ਲੰਡਨ (ਭਾਸ਼ਾ): ਮਨੁੱਖੀ ਅਧਿਕਾਰਾਂ ਦੇ ਵਕੀਲ ਕੀਰ ਸਟਾਰਮਰ ਨੂੰ ਸ਼ੁੱਕਰਵਾਰ ਨੂੰ ਬ੍ਰਿਟੇਨ ਦਾ ਨਵਾਂ ਪ੍ਰਧਾਨ ਮੰਤਰੀ ਚੁਣਿਆ ਗਿਆ, ਜਿਨ੍ਹਾਂ ਨੇ ਭਾਰਤੀ ਮੂਲ ਦੇ ਲੋਕਾਂ ਨਾਲ ਲੇਬਰ ਪਾਰਟੀ ਦੇ ਸਬੰਧਾਂ ਵਿਚ ਸਕਾਰਾਤਮਕ ਬਦਲਾਅ ਦੀ ਵਕਾਲਤ ਕੀਤੀ ਹੈ। ਸਟਾਰਮਰ ਨੇ ਇੱਕ ਨਵੀਂ ਰਣਨੀਤਕ ਭਾਈਵਾਲੀ ਬਣਾਉਣ ਦਾ ਵਾਅਦਾ ਕੀਤਾ ਸੀ, ਜਿਸ ਵਿੱਚ ਭਾਰਤ ਨਾਲ ਇੱਕ ਮੁਕਤ ਵਪਾਰ ਸਮਝੌਤਾ (FTA) ਵੀ ਸ਼ਾਮਲ ਹੈ ਜੇਕਰ ਉਸਦੀ ਪਾਰਟੀ ਨੂੰ ਮਜ਼ਬੂਤ ਜਨਾਦੇਸ਼ ਮਿਲਦਾ ਹੈ। ਸਟਾਰਮਰ ਦੀ ਅਗਵਾਈ ਵਿੱਚ ਲੇਬਰ ਪਾਰਟੀ ਨੇ ਬ੍ਰਿਟੇਨ ਦੀਆਂ ਆਮ ਚੋਣਾਂ ਵਿੱਚ ਸ਼ਾਨਦਾਰ ਜਿੱਤ ਹਾਸਲ ਕੀਤੀ ਹੈ।
ਸਟਾਰਮਰ (61) ਦੇਸ਼ ਦੇ ਅਗਲੇ ਪ੍ਰਧਾਨ ਮੰਤਰੀ ਹੋਣਗੇ ਅਤੇ ਇੱਕ ਜਿੱਤ ਰੈਲੀ ਵਿੱਚ ਸਮਰਥਕਾਂ ਨੂੰ ਕਿਹਾ ਕਿ 'ਤਬਦੀਲੀ ਹੁਣ ਸ਼ੁਰੂ ਹੋਵੇਗੀ।' ਦਸੰਬਰ 2019 ਵਿਚ ਕਰਾਰੀ ਚੁਣਾਵੀ ਹਾਰ ਮਗਰੋਂ ਲੇਬਰ ਪਾਰਟੀ ਦੀ ਕਿਸਮਤ ਵਿਚ ਪ੍ਰਭਾਵਸ਼ਾਲੀ ਜਿੱਤ ਦੇ ਉਲਟਫੇਰ ਦਾ ਕ੍ਰੈਡਿਟ ਹੁਣ ਜਾਹਰ ਤੌਰ 'ਤੇ ਸਟਾਰਮਰ ਦੇ ਖਾਤੇ ਵਿਚ ਜਾਵੇਗਾ। ਉਹ ਬ੍ਰਿਟਿਸ਼ ਭਾਰਤੀਆਂ ਨਾਲ ਆਪਣੀ ਪਾਰਟੀ ਦੇ ਸਬੰਧਾਂ ਨੂੰ ਨਵਾਂ ਰੂਪ ਦੇਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਜੋ ਸਾਬਕਾ ਨੇਤਾ ਜੇਰੇਮੀ ਕੋਰਬੀਨ ਦੇ ਕਾਰਜਕਾਲ ਵਿਚ ਕਸ਼ਮੀਰ 'ਤੇ ਕਥਿਤ ਭਾਰਤ ਵਿਰੋਧੀ ਰੁਖ਼ ਤੋਂ ਪ੍ਰਭਾਵਿਤ ਹੋਏ ਸਨ। ਸਟਾਰਮਰ ਨੇ ਆਪਣੇ ਜਿੱਤ ਦੇ ਸੰਬੋਧਨ ਵਿੱਚ ਕਿਹਾ, "ਸਾਢੇ ਚਾਰ ਸਾਲ ਤੱਕ ਪਾਰਟੀ ਵਿਚ ਤਬਦੀਲੀ ਦਾ ਇਹ ਉਦੇਸ਼ ਹੈ: ਇੱਕ ਬਦਲੀ ਹੋਈ ਲੇਬਰ ਪਾਰਟੀ, ਜੋ ਦੇਸ਼ ਦੀ ਸੇਵਾ ਕਰਨ ਲਈ ਤਿਆਰ ਹੈ, ਬ੍ਰਿਟੇਨ ਨੂੰ ਕੰਮ ਕਰਨ ਵਾਲੇ ਲੋਕਾਂ ਦੀ ਸੇਵਾ ਵਿੱਚ ਵਾਪਸ ਲਿਆਉਣ ਲਈ ਤਿਆਰ ਹੈ।"
ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆਈ, ਕੈਨੇਡੀਅਨ ਪ੍ਰਧਾਨ ਮੰਤਰੀ ਨੇ UK ਦੇ ਨਵੇਂ PM ਨੂੰ 'ਇਤਿਹਾਸਕ' ਜਿੱਤ 'ਤੇ ਦਿੱਤੀ ਵਧਾਈ
ਪ੍ਰਧਾਨ ਮੰਤਰੀ ਹੋਣ ਦੇ ਨਾਤੇ, ਭਾਰਤ ਪ੍ਰਤੀ ਉਨ੍ਹਾਂ ਦੀ ਪਹੁੰਚ ਲੇਬਰ ਪਾਰਟੀ ਦੇ 2024 ਦੇ ਚੋਣ ਮਨੋਰਥ ਪੱਤਰ ਵਿੱਚ ਝਲਕਦੀ ਸੀ ਜਿਸ ਵਿੱਚ "ਭਾਰਤ ਨਾਲ ਇੱਕ ਨਵੀਂ ਰਣਨੀਤਕ ਭਾਈਵਾਲੀ ਦੀ ਮੰਗ ਕੀਤੀ ਗਈ ਸੀ, ਜਿਸ ਵਿੱਚ ਇੱਕ ਮੁਕਤ ਵਪਾਰ ਸਮਝੌਤੇ ਦੇ ਨਾਲ-ਨਾਲ ਸੁਰੱਖਿਆ, ਸਿੱਖਿਆ, ਤਕਨਾਲੋਜੀ ਅਤੇ ਜਲਵਾਯੂ ਪਰਿਵਰਤਨ ਵਰਗੇ ਖੇਤਰਾਂ ਵਿੱਚ ਸਹਿਯੋਗ ਨੂੰ ਡੂੰਘਾ ਕਰਨਾ ਸ਼ਾਮਲ ਹੈ।'' ਉਨ੍ਹਾਂ ਨੇ ਪਿਛਲੇ ਸਾਲ 'ਇੰਡੀਆ ਗਲੋਬਲ ਫੋਰਮ' 'ਚ ਕਿਹਾ ਸੀ, ''ਮੇਰੇ ਕੋਲ ਅੱਜ ਤੁਹਾਡੇ ਸਾਰਿਆਂ ਲਈ ਸਪੱਸ਼ਟ ਸੰਦੇਸ਼ ਹੈ। ਇਹ ਇੱਕ ਬਦਲੀ ਹੋਈ ਲੇਬਰ ਪਾਰਟੀ ਹੈ।'' ਸਟਾਰਮਰ ਨੇ ਕਿਹਾ, ''ਮੇਰੀ ਲੇਬਰ ਪਾਰਟੀ ਦੀ ਸਰਕਾਰ ਲੋਕਤੰਤਰ ਦੀਆਂ ਸਾਡੀਆਂ ਸਾਂਝੀਆਂ ਕਦਰਾਂ-ਕੀਮਤਾਂ ਅਤੇ ਇੱਛਾਵਾਂ ਦੇ ਆਧਾਰ 'ਤੇ ਭਾਰਤ ਨਾਲ ਸਬੰਧ ਬਣਾਉਣ ਦੀ ਕੋਸ਼ਿਸ਼ ਕਰੇਗੀ। ਇਹ ਇੱਕ ਮੁਕਤ ਵਪਾਰ ਸਮਝੌਤੇ (FTA) ਲਈ ਯਤਨ ਕਰੇਗਾ। ਅਸੀਂ ਉਸ ਅਭਿਲਾਸ਼ਾ ਨੂੰ ਸਾਂਝਾ ਕਰਦੇ ਹਾਂ, ਪਰ ਆਲਮੀ ਸੁਰੱਖਿਆ, ਜਲਵਾਯੂ ਸੁਰੱਖਿਆ, ਆਰਥਿਕ ਸੁਰੱਖਿਆ ਲਈ ਇੱਕ ਨਵੀਂ ਰਣਨੀਤਕ ਭਾਈਵਾਲੀ ਵੀ ਬਣਾਵਾਂਗੇ।''
ਪਿਛਲੇ ਹਫ਼ਤੇ ਉੱਤਰੀ ਲੰਡਨ ਦੇ ਕਿੰਗਸਬਰੀ ਵਿੱਚ ਸ਼੍ਰੀ ਸਵਾਮੀਨਾਰਾਇਣ ਮੰਦਿਰ ਦੇ ਦੌਰੇ ਦੌਰਾਨ, ਉਸਨੇ ਬ੍ਰਿਟਿਸ਼ ਹਿੰਦੂਆਂ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਦਾ ਸੰਦੇਸ਼ ਹੈ ਕਿ "ਬ੍ਰਿਟੇਨ ਵਿੱਚ ਹਿੰਦੂਆਂ ਪ੍ਰਤੀ ਨਫ਼ਰਤ ਲਈ ਬਿਲਕੁਲ ਕੋਈ ਥਾਂ ਨਹੀਂ ਹੈ"। ਇਹ ਉਹ ਸੰਦੇਸ਼ ਹੈ ਜੋ ਉਹ ਪਿਛਲੇ ਕੁਝ ਸਾਲਾਂ ਤੋਂ ਦੀਵਾਲੀ ਅਤੇ ਹੋਲੀ ਦੇ ਜਸ਼ਨਾਂ ਦੌਰਾਨ ਦੁਹਰਾਉਂਦਾ ਰਿਹਾ ਹੈ, ਜਿਸ ਵਿੱਚ ਲੇਬਰ ਪਾਰਟੀ ਨੂੰ 14 ਸਾਲਾਂ ਦੇ ਵਿਰੋਧ ਵਿੱਚ ਰਾਜ ਕਰਨ ਲਈ ਤਿਆਰ ਦੱਸਿਆ ਗਿਆ ਹੈ। ਰਾਜਨੀਤੀ ਵਿੱਚ ਆਉਣ ਤੋਂ ਪਹਿਲਾਂ ਸਟਾਰਮਰ ਨੇ ਕਾਨੂੰਨੀ ਪੇਸ਼ੇ ਵਿੱਚ ਲੰਮਾ ਸਮਾਂ ਬਿਤਾਇਆ। ਉਹ ਪਹਿਲੀ ਵਾਰ 2015 ਵਿੱਚ ਲੰਡਨ ਤੋਂ ਲੇਬਰ ਪਾਰਟੀ ਦੇ ਸੰਸਦ ਮੈਂਬਰ ਵਜੋਂ ਚੁਣੇ ਗਏ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਹੁਣ ਮਜ਼ਦੂਰ ਦਾ ਪੁੱਤਰ ਬਣੇਗਾ ਬ੍ਰਿਟੇਨ ਦਾ PM, ਜਾਣੋ ਕੌਣ ਹੈ ਕੀਰ ਸਟਾਰਮਰ?
ਸਟਾਰਮਰ ਅਤੇ ਉਸਦੀ ਪਤਨੀ ਨੇ ਆਪਣੇ ਦੋ ਕਿਸ਼ੋਰ ਬੱਚਿਆਂ ਨੂੰ ਰਾਜਨੀਤਿਕ ਚਮਕ ਤੋਂ ਦੂਰ ਰੱਖਿਆ ਹੈ। ਉਸਦੀ ਪਤਨੀ ਨੈਸ਼ਨਲ ਹੈਲਥ ਸਰਵਿਸ (NHS) ਵਿੱਚ ਕੰਮ ਕਰਦੀ ਹੈ। ਸਟਾਰਮਰ ਨੇ ਆਪਣੇ ਭਾਸ਼ਣ ਵਿੱਚ ਕਿਹਾ ਕਿ ਜਿਸ ਬਦਲਾਅ ਦਾ ਉਸਨੇ ਵਾਅਦਾ ਕੀਤਾ ਸੀ ਉਹ ਜਲਦੀ ਹੀ ਸ਼ੁਰੂ ਹੋ ਜਾਵੇਗਾ। ਲੰਡਨ ਵਿੱਚ ਇੱਕ ਟੂਲਮੇਕਰ ਪਿਤਾ ਅਤੇ ਇੱਕ NHS ਨਰਸ ਮਾਂ ਦੇ ਘਰ ਜਨਮੇ, ਸਟਾਰਮਰ ਨੇ ਆਪਣਾ ਜ਼ਿਆਦਾਤਰ ਜੀਵਨ ਔਕਸਟੇਡ, ਸਰੀ ਵਿੱਚ ਬਿਤਾਇਆ। ਉਹ ਆਪਣੀ ਮਾਂ ਬਾਰੇ ਆਪਣੇ ਭਾਸ਼ਣ ਵਿੱਚ ਭਾਵੁਕ ਵੀ ਨਜ਼ਰ ਆਏ, ਜੋ 2015 ਵਿੱਚ ਪਹਿਲੀ ਵਾਰ ਐਮਪੀ ਬਣਨ ਤੋਂ ਕੁਝ ਹਫ਼ਤੇ ਪਹਿਲਾਂ ਇਸ ਸੰਸਾਰ ਨੂੰ ਛੱਡ ਗਈ ਸੀ। ਸਟਾਰਮਰ, ਸਾਬਕਾ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਵਾਂਗ ਆਕਸਫੋਰਡ ਯੂਨੀਵਰਸਿਟੀ ਤੋਂ ਵੀ ਪੜ੍ਹ ਚੁੱਕੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=88
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪੁਲਸ ਨੇ ਹਿਰਾਸਤ 'ਚ ਲਏ IS ਨਾਲ ਜੁੜੇ 45 ਲੋਕ
NEXT STORY 
