ਲੰਡਨ— ਜਹਾਜ਼ ਵਿਚ ਸੁੱਤੇ ਪਏ ਸਿੱਖ ਵਿਅਕਤੀ ਨੂੰ ਦੇਖ ਕੇ ਉਸ ਦੇ ਅਗਲੀ ਸੀਟ 'ਤੇ ਬੈਠੇ ਵਿਅਕਤੀ ਨੇ ਅਜਿਹੀ ਘਟੀਆ ਹਰਕਤ ਕੀਤੀ ਕਿ ਸੋਸ਼ਲ ਮੀਡੀਆ 'ਤੇ ਇਸ ਘਟਨਾ ਨੂੰ ਲੈ ਕੇ ਰੋਸ ਦਾ ਪ੍ਰਗਟਾਵਾ ਕੀਤਾ ਜਾ ਰਿਹਾ ਹੈ। ਅਸਲ ਵਿਚ ਸਿੱਖ ਵਿਅਕਤੀ ਦੇ ਅੱਗੇ ਬੈਠੇ ਵਿਅਕਤੀ ਨੇ ਜਦੋਂ ਉਸ ਨੂੰ ਸੁੱਤੇ ਪਏ ਦੇਖਿਆ ਅਤੇ ਉਸ ਨੂੰ ਮੁਸਲਿਮ ਸਮਝ ਕੇ ਤਸਵੀਰਾਂ ਖਿੱਚ ਕੇ ਸਨੈਪਚੈਟ 'ਤੇ ਪੋਸਟ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਇਸ ਦੇ ਨਾਲ ਹੀ ਉਹ ਕੈਪਸ਼ਨ ਲਿਖ ਰਿਹਾ ਸੀ, ਉਹ ਸ਼ਰਮਨਾਕ ਸੀ। ਇਸ ਵਿਅਕਤੀ ਨੇ ਸਨੈਪਚੈਟ 'ਤੇ ਕਈ ਤਸਵੀਰਾਂ ਪੋਸਟ ਕੀਤੀਆਂ, ਜਿਨ੍ਹਾਂ ਵਿਚ ਲਿਖ ਰਿਹਾ ਸੀ ਕਿ 'ਰੱਬ ਕਰੇ ਇਹ ਵਿਅਕਤੀ ਸੁੱਤਾ ਹੀ ਰਹੇ।' ਉਹ ਵਾਰ-ਵਾਰ ਲਿਖ ਰਿਹਾ ਸੀ ਕਿ ਉਸ ਦੇ ਪਿੱਛੇ ਅੱਤਵਾਦੀ ਬੈਠਾ ਹੈ ਅਤੇ ਉਹ ਅਜੇ ਵੀ ਜ਼ਿੰਦਾ ਹੈ।
ਇਨ੍ਹਾਂ ਤਸਵੀਰਾਂ ਨੂੰ ਸਿਮਰਨ ਜੀਤ ਸਿੰਘ ਨੇ ਟਵਿੱਟਰ 'ਤੇ ਸ਼ੇਅਰ ਕੀਤਾ ਹੈ। ਉਸ ਨੇ ਦੱਸਿਆ ਕਿ ਇਹ ਸਿੱਖ ਵਿਅਕਤੀ ਟ੍ਰੀਨਿਟੀ ਯੂਨੀਵਰਸਿਟੀ ਵਿਚ ਧਰਮ ਦੀ ਪੜ੍ਹਾਈ ਕਰਵਾਉਂਦਾ ਹੈ। ਇਸ ਪੋਸਟ ਦੇ ਵਾਇਰਲ ਹੋਣ ਤੋਂ ਬਾਅਦ ਸਿੱਖਾਂ ਵਿਚ ਗੁੱਸਾ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਹੁਣ ਤੱਕ 6800 ਵਾਰ ਰੀਟਵੀਟ ਕੀਤਾ ਜਾ ਚੁੱਕਾ ਹੈ।
ਯਮਨ: ਯੂ. ਐੱਨ. ਨੇ ਹੈਜ਼ਾ 'ਤੇ ਜ਼ਾਰੀ ਕੀਤੀ ਚਿਤਾਵਨੀ, 1300 ਲੋਕਾਂ ਦੀ ਮੌਤ
NEXT STORY 
