ਮੈਕਸੀਕੋ ਸਿਟੀ— ਅਮਰੀਕਾ, ਮੈਕਸੀਕੋ ਅਤੇ ਕੈਨੇਡਾ ਨੇ ਦੋ ਸਾਲ ਤੋਂ ਵਧੇਰੇ ਸਮੇਂ ਤਕ ਚੱਲੀ ਗੱਲਬਾਤ ਦੇ ਬਾਅਦ ਮੰਗਲਵਾਰ ਨੂੰ ਇਕ ਸਮਝੌਤੇ 'ਤੇ ਦਸਤਖਤ ਕੀਤੇ। ਇਸ ਨਾਲ ਤਿੰਨੋਂ ਦੇਸ਼ਾਂ ਵਿਚਕਾਰ ਨਵੇਂ ਵਪਾਰ ਸਮਝੌਤੇ ਦਾ ਰਾਹ ਖੁੱਲ੍ਹ ਗਿਆ ਹੈ। ਅਮਰੀਕੀ ਸੈਨੇਟ 'ਚ ਬਹੁਮਤ ਦੇ ਨੇਤਾ ਮਿਚ ਮੈਕਕਾਨੇਲ ਨੇ ਕਿਹਾ ਕਿ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਖਿਲਾਫ ਚੱਲ ਰਹੇ ਦੋਸ਼ ਦੀ ਸੁਣਵਾਈ ਕਾਰਨ ਸੈਨੇਟ ਤੋਂ ਇਸ ਸਮਝੌਤੇ ਨੂੰ ਮਨਜ਼ੂਰੀ ਮਿਲਣ 'ਚ ਦੇਰੀ ਹੋ ਸਕਦੀ ਹੈ।
ਅਮਰੀਕਾ ਦੇ ਵਪਾਰ ਪ੍ਰਤੀਨਿਧੀ ਰਾਬਰਟ ਲਾਈਟਹਾਈਜਰ ਨੇ ਕਿਹਾ ਕਿ ਅਮਰੀਕਾ-ਮੈਕਸੀਕੋ-ਕੈਨੇਡਾ ਇਕਰਾਰਨਾਮੇ 'ਚ ਨਵੇਂ ਪ੍ਰੋਵਿਜ਼ਨਸ ਨੂੰ ਸ਼ਾਮਲ ਕਰਨ ਨਾਲ ਇਹ ਇਤਿਹਾਸ ਦਾ ਸਭ ਤੋਂ ਸ਼ਾਨਦਾਰ ਵਪਾਰਕ ਸਮਝੌਤਾ ਬਣ ਗਿਆ ਹੈ। ਇਹ ਨਵਾਂ ਸਮਝੌਤਾ 25 ਸਾਲ ਪੁਰਾਣੇ ਉੱਤਰੀ-ਅਮਰੀਕੀ ਮੁਕਤ ਵਪਾਰ ਸਮਝੌਤੇ (ਨਾਫਟਾ) ਦਾ ਸਥਾਨ ਲਵੇਗਾ। ਟਰੰਪ ਨਾਫਟਾ ਦੀ ਲਗਾਤਾਰ ਨਿੰਦਾ ਕਰਦੇ ਆ ਰਹੇ ਹਨ।
ਅਮਰੀਕਾ ਦੇ ਮਜ਼ਦੂਰ ਸੰਗਠਨਾਂ ਨੇ ਨਵੇਂ ਸਮਝੌਤੇ ਦਾ ਸਵਾਗਤ ਕੀਤਾ ਹੈ। ਸਮਝੌਤੇ 'ਚ ਮਜ਼ਦੂਰ ਸੁਧਾਰ, ਵਾਤਾਵਰਣ ਸਬੰਧੀ ਮਸਲਿਆਂ ਦੀ ਨਿਗਰਾਨੀ ਆਦਿ ਨੂੰ ਕਠੋਰ ਬਣਾਉਣ ਦੇ ਰਾਹ 'ਚ ਰੁਕਾਵਟਾਂ ਨੂੰ ਦੂਰ ਕਰਨ ਦੀਆਂ ਯੋਜਨਾਵਾਂ ਹਨ। ਸਮਝੌਤੇ 'ਤੇ ਇੱਥੇ ਲਾਈਟਹਾਈਜਰ, ਕੈਨੇਡਾ ਦੀ ਉਪ ਪ੍ਰਧਾਨ ਮੰਤਰੀ ਕ੍ਰਿਸਟਿਆ ਫਰੀਲੈਂਡ ਅਤੇ ਮੈਕਸੀਕੋ ਦੇ ਉੱਚ ਵਾਰਤਾਕਾਰ ਜੀਸਸ ਸੀਐੱਡ ਨੇ ਹਸਤਾਖਰ ਕੀਤੇ। ਮੈਕਸੀਕੋ ਦੇ ਰਾਸ਼ਟਰਪਤੀ ਆਂਦਰੋਸ ਮੈਨੁਅਲ ਲੋਪੇਜ ਓਬ੍ਰਾਡੋਰ ਨੇ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕੀਤੀ ਅਤੇ ਇਸ 'ਚ ਟਰੰਪ ਦੇ ਜਵਾਈ ਅਤੇ ਉੱਚ ਸਲਾਹਕਾਰ ਜੇਰੇਡ ਕੁਸ਼ਨਰ ਵੀ ਸ਼ਾਮਲ ਰਹੇ।
ਚੈਰਿਟੀ ਫੰਡਾਂ ਦੀ ਦੁਰਵਰਤੋਂ ਲਈ ਟਰੰਪ ਨੇ 20 ਲੱਖ ਡਾਲਰ ਦਾ ਕੀਤਾ ਭੁਗਤਾਨ
NEXT STORY