ਲੰਡਨ (ਭਾਸ਼ਾ)— ਪ੍ਰਿੰਸ ਹੈਰੀ ਦੀ ਪਤਨੀ ਮੇਗਨ ਮਰਕੇਲ ਵੱਕਾਰੀ ਫੈਸ਼ਨ ਪਤੱਰਿਕਾ 'ਬ੍ਰਿਟਿਸ਼ ਵੋਗ' ਦੇ ਸਤੰਬਰ ਅੰਕ ਵਿਚ ਮਹਿਮਾਨ ਸੰਪਾਦਕ ਦੀ ਭੂਮਿਕਾ ਵਿਚ ਨਜ਼ਰ ਆਵੇਗੀ। ਪਤੱਰਿਕਾ ਦੇ ਇਸ ਅੰਕ ਵਿਚ ਮੇਗਨ ਅਮਰੀਕਾ ਦੀ ਸਾਬਕਾ ਪ੍ਰਥਮ ਮਹਿਲਾ ਮਿਸ਼ੇਲ ਓਬਾਮਾ ਦੇ ਨਾਲ ਇੰਟਰਵਿਊ ਕਰਦੀ ਨਜ਼ਰ ਆਵੇਗੀ। ਸ਼ਾਹੀ ਪਰਿਵਾਰ ਵੱਲੋਂ ਜਾਰੀ ਬਿਆਨ ਮੁਤਾਬਕ,''ਪਤੱਰਿਕਾ ਦੇ ਸਤੰਬਰ ਅੰਕ ਦਾ ਸਿਰਲੇਖ ਹੈ 'ਫੋਰਸਿਸ ਫੌਰ ਚੇਂਜ' ਅਤੇ ਇਸ ਵਿਚ ਦੁਨੀਆ ਦੀ ਪ੍ਰਸਿੱਧ ਬਾਂਦਰ ਪ੍ਰਜਾਤੀ 'ਤੇ ਸ਼ੋਧ ਕਰਨ ਵਾਲੀ ਮਾਹਰ ਜੇਨ ਗੁਡਾਲ ਸਮੇਤ ਉਨ੍ਹਾਂ 15 ਔਰਤਾਂ 'ਤੇ ਫੀਚਰ ਹੋਵੇਗਾ, ਜਿਨ੍ਹਾਂ ਨੇ ਆਪਣੇ ਬਹਾਦੁਰੀ ਕਾਰਨਾਮਿਆਂ ਨਾਲ ਕਈ ਰੁਕਾਵਟਾਂ ਪਾਰ ਕੀਤੀਆਂ।''
ਅਧਿਕਾਰਕ ਰੂਪ ਨਾਲ 'ਡਚੇਸ ਆਫ ਸਸੈਕਸ' ਦੇ ਨਾਮ ਨਾਲ ਮਸ਼ਹੂਰ ਮੇਗਨ ਨੇ ਕਿਹਾ,''ਬੀਤੇ 7 ਮਹੀਨੇ ਮੇਰੇ ਲਈ ਬਹੁਤ ਸ਼ਾਨਦਾਰ ਰਹੇ। ਇਹ ਸਾਲ ਦਾ ਸਭ ਤੋਂ ਵੱਧ ਪੜ੍ਹਨਯੋਗ ਫੈਸ਼ਨ ਅੰਕ ਹੈ ਜੋ ਮੁੱਲਾਂ, ਵਿਸ਼ੇ ਆਧਾਰਿਤ ਅਤੇ ਦੁਨੀਆ ਵਿਚ ਆਪਣਾ ਪ੍ਰਭਾਵ ਛੱਡਣ ਵਾਲੀਆਂ ਸ਼ਖਸੀਅਤਾਂ 'ਤੇ ਕੇਂਦਰਿਤ ਹੈ।'' ਪਤੱਰਿਕਾ ਦੇ ਇਸ ਅੰਕ ਵਿਚ ਜਿਹੜੀਆਂ ਹੋਰ ਔਰਤਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ ਉਨ੍ਹਾਂ ਵਿਚ ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਜੈਸਿੰਡਾ ਅਰਡਰਨ ਅਤੇ ਅਦਾਕਾਰਾ ਪ੍ਰਚਾਰਕ ਜੇਨ ਫੋਂਡਾ, ਸਲਮਾ ਹਾਯਕ, ਪਿਨੌਲਟ ਦੇ ਇਲਾਵਾ ਨੌਜਵਾਨ ਜਲਵਾਯੂ ਪ੍ਰਚਾਰਕ ਗ੍ਰੇਟਾ ਥਨਬਰਗ ਦੇ ਨਾਮ ਸ਼ਾਮਲ ਹਨ। 'ਬ੍ਰਿਟਿਸ਼ ਵੋਗ' ਦਾ ਇਹ ਅੰਕ 2 ਅਗਸਤ ਤੋਂ ਉਪਲਬਧ ਹੋਵੇਗਾ।
ਅਨੇਕਾਂ ਟਾਈਗਰਾਂ ਨੂੰ ਮਾਰਨ ਵਾਲਾ 'ਜਿਮ ਕੌਰਬੇਟ' ਕਿਉਂ ਬਣਿਆ ਉਨ੍ਹਾਂ ਦਾ ਮਸੀਹਾ (ਵੀਡੀਓ)
NEXT STORY 
