ਤੋਰਾਂਤੋ (ਦਲਵੀਰ ਸਿੰਘ ਕੈਂਥ) : ਇਟਲੀ ਵਿੱਚ ਗੈਰ-ਕਾਨੂੰਨੀ ਇਮੀਗ੍ਰੇਸ਼ਨ ਨੂੰ ਉਤਸ਼ਾਹਿਤ ਕਰਨ ਅਤੇ ਗੈਰ-ਕਾਨੂੰਨੀ ਪ੍ਰਵਾਸੀਆਂ ਦਾ ਸ਼ੋਸ਼ਣ ਕਰਨ ਲਈ ਇੱਕ ਵਿਸ਼ੇਸ਼ ਮਿਸ਼ਨ ਤਹਿਤ 30 ਮੈਂਬਰਾਂ ਦੇ ਇੱਕ ਅਖੌਤੀ ਏਜੰਟਾਂ ਦੇ ਸੰਗਠਨ ਨੂੰ ਕਾਬੂ ਕਰਨ ਵਿੱਚ ਵੱਡੀ ਕਾਮਯਾਬੀ ਹਾਸਲ ਕੀਤੀ ਹੈ। ਇਟਲੀ ਪੁਲਸ ਦੀ ਇਹ ਧਮਾਕੇਦਾਰ ਕਾਰਵਾਈ ਸ਼ਹਿਰ ਤੋਰਾਂਤੋ, ਲੇਚੇ, ਮਾਤੇਰਾ, ਕੰਪੋਬਾਸੋ, ਮਿਲਾਨੋ, ਵਿਰੋਨਾ, ਰਾਗੂਜਾ ਤੇ ਲਾਤੀਨਾ ਦੇ ਇਲਾਕਿਆਂ ਵਿੱਚ ਇੱਕ ਵਿਸ਼ੇਸ਼ ਮੁਸਤੈਦੀ ਨਾਲ ਹੋਈ, ਜਿਸ ਦੇ ਚੱਲਦਿਆਂ ਪੁਲਸ ਨੇ 30 ਅਜਿਹੇ ਕਥਿਤ ਏਜੰਟ ਕਾਬੂ ਕੀਤੇ, ਜਿਹੜੇ ਕਿ ਗੈਰ-ਕਾਨੂੰਨੀ ਇਮੀਗ੍ਰੇਸ਼ਨ ਦੇ ਧੰਦਿਆਂ ਵਿੱਚ ਗਹਿਗਚ ਹੋ ਕੇ ਪ੍ਰਵਾਸੀਆਂ ਦੀ ਦੋਵਾਂ ਹੱਥਾਂ ਨਾਲ ਲੁੱਟ ਕਰ ਰਹੇ ਸਨ।
ਇਹ ਵੀ ਪੜ੍ਹੋ : ਡੋਨਾਲਡ ਟਰੰਪ ਨੂੰ SC ਦਾ ਝਟਕਾ! ਜਨਮ ਦੇ ਆਧਾਰ 'ਤੇ Citizenship ਬਾਰੇ ਸੁਣਾਇਆ ਵੱਡਾ ਫੈਸਲਾ
ਪੁਲਸ ਅਨੁਸਾਰ ਫੜੇ ਗਏ ਸੰਗਠਨ ਦੇ ਲੋਕ ਇਟਲੀ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਸੈਂਕੜੇ ਗੈਰ-ਯੂਰਪੀ ਨਾਗਰਿਕਾਂ ਮੁੱਖ ਤੌਰ 'ਤੇ ਪਾਕਿਸਤਾਨ, ਬੰਗਲਾਦੇਸ਼ ਤੇ ਭਾਰਤ ਤੋਂ ਇਟਲੀ ਵਿੱਚ ਅਨਿਯਮਿਤ ਪ੍ਰਵੇਸ ਕਰਵਾ ਪ੍ਰਵੇਸ਼ ਕਰਵਾਉਣ ਲਈ ਤਾਣੀ ਬੁਣਦੇ ਸਨ। ਜਾਂਚ ਵਿੱਚ ਇਹ ਗੱਲ ਵੀ ਸਾਹਮਣੇ ਆਈ ਹੈ ਕਿ ਇਹ ਲੋਕ ਕਾਗਜ਼ਾਂ ਵਿੱਚ ਹੀ ਕਾਮਿਆਂ ਲਈ ਕੰਮਾਂ ਨੂੰ ਅੰਜਾਮ ਦਿੰਦੇ ਸਨ ਜਦੋਂ ਕਿ ਹਕੀਕਤ ਵਿੱਚ ਕੁਝ ਵੀ ਨਹੀਂ ਸੀ ਹੁੰਦਾ। ਭਾਵ ਫਰਜ਼ੀ ਕੰਮਾਂ ਦੇ ਇਕਰਾਰਨਾਮਿਆਂ ਰਾਹੀੰ ਕਾਨੂੰਨ ਨੂੰ ਧੋਖਾ ਦਿੰਦੇ ਸਨ। ਤੋਰਾਂਤੋ ਸਥਿਤ ਇੱਕ ਕੈਫੇ ਸੈਂਟਰ ਰਾਹੀਂ ਆਨਲਾਈਨ ਕਈ ਅਜਿਹੀਆਂ ਅਰਜ਼ੀਆਂ ਭੇਜੀਆਂ ਗਈਆਂ ਜਿਹੜੀਆਂ ਕਿ ਇਨ੍ਹਾਂ ਕਥਿਤ ਏਜੰਟਾਂ ਦੇ ਫਰਜ਼ੀਵਾੜੇ ਦੀਆਂ ਗਵਾਹੀਆਂ ਭਰਦੀਆਂ ਸਨ। ਇਸ ਕਾਰਵਾਈ ਵਿੱਚ ਕਾਮਿਆਂ ਦੀ ਨਾ ਕੋਈ ਯੋਗਤਾ ਦੇਖੀ ਜਾਂਦੀ ਅਤੇ ਕੋਈ ਸਹੀ ਪ੍ਰਸ਼ਾਸਕੀ ਪ੍ਰਕਿਰਿਆ ਹੁੰਦੀ ਸੀ। ਇਸ ਗਿਰੋਹ ਨੇ ਕਥਿਤ ਤੌਰ ਤੇ ਰੈਸਟੋਰੈਂਟ, ਬੀਚ ਇਜੋਰਟ, ਇਮਾਰਤਾਂ ਦੀ ਉਸਾਰੀ, ਹੋਟਲ, ਖੇਤੀਬਾੜੀ ਅਤੇ ਨਿਰਮਾਣ ਖੇਤਰਾਂ ਵਿੱਚ ਕੰਮ ਕਰਨ ਵਾਲੇ ਧੰਦਿਆਂ ਦਾ ਵੇਰਵਾ ਹੁੰਦਾ। ਇਹ ਲੋਕ ਕਾਮਿਆਂ ਨੂੰ ਕਥਿਤ ਤੌਰ 'ਤੇ ਖੇਤੀ ਨਾਲ ਸਬੰਧਤ ਕੰਪਨੀਆਂ ਦੇ ਰਿਕਾਰਡ ਵਿੱਚ ਨਹੀਂ ਜ਼ਾਹਿਰ ਕਰਦੇ ਤੇ ਨਾ ਹੀ ਕਾਮਿਆਂ ਤੋਂ ਮਾਲਕ ਦੇ ਟੈਕਸ ਦਾ ਭਗਤਾਨ ਕਰਨ ਲਈ ਮਜਬੂਰ ਕਰਦੇ।
ਇਹ ਵੀ ਪੜ੍ਹੋ : ਕਰੋੜਾਂ ਨਿਵੇਸ਼ਕਾਂ ਲਈ ਵੱਡੀ ਖ਼ਬਰ ! PPF, SCSS, SSY ਦੇ ਵਿਆਜ ਸਬੰਧੀ ਸਰਕਾਰ ਨੇ ਕਰ 'ਤਾ ਵੱਡਾ ਐਲਾਨ
ਜਿਹੜੇ ਪ੍ਰਵਾਸੀ ਬਾਹਰੋਂ ਆ ਰਹੇ ਸਨ, ਉਹਨਾਂ ਲਈ ਇਹ ਟੋਲਾ ਆਪਸ ਵਿੱਚ 6500 ਯੂਰੋ ਦਾ ਦੇਣ-ਲੈਣ ਕਰਦਾ, ਜਿਸ ਤਹਿਤ 5000 ਯੂਰੋ ਕੰਮ ਦੇ ਮਾਲਕ ਨੂੰ, 1000 ਪ੍ਰਮੋਟਰ ਨੂੰ ਅਤੇ 500 ਯੂਰੋ ਵਿਚੋਲੇ ਨੂੰ ਮਿਲਦਾ ਸੀ ਅਤੇ ਜਦੋਂ ਨਿਵਾਸ ਆਗਿਆ ਵਧਾਉਣੀ ਹੁੰਦੀ ਤਾਂ ਫਿਰ ਰਕਮ ਵਸੂਲੀ ਜਾਂਦੀ। ਇਸ ਗੋਰਖਧੰਦੇ ਦੀ ਕਿਸੇ ਨੂੰ ਕੋਈ ਭਿਣਕ ਨਾ ਪਵੇ, ਇਸ ਲਈ ਪੈਸੇ ਲੈਣ ਲਈ ਕੋਡ ਰੱਖਿਆ ਸੀ ਜਿਸ ਨੂੰ ਤੋਹਫ਼ੇ ਜਾਂ ਕੌਫੀ ਨਾਮ ਨਾਲ ਸੰਬੋਧਿਤ ਕੀਤਾ ਜਾਂਦਾ ਸੀ। ਜਿਹੜੇ ਕਿਰਤੀ ਲੋਕ ਇਸ ਗਿਰੋਹ ਦੇ ਧੱਕੇ ਚੜ੍ਹਦੇ, ਉਹਨਾਂ ਦੀ ਮਜਬੂਰੀ ਉਹਨਾਂ ਨੂੰ ਬਗਾਵਤ ਕਰਨ ਤੋਂ ਰੋਕਦੀ, ਕਿਉਂ ਕਿ ਇਹ ਕਾਮੇ ਗਰੀਬੀ ਤੋਂ ਨਿਜਾਤ ਪਾਉਣ ਲਈ ਕਰਜ਼ਾ ਤਾਂ ਚੁੱਕਦੇ ਹੀ, ਨਾਲ ਹੀ ਕਈ ਕਾਮੇ ਮੂਲ ਦੇਸ਼ਾਂ ਵਿੱਚ ਆਪਣੀਆਂ ਜ਼ਮੀਨਾਂ ਵੀ ਵੇਚ ਇਟਲੀ ਆਉਂਦੇ ਸਨ। ਇਟਲੀ ਪੁਲਸ ਬਹੁਤ ਹੀ ਡੂੰਘਾਈ ਨਾਲ ਇਸ ਗਿਰੋਹ ਦੇ ਕਾਰੋਬਾਰ ਦੀ ਪੁੱਣ-ਛਾਣ ਕਰ ਰਹੀ ਹੈ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਆਸ ਹੈ ਕਿ ਕਈ ਹੋਰ ਕਥਿਤ ਏਜੰਟਾਂ ਦੇ ਨਾਮ ਵੀ ਜੱਗ ਜ਼ਾਹਿਰ ਹੋ ਸਕਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਡੋਨਾਲਡ ਟਰੰਪ ਨੂੰ SC ਦਾ ਝਟਕਾ! ਜਨਮ ਦੇ ਆਧਾਰ 'ਤੇ Citizenship ਬਾਰੇ ਸੁਣਾਇਆ ਵੱਡਾ ਫੈਸਲਾ
NEXT STORY 
