ਸਿਡਨੀ (ਬਿਊਰੋ): ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨੂੰ ਸਿਡਨੀ ਵਿਚ 'ਗੈਂਗਸ ਆਫ ਯੂਥ ਕੰਸਰਟ' ਵਿਚ ਬੀਅਰ ਪੀਂਦੇ ਦੇਖਿਆ ਗਿਆ ਅਤੇ ਇਸ ਮਗਰੋਂ ਉਨ੍ਹਾਂ ਦੀ ਆਲੋਚਨਾ ਹੋ ਰਹੀ ਹੈ। ਸੋਮਵਾਰ ਰਾਤ ਨੂੰ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਸਿਡਨੀ ਦੇ ਐਨਮੋਰ ਥੀਏਟਰ ਵਿੱਚ ਰਾਕ ਬੈਂਡ ਗੈਂਗਸ ਆਫ ਯੂਥਜ਼ ਦੁਆਰਾ ਆਯੋਜਿਤ ਇੱਕ ਸੰਗੀਤ ਸਮਾਰੋਹ ਵਿੱਚ ਸ਼ਾਮਲ ਹੋਏ। ਇਸ ਦੌਰਾਨ ਉਹਨਾਂ ਨੇ ਬੀਅਰ ਪੀਤੀ।ਆਨਲਾਈਨ ਸਾਂਝੀ ਕੀਤੀ ਗਈ ਵੀਡੀਓ ਫੁਟੇਜ ਵਿੱਚ ਅਲਬਾਨੀਜ਼ ਨੂੰ ਉਸਦੇ ਸਾਥੀ ਜੋਡੀ ਹੇਡਨ ਅਤੇ ਰੁਜ਼ਗਾਰ ਮੰਤਰੀ ਟੋਨੀ ਬੁਰਕੇ ਨਾਲ ਬੈਠੇ ਦੇਖਿਆ ਜਾ ਸਕਦਾ ਹੈ। ਭੀੜ ਦੁਆਰਾ ਵੇਖੇ ਜਾਣ ਅਤੇ ਖੁਸ਼ ਹੋਣ ਤੋਂ ਬਾਅਦ ਅਲਬਾਨੀਜ਼ ਆਪਣੀ ਡਰਿੰਕ ਦਾ ਆਨੰਦ ਲੈਂਦੇ ਹਨ।
ਇਸ ਦੌਰਾਨ ਉੱਥੇ ਮੌਜੂਦ ਸਾਥੀ ਹਾਜ਼ਰੀਨ ਨੇ ਤਾੜੀਆਂ ਵਜਾਈਆਂ ਅਤੇ ਉਹਨਾਂ ਨੂੰ ਉਤਸ਼ਾਹਿਤ ਕੀਤਾ। ਇਕ ਮੌਕੇ ਆਸਟ੍ਰੇਲੀਆਈ ਪ੍ਰਧਾਨ ਮੰਤਰੀ ਖੜ੍ਹੇ ਹੋ ਗਏ ਅਤੇ ਸਮਾਰੋਹ ਵਿਚ ਹਿੱਸਾ ਲੈਣ ਵਾਲਿਆਂ ਵੱਲ ਇਸ਼ਾਰੇ ਕਰ ਕੇ ਉਹਨਾਂ ਲਈ ਤਾੜੀਆਂ ਮਾਰੀਆਂ।ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕਿਸੇ ਆਸਟ੍ਰੇਲੀਆਈ ਪ੍ਰਧਾਨ ਮੰਤਰੀ ਨੂੰ ਬੀਅਰ ਪੀਂਦੇ ਦੇਖਿਆ ਗਿਆ ਹੋਵੇ। ਸਾਬਕਾ ਪ੍ਰਧਾਨ ਮੰਤਰੀ ਬੌਬ ਹਾਕ ਨੇ 1954 ਵਿੱਚ ਯੂਕੇ ਵਿੱਚ ਆਕਸਫੋਰਡ ਯੂਨੀਵਰਸਿਟੀ ਵਿਚ ਪੜ੍ਹਨ ਦੌਰਾਨ ਸਿਰਫ਼ 11 ਸਕਿੰਟਾਂ ਵਿੱਚ ਇੱਕ ਯਾਰਡ ਗਲਾਸ (1.4L) ਬੀਅਰ ਪੀਣ ਤੋਂ ਬਾਅਦ ਗਿਨੀਜ਼ ਬੁੱਕ ਆਫ਼ ਰਿਕਾਰਡਜ਼ ਵਿੱਚ ਮਸ਼ਹੂਰ ਸਥਾਨ ਹਾਸਲ ਕੀਤਾ।ਹਾਕ ਨੇ ਪਾਰਲੀਮੈਂਟ ਵਿੱਚ ਰਹਿੰਦਿਆਂ ਬੀਅਰ ਛੱਡ ਦਿੱਤੀ ਸੀ ਪਰ ਆਪਣੀ ਰਿਟਾਇਰਮੈਂਟ ਵਿੱਚ, ਉਹਨਾਂ ਨੂੰ ਕੁਝ ਮੌਕਿਆਂ 'ਤੇ ਟੈਸਟ ਕ੍ਰਿਕਟ ਮੈਚਾਂ ਵਿੱਚ ਇੱਕ ਗਿਲਾਸ ਜਾਂ ਬੀਅਰ ਦਾ ਕੱਪ ਖਿਸਕਾਉਂਦੇ ਹੋਏ ਦਿਖਾਇਆ ਗਿਆ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- ਹੁਣ ਅਮਰੀਕਾ ਦੇ H-1B ਲਈ ਅਰਜ਼ੀਆਂ ਦੀ ਭਰਮਾਰ, ਵਿੱਤੀ ਸਾਲ 2023 ਦਾ ਟੀਚਾ ਹੋਇਆ ਪੂਰਾ
ਇਸ ਤੋਂ ਪਹਿਲਾਂ ਫਿਨਲੈਂਡ ਦੀ ਪ੍ਰਧਾਨ ਮੰਤਰੀ ਸਨਾ ਮਾਰਿਨ ਦਾ ਇੱਕ ਪਾਰਟੀ ਵਿੱਚ ਬੀਅਰ ਪੀ ਕੇ ਦੋਸਤਾਂ ਨਾਲ ਡਾਂਸ ਕਰਦੇ ਹੋਏ ਇੱਕ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਉਹਨਾਂ ਨੂੰ ਸਖ਼ਤ ਪ੍ਰਤੀਕਿਰਿਆ ਦਾ ਸਾਹਮਣਾ ਕਰਨਾ ਪਿਆ।ਵੀਡੀਓ ਲੀਕ ਹੋਣ ਤੋਂ ਬਾਅਦ, ਆਲੋਚਕਾਂ ਨੇ ਮਾਰਿਨ ਨੂੰ "ਗੈਰ-ਪੇਸ਼ੇਵਰ" ਕਰਾਰ ਦਿੱਤਾ। ਹਫਤੇ ਦੇ ਅੰਤ ਵਿੱਚ ਉਸ ਨੇ "ਸ਼ੱਕ ਮਿਟਾਉਣ" ਲਈ ਇੱਕ ਡਰੱਗ ਟੈਸਟ ਕਰਵਾਇਆ ਅਤੇ ਰਿਪੋਰਟ ਨੈਗੇਟਿਵ ਆਈ ਹੈ।ਏ.ਐੱਫ.ਪੀ. ਦੀ ਰਿਪੋਰਟ ਮੁਤਾਬਕ ਵਰਤਮਾਨ ਵਿੱਚ ਮਾਰਿਨ ਦੀ ਕੁਝ ਹੋਰ ਫੋਟੋਆਂ ਅਤੇ ਕਲਿੱਪਾਂ ਲਈ ਵੀ ਸੋਸ਼ਲ ਮੀਡੀਆ 'ਤੇ ਉਹਨਾਂ ਦੀ ਆਲੋਚਨਾ ਕੀਤੀ ਜਾ ਰਹੀ ਹੈ।
ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪਾਕਿਸਤਾਨ ’ਚ ਹਿੰਦੂਆਂ ’ਤੇ ਜ਼ੁਲਮ ਦਾ ਹਥਿਆਰ ਬਣਿਆ ਈਸ਼ਨਿੰਦਾ ਕਾਨੂੰਨ
NEXT STORY 
