ਇੰਟਰਨੈਸ਼ਨਲ ਡੈਸਕ- ਪਾਕਿਸਤਾਨ 'ਚ ਖੇਤੀਬਾੜੀ ਸੈਕਟਰ ਨਾਲ ਜੁੜੀਆਂ ਆਸਾਨ ਅਤੇ ਲਾਹੇਵੰਦ ਨੀਤੀਆਂ 'ਤੇ ਅਮਲ ਨਾ ਕਰਨ ਕਾਰਨ ਦੇਸ਼ ਨੂੰ ਹਰ ਸਾਲ ਭਾਰੀ ਆਰਥਿਕ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਰਹਾ ਹੈ। ਢੁੱਕਵੀਂ ਕੋਲਡ ਸਟੋਰੇਜ, ਖਰਾਬ ਲੌਜਿਸਟਿਕਸ ਅਤੇ ਕਮਜ਼ੋਰ ਬੁਨਿਆਦੀ ਢਾਂਚੇ ਕਾਰਨ ਦੱਖਣੀ ਏਸ਼ੀਆ 'ਚ ਫਸਲ ਦੀ ਕਟਾਈ ਤੋਂ ਬਾਅਦ ਸਭ ਤੋਂ ਵੱਧ ਨੁਕਸਾਨ ਪਾਕਿਸਤਾਨ 'ਚ ਹੀ ਹੁੰਦਾ ਹੈ। ਦੇਸ਼ ਵਿੱਚ ਕੋਲਡ ਸਟੋਰੇਜ ਸਹੂਲਤਾਂ ਦੀ ਭਾਰੀ ਘਾਟ ਕਾਰਨ ਹਰ ਸਾਲ ਲਗਭਗ 1.2 ਅਰਬ ਅਮਰੀਕੀ ਡਾਲਰ ਦੀਆਂ ਫਸਲਾਂ ਅਤੇ ਖਾਣ-ਪੀਣ ਦੀਆਂ ਵਸਤੂਆਂ ਖਰਾਬ ਹੋ ਜਾਂਦੀਆਂ ਹਨ।
ਮੰਡੀ 'ਚ ਕੀਮਤਾਂ ਦੀ ਅਸਥਿਰਤਾ ਅਤੇ ਮੰਡੀਆਂ ਤੱਕ ਫਸਲ ਪਹੁੰਚਾਉਣ ਦੀ ਜ਼ਿਆਦਾ ਲਾਗਤ ਕਾਰਨ ਕਿਸਾਨਾਂ ਲਈ ਕਈ ਵਾਰ ਫਸਲ ਦੀ ਕਟਾਈ ਕਰਨਾ ਵੀ ਘਾਟੇ ਦਾ ਸੌਦਾ ਬਣ ਜਾਂਦਾ ਹੈ। ਨਤੀਜੇ ਵਜੋਂ, ਟਮਾਟਰ ਵਰਗੀਆਂ ਜਲਦੀ ਖਰਾਬ ਹੋਣ ਵਾਲੀਆਂ ਫਸਲਾਂ ਨੂੰ ਕਿਸਾਨ ਮੰਡੀਆਂ 'ਚ ਵੇਚਣ ਦੀ ਬਜਾਏ ਖੇਤਾਂ 'ਚ ਹੀ ਰੁਲਣ ਲਈ ਛੱਡਣ ਲਈ ਮਜਬੂਰ ਹੋ ਜਾਂਦੇ ਹਨ। ਜੇਕਰ ਪਾਕਿਸਤਾਨ ਅੰਤਰਰਾਸ਼ਟਰੀ ਸੁਰੱਖਿਆ ਅਤੇ ਕੁਆਲਿਟੀ ਦੇ ਮਾਪਦੰਡਾਂ ਨੂੰ ਸਖ਼ਤੀ ਨਾਲ ਲਾਗੂ ਕਰੇ, ਤਾਂ ਦੇਸ਼ ਆਪਣੀ ਖੇਤੀਬਾੜੀ ਬਰਾਮਦ ਤੋਂ 2 ਅਰਬ ਤੋਂ 3 ਅਰਬ ਡਾਲਰ ਦੀ ਵਾਧੂ ਆਮਦਨ ਕਮਾ ਸਕਦਾ ਹੈ।
ਇਸ ਤੋਂ ਇਲਾਵਾ ਪਾਕਿਸਤਾਨ ਆਪਣੇ ਕੂੜੇ ਅਤੇ ਫਾਲਤੂ ਸਮੱਗਰੀ ਦਾ 5 ਫ਼ੀਸਦੀ ਤੋਂ ਵੀ ਘੱਟ ਹਿੱਸਾ ਰੀਸਾਈਕਲ ਕਰਦਾ ਹ, ਜਦਕਿ ਭਾਰਤ 'ਚ ਇਹ ਅੰਕੜਾ 25 ਫ਼ੀਸਦੀ ਹੈ। ਇਸ ਕਾਰਨ ਵੇਸਟ ਮੈਨੇਜਮੈਂਟ ਤਕਨਾਲੋਜੀ ਰਾਹੀਂ ਕਮਾਏ ਜਾ ਸਕਣ ਵਾਲੇ ਲਗਭਗ 1 ਅਰਬ ਡਾਲਰ ਦੇ ਆਰਥਿਕ ਲਾਭ ਤੋਂ ਪਾਕਿਸਤਾਨ ਵਾਂਝਾ ਰਹਿ ਜਾਂਦਾ ਹੈ।
ਖਾਣ ਵਾਲੀਆਂ ਚੀਜ਼ਾਂ ਦੀ ਬਰਬਾਦੀ ਨੂੰ ਰੋਕਣਾ ਪਾਕਿਸਤਾਨ ਦੀ ਆਰਥਿਕਤਾ ਅਤੇ ਖੁਰਾਕ ਸੁਰੱਖਿਆ ਲਈ ਸਭ ਤੋਂ ਆਸਾਨ ਤੇ ਕਾਰਗਰ ਹੱਲ ਹੈ। ਹਾਲਾਂਕਿ, ਜ਼ਿਆਦਾ ਸ਼ੁਰੂਆਤੀ ਲਾਗਤ ਅਤੇ ਨਿੱਜੀ ਖੇਤਰ ਦੇ ਘੱਟ ਨਿਵੇਸ਼ ਕਾਰਨ ਇਹ ਜ਼ਰੂਰੀ ਸੁਧਾਰ ਜ਼ਮੀਨੀ ਪੱਧਰ 'ਤੇ ਲਾਗੂ ਨਹੀਂ ਹੋ ਪਾ ਰਹੇ, ਪਰ ਲੰਬੇ ਸਮੇਂ ਦੇ ਨੁਕਸਾਨ ਤੋਂ ਬਚਣ ਲਈ ਪਾਕਿਸਤਾਨ ਨੂੰ ਅਜਿਹੇ ਕਦਮ ਚੁੱਕਣੇ ਪੈਣਗੇ।
ਅਮਰੀਕਾ ਦੀਆਂ ਹੋਰ ਪਾਬੰਦੀਆਂ ਦੀ ਤਿਆਰੀ ਦਰਮਿਆਨ ਈਰਾਨੀ ਰਿਆਲ ਰਿਕਾਰਡ ਹੇਠਲੇ ਪੱਧਰ 'ਤੇ
NEXT STORY 
