ਤੋਂ ਹੇਠਾਂ ਵੱਲ ਆ ਰਿਹਾ ਹੈ। ਜਵਾਲਾਮੁਖੀ ਦੇ ਕਿਸੇ ਵੀ ਸਮੇਂ ਫਟਣ ਦੀ ਸੰਭਾਵਨਾ ਦੇ ਮੱਦੇਨਜ਼ਰ ਹਜ਼ਾਰਾਂ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਜਾਣ ਲਈ ਕਿਹਾ ਗਿਆ ਹੈ। ਪਿਛਲੇ ਹਫ਼ਤੇ ਜਵਾਲਾਮੁਖੀ ਦੇ ਭੜਕਣ ਅਤੇ ਲਾਵਾ ਦੇ ਉਛਾਲ ਦੇ ਤੇਜ਼ ਹੋਣ ਤੋਂ ਬਾਅਦ 'ਮੇਅਨ' ਦੇ ਛੇ ਕਿਲੋਮੀਟਰ ਦੇ ਘੇਰੇ ਵਿੱਚ ਰਹਿਣ ਵਾਲੇ 12,600 ਤੋਂ ਵੱਧ ਲੋਕਾਂ ਨੇ ਸੁਰੱਖਿਅਤ ਥਾਵਾਂ 'ਤੇ ਸ਼ਰਨ ਲਈ ਹੈ। ਇਨ੍ਹਾਂ ਵਿੱਚ ਜ਼ਿਆਦਾਤਰ ਕਿਸਾਨ ਹਨ।
ਹੁਣ ਵੀ ਹਜ਼ਾਰਾਂ ਲੋਕ ‘ਮੇਅਨ’ ਦੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਰਹਿ ਰਹੇ ਹਨ ਅਤੇ ਖ਼ਤਰੇ ਵਿੱਚ ਹਨ। ਲੋਕਾਂ ਨੂੰ ਇਸ ਜਗ੍ਹਾ ਤੋਂ ਦੂਰ ਰਹਿਣ ਲਈ ਕਿਹਾ ਜਾਣ ਦੇ ਬਾਵਜੂਦ ਲੋਕ ਪੀੜ੍ਹੀਆਂ ਤੋਂ ਇੱਥੇ ਵਸੇ ਹੋਏ ਹਨ ਅਤੇ ਖੇਤੀ ਕਰਦੇ ਹਨ ਕਿਉਂਕਿ ਉਨ੍ਹਾਂ ਕੋਲ ਜਾਣ ਲਈ ਹੋਰ ਕੋਈ ਥਾਂ ਨਹੀਂ ਹੈ। ਫਿਲੀਪੀਨ ਇੰਸਟੀਚਿਊਟ ਆਫ ਜਵਾਲਾਮੁਖੀ ਅਤੇ ਭੂਚਾਲ ਵਿਗਿਆਨ ਦੇ ਨਿਰਦੇਸ਼ਕ ਟੇਰੇਸਿਟੋ ਬਾਕੋਲਕੋਲ ਨੇ ਕਿਹਾ ਕਿ ਐਤਵਾਰ ਰਾਤ ਨੂੰ ਜਵਾਲਾਮੁਖੀ ਤੋਂ ਲਾਵਾ ਫੁਟਣਾ ਸ਼ੁਰੂ ਹੋਇਆ।
ਪੜ੍ਹੋ ਇਹ ਅਹਿਮ ਖ਼ਬਰ-ਪਾਕਿਸਤਾਨ 'ਚ ਭਾਰੀ ਮੀਂਹ, ਹੁਣ ਤੱਕ 34 ਲੋਕਾਂ ਦੀ ਮੌਤ ਦੀ ਪੁਸ਼ਟੀ
ਉਸਨੇ ਕਿਹਾ ਕਿ 'ਮੇਅਨ' ਦੇ ਆਲੇ-ਦੁਆਲੇ ਉੱਚ-ਜੋਖਮ ਵਾਲੇ ਜ਼ੋਨ ਦਾ ਦਾਇਰਾ ਵਧਾਇਆ ਜਾ ਸਕਦਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਵਿਸਤ੍ਰਿਤ ਘੇਰੇ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਜਾਣ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਬਕੋਲਕੋਲ ਨੇ ਦੱਸਿਆ ਕਿ ਅਲਰਟਨੈੱਸ ਲੈਵਲ ਫਿਲਹਾਲ ਤਿੰਨ ਹੈ ਪਰ ਜੇਕਰ ਲਾਵਾ ਤੇਜ਼ੀ ਨਾਲ ਨਿਕਲਣਾ ਸ਼ੁਰੂ ਹੋ ਜਾਵੇ ਤਾਂ ਅਲਰਟਨੇਸ ਲੈਵਲ ਨੂੰ ਵਧਾਇਆ ਜਾ ਸਕਦਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕਈ ਦੇਸ਼ਾਂ ਨੇ ਆਪਣੀਆਂ ਯੂਨੀਵਰਸਿਟੀਆਂ ’ਚ ਜਾਂਚ ਦਾ ਦਾਇਰਾ ਵਧਾਇਆ, ਵਿਦਿਆਰਥੀਆਂ ਦੀਆਂ ਵਧੀਆਂ ਮੁਸ਼ਕਲਾਂ
NEXT STORY 
