ਮਾਸਕੋ (ਯੂ.ਐਨ.ਆਈ.)- ਰੂਸ ਨੇ ਐਤਵਾਰ ਨੂੰ ਕਿਹਾ ਕਿ ਉਸਦੀ ਫੌਜ ਨੇ ਕੁਰਸਕ ਖੇਤਰ ਵਿੱਚ ਤਿੰਨ ਬਸਤੀਆਂ ਦਾ ਕੰਟਰੋਲ ਮੁੜ ਹਾਸਲ ਕਰ ਲਿਆ ਹੈ। ਰੱਖਿਆ ਮੰਤਰਾਲੇ ਨੇ ਇੱਕ ਬਿਆਨ ਵਿੱਚ ਕਿਹਾ, "ਨਿਰਣਾਇਕ ਕਾਰਵਾਈਆਂ ਦੇ ਨਤੀਜੇ ਵਜੋਂ ਸੇਵਰ (ਉੱਤਰੀ) ਫੌਜਾਂ ਦੇ ਸਮੂਹ ਦੀਆਂ ਇਕਾਈਆਂ ਨੇ ਕੁਰਸਕ ਖੇਤਰ ਵਿੱਚ ਮਲਾਇਆ ਲੋਕਨਿਆ, ਚੇਰਕਾਸਕੋਏ ਪੋਰੇਚਨੋਏ ਅਤੇ ਕੋਸਿਤਸਾ ਨੂੰ ਆਜ਼ਾਦ ਕਰਵਾਇਆ।" ਇਸ ਵਿੱਚ ਕਿਹਾ ਗਿਆ ਹੈ ਕਿ ਰੂਸੀ ਫੌਜਾਂ ਕੁਰਸਕ ਖੇਤਰ ਵਿੱਚ ਯੂਕ੍ਰੇਨੀ ਹਥਿਆਰਬੰਦ ਫੌਜਾਂ ਨੂੰ ਹਰਾਉਣ ਲਈ ਕਾਰਵਾਈਆਂ ਜਾਰੀ ਰੱਖਦੀਆਂ ਹਨ। ਇਹ ਤਿੰਨੇ ਬਸਤੀਆਂ ਯੂਕ੍ਰੇਨੀ-ਨਿਯੰਤਰਿਤ ਸੁਡਜ਼ਾ ਦੇ ਉੱਤਰ ਵਿੱਚ ਹਨ, ਜੋ ਕਿ ਕੁਰਸਕ ਵਿੱਚ ਯੂਕ੍ਰੇਨੀ ਮੁਹਿੰਮ ਲਈ ਸਪਲਾਈ ਯਕੀਨੀ ਬਣਾਉਣ ਵਾਲਾ ਇੱਕ ਮੁੱਖ ਸ਼ਹਿਰ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ ਛੋਟਾ ਜਹਾਜ਼ ਹਾਦਸਾਗ੍ਰਸਤ, ਪੰਜ ਜ਼ਖਮੀ
ਇਸ ਤੋਂ ਪਹਿਲਾਂ ਦਿਨ ਵਿੱਚ ਮੰਤਰਾਲੇ ਨੇ ਕਿਹਾ ਕਿ ਉਸਨੇ ਕੁਰਸਕ ਦੇ ਲੇਬੇਦੇਵਕਾ ਪਿੰਡ ਦਾ ਕੰਟਰੋਲ ਹਾਸਲ ਕਰ ਲਿਆ ਹੈ, ਜਿਸ ਨਾਲ ਰੂਸੀ ਫੌਜਾਂ ਸੁਡਜ਼ਾ ਦੇ ਨੇੜੇ ਆ ਗਈਆਂ ਹਨ। TASS ਨਿਊਜ਼ ਏਜੰਸੀ ਨੇ ਰੂਸੀ ਸੁਰੱਖਿਆ ਬਲਾਂ ਦੇ ਹਵਾਲੇ ਨਾਲ ਕਿਹਾ ਕਿ ਫੌਜ ਸੁਡਜਾ ਤੋਂ ਸਿਰਫ਼ 10 ਕਿਲੋਮੀਟਰ ਦੂਰ ਸੀ। ਯੂਕ੍ਰੇਨ ਦੇ ਜਨਰਲ ਸਟਾਫ ਨੇ ਸ਼ਨੀਵਾਰ ਨੂੰ ਟੈਲੀਗ੍ਰਾਮ 'ਤੇ ਮੁਕਾਬਲੇ ਦੀ ਫੁਟੇਜ ਜਾਰੀ ਕੀਤੀ, ਜਿਸ ਵਿੱਚ ਕਿਹਾ ਗਿਆ ਕਿ ਯੂਕ੍ਰੇਨੀ ਫੌਜਾਂ ਨੇ ਸੁਦਜਾ ਦੇ ਬਾਹਰਵਾਰ ਇੱਕ ਗੈਸ ਪਾਈਪਲਾਈਨ ਰਾਹੀਂ ਰੂਸੀ ਫੌਜਾਂ ਦੇ ਹਮਲੇ ਨੂੰ ਰੋਕ ਦਿੱਤਾ ਹੈ। ਉਸਨੇ ਇੱਕ ਪੋਸਟ ਵਿੱਚ ਕਿਹਾ,"ਇਸ ਸਮੇਂ ਰੂਸੀ ਵਿਸ਼ੇਸ਼ ਬਲਾਂ ਨੂੰ ਲੱਭਿਆ ਜਾ ਰਿਹਾ ਹੈ, ਰੋਕਿਆ ਜਾ ਰਿਹਾ ਹੈ ਅਤੇ ਨਸ਼ਟ ਕੀਤਾ ਜਾ ਰਿਹਾ ਹੈ। ਸੁਡਜਾ ਖੇਤਰ ਵਿੱਚ ਦੁਸ਼ਮਣ ਨੂੰ ਭਾਰੀ ਨੁਕਸਾਨ ਹੋਇਆ।"
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮਾਰਕ ਕਾਰਨੀ ਕੈਨੇਡਾ ਦੀ ਅਗਵਾਈ ਲਈ ਤਿਆਰ, ਕੀ ਭਾਰਤ ਨਾਲ ਮਿਲਾਉਣਗੇ ਹੱਥ
NEXT STORY 
