ਤਹਿਰਾਨ/ਵਾਸ਼ਿੰਗਟਨ: ਮੱਧ ਪੂਰਬ ਵਿੱਚ ਜਾਰੀ ਭਿਆਨਕ ਜੰਗ ਨੇ ਹੁਣ ਈਰਾਨ ਦੀ ਰਾਜਧਾਨੀ ਤਹਿਰਾਨ ਨੂੰ ਬੁਰੀ ਤਰ੍ਹਾਂ ਹਿਲਾ ਕੇ ਰੱਖ ਦਿੱਤਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਰਾਤ ਭਰ ਹੋਈ ਅਮਰੀਕਾ ਅਤੇ ਇਜ਼ਰਾਈਲ ਦੀ ਭਾਰੀ ਬੰਬਾਰੀ ਤੋਂ ਬਾਅਦ ਤਹਿਰਾਨ ਦੇ ਸ਼ਾਹਰਾਨ ਤੇਲ ਡਿਪੂ (Shahran Oil Depot) ਵਿੱਚ ਭਿਆਨਕ ਅੱਗ ਲੱਗ ਗਈ ਹੈ, ਜੋ ਅਜੇ ਵੀ ਲਗਾਤਾਰ ਬਲ ਰਹੀ ਹੈ। ਤਹਿਰਾਨ ਦੇ ਸ਼ਾਹਰਾਨ ਤੇਲ ਡਿਪੂ ਵਿੱਚ ਲੱਗੀ ਇਹ ਅੱਗ ਇਹ ਸੰਕੇਤ ਦੇ ਰਹੀ ਹੈ ਕਿ 'ਆਪ੍ਰੇਸ਼ਨ ਐਪਿਕ ਫਿਊਰੀ' ਹੁਣ ਈਰਾਨ ਦੇ ਦਿਲ ਤੱਕ ਪਹੁੰਚ ਚੁੱਕਾ ਹੈ।
JUST IN: 🇮🇷 Fires still burning at Iran's Shahran oil depot in Tehran after overnight US and Israeli strikes. pic.twitter.com/bmsvykaYhB
— BRICS News (@BRICSinfo) March 8, 2026
ਗਲੀਆਂ 'ਚ ਫੈਲੀ ਅੱਗ
ਤਾਜ਼ਾ ਜਾਣਕਾਰੀ ਮੁਤਾਬਕ ਨੁਕਸਾਨੇ ਗਏ ਬਾਲਣ ਡਿਪੂਆਂ ਤੋਂ ਤੇਲ ਤਹਿਰਾਨ ਦੇ ਡਰੇਨੇਜ ਸਿਸਟਮ ਦੇ ਕੁਝ ਹਿੱਸਿਆਂ ਵਿੱਚ ਵਹਿ ਗਿਆ ਹੈ ਜਿਸ ਕਾਰਨ ਅੱਗ ਲੱਗ ਗਈ ਹੈ,। ਇਸ ਅੱਗ ਦੀਆਂ ਕੁਝ ਲਪਟਾਂ ਗਲੀਆਂ ਵਿੱਚ ਫੈਲ ਗਈਆਂ ਹਨ।
Oil from damaged fuel depots has flowed into parts of Tehran’s drainage system and ignited, with flames spreading along some streets.
And yes, this video is real. pic.twitter.com/kSHy20wGYO
— Russian Market (@runews) March 8, 2026
ਧਮਾਕਿਆਂ ਨਾਲ ਦਹਿਲੀ ਰਾਜਧਾਨੀ
ਸਰੋਤਾਂ ਮੁਤਾਬਕ ਅਮਰੀਕਾ ਅਤੇ ਇਜ਼ਰਾਈਲ ਨੇ ਇੱਕ ਸਾਂਝੀ ਕਾਰਵਾਈ ਕਰਦੇ ਹੋਏ ਈਰਾਨ ਦੇ ਇਸ ਮਹੱਤਵਪੂਰਨ ਤੇਲ ਭੰਡਾਰ ਨੂੰ ਨਿਸ਼ਾਨਾ ਬਣਾਇਆ ਹੈ। ਇਸ ਹਮਲੇ ਤੋਂ ਬਾਅਦ ਉੱਠ ਰਹੇ ਅੱਗ ਦੇ ਉੱਚੇ ਸ਼ੋਅਲਿਆਂ ਨੇ ਪੂਰੇ ਤੇਹਰਾਨ ਵਿੱਚ ਦਹਿਸ਼ਤ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਇਹ ਹਮਲਾ ਈਰਾਨ ਦੀ ਆਰਥਿਕ ਅਤੇ ਫੌਜੀ ਸਪਲਾਈ ਚੇਨ ਨੂੰ ਤੋੜਨ ਲਈ ਕੀਤਾ ਗਿਆ ਹੈ। ਇਹ ਤਾਜ਼ਾ ਹਮਲਾ ਉਸ ਸਮੇਂ ਹੋਇਆ ਹੈ ਜਦੋਂ ਪੂਰਾ ਖੇਤਰ ਪਹਿਲਾਂ ਹੀ ਤਬਾਹੀ ਦੇ ਕੰਢੇ 'ਤੇ ਹੈ:। ਇਸ ਖ਼ੂਨੀ ਸੰਘਰਸ਼ ਵਿੱਚ ਹੁਣ ਤੱਕ ਈਰਾਨ ਵਿੱਚ 1,332 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਪਰਮਾਣੂ ਅਤੇ ਵਪਾਰਕ ਟਿਕਾਣਿਆਂ 'ਤੇ ਹਮਲੇ:
ਹਾਲ ਹੀ ਵਿੱਚ ਈਰਾਨ ਨੇ ਇਜ਼ਰਾਈਲ ਦੀ ਡਿਮੋਨਾ ਨਿਊਕਲੀਅਰ ਫੈਸਿਲਿਟੀ ਨੂੰ ਨਿਸ਼ਾਨਾ ਬਣਾਇਆ ਸੀ, ਜਦਕਿ ਇਜ਼ਰਾਈਲ ਦੀ ਹਾਈਫਾ ਬੰਦਰਗਾਹ ਵੀ ਭਿਆਨਕ ਅੱਗ ਦੀ ਲਪੇਟ ਵਿੱਚ ਹੈ।
ਤੇਲ ਸੰਕਟ:
ਈਰਾਨ ਵੱਲੋਂ ਯੂ.ਏ.ਈ ਦੇ ਫੁਜੈਰਾਹ ਵਿੱਚ ਕੀਤੇ ਗਏ ਹਮਲੇ ਅਤੇ ਹੁਣ ਤੇਹਰਾਨ ਵਿੱਚ ਤੇਲ ਡਿਪੂ ਦੇ ਸੜਨ ਨਾਲ ਗਲੋਬਲ ਤੇਲ ਸਪਲਾਈ 'ਤੇ ਗੰਭੀਰ ਅਸਰ ਪੈ ਰਿਹਾ ਹੈ। ਅਮਰੀਕਾ ਪਹਿਲਾਂ ਹੀ ਆਪਣੇ ਘਟਦੇ ਤੇਲ ਰਿਜ਼ਰਵ ਕਾਰਨ ਚਿੰਤਤ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
'ਗੁਬਾਰੇ' ਪਿੱਛੇ ਦਾਗ਼'ਤੀਆਂ ਕਰੋੜਾਂ ਦੀਆਂ ਮਿਜ਼ਾਈਲਾਂ ! ਇਰਾਨ ਦੇ ਮਾਸਟਰਸਟ੍ਰੋਕ ਨੇ ਅਮਰੀਕਾ ਨੂੰ ਕਰ'ਤਾ ਹੱਕਾ-ਬੱਕਾ
NEXT STORY 
