ਅੰਤਰਰਾਸ਼ਟਰੀ ਡੈਸਕ : 'ਹੈਰੀ ਪੋਟਰ' 'ਚ ਭੂਤ ਦਾ ਕਿਰਦਾਰ ਨਿਭਾਉਣ ਵਾਲੇ ਬ੍ਰਿਟਿਸ਼ ਅਦਾਕਾਰ ਸਾਈਮਨ ਫਿਸ਼ਰ ਬੇਕਰ ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 63 ਸਾਲ ਦੀ ਉਮਰ 'ਚ ਆਖਰੀ ਸਾਹ ਲਿਆ। ਅਦਾਕਾਰ ਦੇ ਮੈਨੇਜਰ ਨੇ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ। ਇਹ ਖ਼ਬਰ ਸੁਣ ਕੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ 'ਚ ਸੋਗ ਦੀ ਲਹਿਰ ਹੈ।
ਸਾਈਮਨ ਫਿਸ਼ਰ ਬੇਕਰ ਦੀ ਮੌਤ 9 ਮਾਰਚ 2025 ਨੂੰ ਹੋਈ ਸੀ। ਉਨ੍ਹਾਂ ਦੇ ਏਜੰਟ ਕਿਮ ਬੈਰੀ ਨੇ ਇਕ ਬਿਆਨ ਜਾਰੀ ਕਰਕੇ ਉਨ੍ਹਾਂ ਨੂੰ ਇਸ ਦੁਖਦਾਈ ਖ਼ਬਰ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ, "ਅੱਜ ਮੈਂ ਸਾਈਮਨ ਫਿਸ਼ਰ ਬੇਕਰ ਨੂੰ ਗੁਆ ਦਿੱਤਾ, ਨਾ ਸਿਰਫ ਇੱਕ ਕਲਾਈਂਟ, ਬਲਕਿ 15 ਸਾਲਾਂ ਦਾ ਇੱਕ ਨਜ਼ਦੀਕੀ ਦੋਸਤ ਵੀ ਚਲਾ ਗਿਆ।" ਸਾਈਮਨ ਫਿਸ਼ਰ ਬੇਕਰ ਨੂੰ 'ਹੈਰੀ ਪੋਟਰ' ਫਿਲਮ ਵਿੱਚ ਦ ਫੈਟ ਫਰੀਅਰ ਦੀ ਭੂਮਿਕਾ ਲਈ ਸਭ ਤੋਂ ਵੱਧ ਜਾਣਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਉਹ ਬ੍ਰਿਟਿਸ਼ ਟੈਲੀਵਿਜ਼ਨ ਸੀਰੀਜ਼ 'ਡਾਕਟਰ ਹੂੰ' 'ਚ ਵੀ ਨਜ਼ਰ ਆਈ। ਸਾਈਮਨ ਦਾ ਜਨਮ 25 ਨਵੰਬਰ 1961 ਨੂੰ ਹੋਇਆ ਸੀ ਅਤੇ ਉਸਨੇ ਆਪਣੇ ਅਭਿਨੈ ਸਫ਼ਰ ਵਿੱਚ ਕਈ ਮਸ਼ਹੂਰ ਟੀਵੀ ਸੀਰੀਜ਼ ਅਤੇ ਫਿਲਮਾਂ ਵਿੱਚ ਕੰਮ ਕੀਤਾ ਹੈ।
ਇਹ ਵੀ ਪੜ੍ਹੋ : 'X 'ਤੇ ਹੋਇਆ ਸਾਈਬਰ ਹਮਲਾ', ਸੇਵਾਵਾਂ ਠੱਪ ਹੋਣ ਮਗਰੋਂ Elon Musk ਦਾ ਵੱਡਾ ਬਿਆਨ
ਸਾਈਮਨ ਦੀ ਮੌਤ ਤੋਂ ਬਾਅਦ ਉਸ ਦੇ ਸੋਸ਼ਲ ਮੀਡੀਆ ਅਕਾਊਂਟਸ ਨੂੰ ਕੁਝ ਦਿਨਾਂ ਲਈ ਐਕਟਿਵ ਰੱਖਿਆ ਜਾਵੇਗਾ, ਪਰ ਅਜੇ ਤੱਕ ਇਹ ਤੈਅ ਨਹੀਂ ਹੋਇਆ ਹੈ ਕਿ ਇਨ੍ਹਾਂ ਖਾਤਿਆਂ ਤੋਂ ਕੋਈ ਪੋਸਟ ਕੀਤੀ ਜਾਵੇਗੀ ਜਾਂ ਨਹੀਂ। ਉਨ੍ਹਾਂ ਦੇ ਪ੍ਰਸ਼ੰਸਕ ਅਤੇ ਨਜ਼ਦੀਕੀ ਸੋਸ਼ਲ ਮੀਡੀਆ 'ਤੇ ਇਸ ਦੁਖਦਾਈ ਖਬਰ 'ਤੇ ਸੋਗ ਪ੍ਰਗਟ ਕਰ ਰਹੇ ਹਨ ਅਤੇ ਉਨ੍ਹਾਂ ਦੀ ਆਤਮਾ ਦੀ ਸ਼ਾਂਤੀ ਲਈ ਅਰਦਾਸ ਕਰ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਭਗੌੜੇ ਲਲਿਤ ਮੋਦੀ ਦੀ ਵਾਨੂਆਟੂ ਦੀ ਨਾਗਰਿਕਤਾ ਰੱਦ, ਪਾਸਪੋਰਟ ਵੀ ਹੋਵੇਗਾ ਕੈਂਸਲ
NEXT STORY 
