ਲੰਡਨ (ਏ.ਐਫ.ਪੀ.)- ਪ੍ਰਿੰਸ ਹੈਰੀ ਅਤੇ ਮੇਗਨ ਮਰਕੇਲ ਜਦੋਂ ਪਹਿਲੀ ਵਾਰ ਬਲਾਈਂਡ ਡੇਟ ਉੱਤੇ ਮਿਲੇ ਸਨ ਤਾਂ ਉਨ੍ਹਾਂ ਨੂੰ ਇਸ ਗੱਲ ਦਾ ਅਹਿਸਾਸ ਨਹੀਂ ਸੀ ਕਿ ਇਹ ਇਕੱਠੇ ਜੀਵਨਭਰ ਇਕੱਠੇ ਰਹਿਣ ਵਾਲਾ ਹੈ। ਪਹਿਲੀ ਨਜ਼ਰੇ ਇਕ-ਦੂਜੇ ਨੂੰ ਦਿਲ ਦੇਣ ਤੋਂ ਬਾਅਦ ਹੁਣ ਵਾਰੀ ਵਿਆਹ ਦੇ ਬੰਧਨ ਵਿਚ ਬੱਝਣ ਦੀ ਹੈ। ਬ੍ਰਿਟੇਨ ਦੇ ਸ਼ਾਹੀ ਪਰਿਵਾਰ ਦੇ ਮੈਂਬਰ ਹੈਰੀ ਅਤੇ ਅਮਰੀਕੀ ਅਭਿਨੇਤਰੀ ਮੇਗਨ ਪਹਿਲੀ ਮੁਲਾਕਾਤ ਤੋਂ ਤਕਰੀਬਨ ਦੋ ਸਾਲ ਬਾਅਦ 19 ਮਈ ਨੂੰ ਵਿੰਡਸਰ ਕੈਸਲ ਵਿਚ ਵਿਆਹ ਕਰਨਗੇ। ਜੁਲਾਈ 2016 ਵਿਚ ਜਦੋਂ ਮੇਗਨ ਦੀ ਮੁਲਾਕਾਤ ਕਰਵਾਈ ਸੀ। ਜੋੜੇ ਨੇ ਬਾਅਦ ਵਿਚ ਖੁਲਾਸਾ ਕੀਤਾ ਸੀ ਕਿ ਅਚਾਨਕ ਹੋਈ ਇਸ ਮੁਲਾਕਾਤ ਤੋਂ ਪਹਿਲਾਂ ਉਹ ਇਕ-ਦੂਜੇ ਬਾਰੇ ਜ਼ਿਆਦਾ ਕੁਝ ਨਹੀਂ ਜਾਣਦੇ ਸਨ। ਪਹਿਲੀ ਮੁਲਾਕਾਤ ਤੋਂ ਬਾਅਦ ਉਨ੍ਹਾਂ ਵਿਚਾਲੇ ਨਜ਼ਦੀਕੀਆਂ ਤੇਜ਼ੀ ਨਾਲ ਵਧੀਆਂ ਅਤੇ ਹੈਰੀ ਨੇ ਮੇਗਨ ਨੂੰ ਸ਼ਾਹੀ ਪਰਿਵਾਰ ਦਾ ਮੈਂਬਰ ਬਣਾਉਣ ਦਾ ਫੈਸਲਾ ਕਰ ਲਿਆ। ਹੈਰੀ ਦਾ ਕਹਿਣਾ ਹੈ ਕਿ ਮੇਰੇ ਉਪਰ ਇੰਨੀ ਤੇਜ਼ੀ ਨਾਲ ਮੇਗਨ ਦਾ ਪਿਆਰ ਦਾ ਜਾਦੂ ਛਾਇਆ। ਇਸ ਗੱਲ ਦੀ ਪੁਸ਼ਟੀ ਕਰਦਾ ਹੈ ਕਿ ਕਾਇਨਾਤ ਮੇਰੇ ਪਿਆਰ ਦੇ ਨਾਲ ਹੈ। ਸਭ ਕੁਝ ਸ਼ਾਨਦਾਰ ਹੈ। ਵੈਸੇ ਇਨ੍ਹਾਂ ਦੋਹਾਂ ਦਾ ਰਿਸ਼ਤਾ ਮੀਡੀਆ ਦੀ ਚਕਾਚੌਂਧ ਤੋਂ ਦੂਰ ਹੀ ਰਿਹਾ ਪਰ ਜਦੋਂ ਉਹ ਸਭ ਦੇ ਸਾਹਮਣੇ ਆਏ ਤਾਂ ਛਾ ਗਏ। ਮੇਗਨ 34 ਸਾਲ ਦੀ ਹੈ ਅਤੇ ਤਿੰਨ ਸਾਲ ਪਹਿਲਾਂ ਉਨ੍ਹਾਂ ਦਾ ਤਲਾਕ ਹੋ ਚੁੱਕਾ ਹੈ, ਜਦੋਂ ਕਿ ਹੈਰੀ 31 ਸਾਲ ਦੇ ਹਨ ਅਤੇ ਉਨ੍ਹਾਂ ਦੇ ਨਾਕਾਮ ਪਿਆਰ ਦੇ ਕੁੱਝ ਕਿੱਸੇ ਹਨ ਅਤੇ ਉਨ੍ਹਾਂ ਦਾ 10 ਸਾਲ ਦਾ ਫੌਜ ਦਾ ਕਾਰਜਕਾਲ ਰਿਹਾ ਹੈ। ਹੈਰੀ ਨੇ ਪਹਿਲੀ ਮੁਲਾਕਾਤ ਯਾਦ ਕਰਦੇ ਹੋਏ ਕਿਹਾ ਕਿ ਜਦੋਂ ਉਹ ਕਮਰੇ ਵਿਚ ਦਾਖਲ ਹੋਏ ਅਤੇ ਉਨ੍ਹਾਂ ਨੇ ਮੇਗਨ ਨੂੰ ਦੇਖਿਆ ਤਾਂ ਇਹ ਉਨ੍ਹਾਂ ਲਈ ਸੁੰਦਰ ਹੈਰਾਨੀ ਸੀ। ਹੈਰੀ ਨੇ ਕਿਹਾ ਕਿ ਪੂਰੇ ਸ਼ਾਹੀ ਪਰਿਵਾਰ ਨੇ ਉਨ੍ਹਾਂ ਦੇ ਸਬੰਧਾਂ ਦਾ ਐਲਾਨ ਦਿੱਤਾ ਸੀ। ਉਹ ਇਕ ਦਸੰਬਰ ਨੂੰ ਪਹਿਲੀ ਵਾਰ ਹੈਰੀ ਦੇ ਨਾਲ ਜਨਤਕ ਰੂਪ ਨਾਲ ਨਜ਼ਰ ਆਈ ਸੀ ਅਤੇ ਉਨ੍ਹਾਂ ਨੇ ਕ੍ਰਿਸਮਸ ਵੀ ਸ਼ਾਹੀ ਪਰਿਵਾਰ ਦੇ ਨਾਲ ਹੀ ਮਨਾਇਆ ਸੀ।
ਜਾਪਾਨ 'ਚ ਫਟਿਆ ਜਵਾਲਾਮੁਖੀ
NEXT STORY 
