ਬਿਜ਼ਨੈੱਸ ਡੈਸਕ : ਇਸ ਸਾਲ ਚੀਨ ਦੇ ਸ਼ੇਅਰ ਬਾਜ਼ਾਰ ਲਈ ਬਹੁਤ ਮਾੜੇ ਰਹੇ। ਚੀਨੀ ਸ਼ੇਅਰਾਂ ਦਾ CSI 300 ਸੂਚਕਾਂਕ 2023 ਵਿੱਚ ਹੁਣ ਤੱਕ 13 ਫ਼ੀਸਦੀ ਡਿੱਗ ਚੁੱਕਾ ਹੈ। ਕਿਸੇ ਸਮੇਂ ਚੀਨ ਵਿੱਚ ਪੈਸਾ ਲਗਾਉਣ ਲਈ ਆਉਣ ਵਾਲੇ ਵਿਦੇਸ਼ੀ ਨਿਵੇਸ਼ਕਾਂ ਵਿੱਚ ਦੌੜ ਮੱਚੀ ਸੀ। ਇੰਟਰਨੈਸ਼ਨਲ ਫਾਈਨਾਂਸ ਇੰਸਟੀਚਿਊਟ ਮੁਤਾਬਕ ਦੇਸ਼ ਦੇ ਸ਼ੇਅ ਅਤੇ ਬਾਂਡ ਬਾਜ਼ਾਰਾਂ 'ਚੋਂ ਲਗਾਤਾਰ ਪੰਜ ਤਿਮਾਹੀਆਂ ਤੋਂ ਪੈਸਾ ਬਾਹਰ ਜਾ ਰਿਹਾ ਹੈ। ਇਸ ਸਾਲ ਦੀ ਤੀਜੀ ਤਿਮਾਹੀ ਵਿੱਚ ਚੀਨ ਵਿੱਚ ਵਿਦੇਸ਼ੀ ਪ੍ਰਤੱਖ ਨਿਵੇਸ਼ ਪਹਿਲੀ ਵਾਰ ਨਕਾਰਾਤਮਕ ਰਿਹਾ। ਘਰੇਲੂ ਕੰਪਨੀਆਂ ਵੱਲੋਂ ਵਿਦੇਸ਼ਾਂ ਵਿੱਚ ਨਿਵੇਸ਼ ਕਰਨ ਦੇ ਵੀ ਸੰਕੇਤ ਮਿਲੇ ਹਨ। ਇਸ ਸਾਲ ਲਗਭਗ 41.50 ਲੱਖ ਕਰੋੜ ਰੁਪਏ ਚੀਨ ਤੋਂ ਬਾਹਰ ਗਏ ਹਨ।
ਇਹ ਵੀ ਪੜ੍ਹੋ - ਸੰਸਦ ਦੀ ਸੁਰੱਖਿਆ 'ਚ ਕੁਤਾਹੀ: ਥਰਮਲ ਇਮੇਜਿੰਗ, 360 ਡਿਗਰੀ ਰੋਟੇਟ CCTV ਕੈਮਰੇ, ਫਿਰ ਵੀ ਕਿਵੇਂ ਹੋਈ ਗ਼ਲਤੀ?
ਚੀਨ ਵਿੱਚ ਇਸ ਤੋਂ ਪਹਿਲਾਂ ਸਭ ਤੋਂ ਵੱਧ ਪੂੰਜੀ ਨਿਕਾਸ 2015-16 ਵਿੱਚ ਸੀ। ਸ਼ੇਅਰ ਮਾਰਕੀਟ ਡਿੱਗਣ ਤੋਂ ਬਾਅਦ ਮੁਦਰਾ ਦੇ ਮੁੱਲ ਵਿੱਚ ਇਸ ਦੀ ਸ਼ੁਰੂਆਤ ਗੋਈ ਸੀ। ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ ਕਿ 2015 'ਚ 83 ਲੱਖ ਕਰੋੜ ਰੁਪਏ ਦੇਸ਼ ਤੋਂ ਬਾਹਰ ਗਏ ਸਨ। ਉਸ ਸਮੇਂ ਕਈ ਦੇਸ਼ਾਂ ਨੇ ਚੀਨੀ ਪੂੰਜੀ ਦਾ ਖੁੱਲ੍ਹੇਆਮ ਸਵਾਗਤ ਕੀਤਾ ਸੀ। ਹੁਣ ਉਹ ਸ਼ੱਕ ਕਰ ਰਹੇ ਹਨ। ਇਸ ਲਈ ਚੀਨ ਦੇ ਕਾਨੂੰਨੀ ਅਤੇ ਗੈਰ-ਕਾਨੂੰਨੀ ਧਨ ਲਈ ਨਵੀਆਂ ਥਾਵਾਂ ਦੀ ਖੋਜ ਕੀਤੀ ਜਾ ਰਹੀ ਹੈ। ਚੀਨ ਦੇ ਨਿਵਾਸੀ ਹਾਂਗਕਾਂਗ ਵਿੱਚ ਵਪਾਰਕ ਬੀਮਾ ਪਾਲਿਸੀਆਂ ਖਰੀਦ ਸਕਦੇ ਹਨ।
ਇਹ ਵੀ ਪੜ੍ਹੋ - ਜਲਦੀ ਸਸਤਾ ਹੋ ਸਕਦਾ ਹੈ ਪੈਟਰੋਲ-ਡੀਜ਼ਲ! ਸਰਕਾਰ ਕਰ ਰਹੀ ਹੈ ਵੱਡੀ ਤਿਆਰੀ
ਇੱਕ ਵਾਰ ਵਿੱਚ ਪੰਜ ਹਜ਼ਾਰ ਡਾਲਰ ਨਿਵੇਸ਼ ਕਰਨ ਦੀ ਇਜਾਜ਼ਤ ਹੈ। ਇਸ ਸਾਲ ਦੇ ਪਹਿਲੇ ਨੌਂ ਮਹੀਨਿਆਂ ਵਿੱਚ ਹਾਂਗਕਾਂਗ ਵਿੱਚ ਚੀਨੀਆਂ ਨੂੰ 49 ਹਜ਼ਾਰ ਕਰੋੜ ਰੁਪਏ ਦੀਆਂ ਬੀਮਾ ਪਾਲਿਸੀਆਂ ਵੇਚੀਆਂ ਗਈਆਂ। ਇਹ 2019 ਦੀ ਇਸੇ ਮਿਆਦ ਨਾਲੋਂ 30 ਫ਼ੀਸਦੀ ਵੱਧ ਹੈ। ਨਿਵੇਸ਼ ਦੇ ਰਸਤੇ ਬੰਦ ਹਨ। ਅਕਤੂਬਰ ਵਿੱਚ ਚੀਨ ਨੇ ਘਰੇਲੂ ਦਲਾਲਾਂ ਨੂੰ ਸਥਾਨਕ ਲੋਕਾਂ ਦੁਆਰਾ ਵਿਦੇਸ਼ੀ ਨਿਵੇਸ਼ਾਂ ਨੂੰ ਸੰਭਾਲਣ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਹੁਣ ਕਈ ਦੇਸ਼ਾਂ ਨੇ ਚੀਨੀ ਨਿਵੇਸ਼ਕਾਂ ਲਈ ਦਰਵਾਜ਼ੇ ਬੰਦ ਕਰ ਦਿੱਤੇ ਹਨ। ਅਮਰੀਕਾ ਦੇ ਦਰਜਨਾਂ ਰਾਜਾਂ ਨੇ ਵਿਦੇਸ਼ਾਂ 'ਚ ਰਹਿਣ ਵਾਲੇ ਵਿਦੇਸ਼ੀਆਂ 'ਤੇ ਜ਼ਮੀਨ ਅਤੇ ਜਾਇਦਾਦ ਖਰੀਦਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ।
ਇਹ ਵੀ ਪੜ੍ਹੋ - ਬੈਂਕ ਮੁਲਾਜ਼ਮਾਂ ਨੂੰ ਹੁਣ 17 ਫ਼ੀਸਦੀ ਵਧ ਕੇ ਮਿਲੇਗੀ ਤਨਖ਼ਾਹ, ਪੈਨਸ਼ਨਧਾਰਕਾਂ ਨੂੰ ਵੀ ਮਿਲੀ ਖ਼ੁਸ਼ਖ਼ਬਰੀ
ਚੀਨੀ ਖਰੀਦਦਾਰਾਂ ਨੇ ਮਾਰਚ ਤੱਕ ਅਮਰੀਕੀ ਸੰਪਤੀਆਂ ਨੂੰ ਖਰੀਦਣ 'ਤੇ 1.12 ਲੱਖ ਕਰੋੜ ਰੁਪਏ ਖ਼ਰਚ ਕੀਤੇ ਹਨ। ਇਹ 2016-17 ਦੀ ਇਸੇ ਮਿਆਦ ਦੇ ਮੁਕਾਬਲੇ ਅੱਧਾ ਹੈ। ਗੈਰ-ਨਿਵਾਸੀਆਂ ਨੂੰ ਕੈਨੇਡਾ ਵਿੱਚ ਰੀਅਲ ਅਸਟੇਟ ਖਰੀਦਣ 'ਤੇ ਵੀ ਪਾਬੰਦੀ ਹੈ। ਕਈ ਯੂਰਪੀਅਨ ਦੇਸ਼ਾਂ ਵਿੱਚ ਨਿਵੇਸ਼ ਯੋਜਨਾਵਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ ਚੀਨੀ ਪੂੰਜੀ ਹਾਂਗਕਾਂਗ ਰਾਹੀਂ ਬਾਹਰੀ ਦੁਨੀਆ ਵਿੱਚ ਜਾ ਸਕਦੀ ਹੈ। ਹਾਂਗਕਾਂਗ ਵਿੱਚ ਰਾਜਨੀਤਿਕ ਦਮਨ ਤੋਂ ਬਾਅਦ ਅਮੀਰ ਚੀਨੀਆਂ ਦੀ ਖਿੱਚ ਘੱਟ ਗਈ ਹੈ। ਇਸ ਕਾਰਨ ਸਿੰਗਾਪੁਰ ਦੀ ਮਹੱਤਤਾ ਵਧ ਗਈ ਹੈ। ਗੋਲਡਮੈਨ ਸਾਕਸ ਬੈਂਕ ਦੇ ਵਿਸ਼ਲੇਸ਼ਕ ਕਹਿੰਦੇ ਹਨ। ਚੀਨ ਤੋਂ ਵੱਡੇ ਪੱਧਰ 'ਤੇ ਅਣਐਲਾਨੀ ਪੂੰਜੀ ਬਾਹਰ ਜਾਣ ਦੇ ਸੰਕੇਤ ਹਨ।
ਇਹ ਵੀ ਪੜ੍ਹੋ - ਪਹਿਲੀ ਵਾਰ ਐਨਾ ਮਹਿੰਗਾ ਹੋਇਆ ਸੋਨਾ, ਤੋੜੇ ਸਾਰੇ ਰਿਕਾਰਡ, ਜਾਣੋ ਤਾਜ਼ਾ ਭਾਅ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦੱਖਣੀ ਗਾਜ਼ਾ 'ਚ ਸਕੂਲ 'ਤੇ ਇਜ਼ਰਾਈਲੀ ਹਮਲੇ 'ਚ ਅਲ ਜਜ਼ੀਰਾ ਦੇ ਕੈਮਰਾਮੈਨ ਦੀ ਮੌਤ, 1 ਪੱਤਰਕਾਰ ਜ਼ਖ਼ਮੀ
NEXT STORY 
