ਇੰਟਰਨੈਸ਼ਨਲ ਡੈਸਕ: ਕੈਨੇਡਾ ਵਿੱਚ ਇਨੀਂ ਦਿਨੀਂ 'ਰੀ-ਬਰਥਡੇ' (Rebirthday) ਦਾ ਇੱਕ ਨਵਾਂ ਅਤੇ ਬੇਹੱਦ ਦਿਲਚਸਪ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਟਰੈਂਡ ਤਹਿਤ ਲੋਕ ਆਪਣੀ ਅਸਲੀ ਜਨਮ ਮਿਤੀ ਤੋਂ ਇਲਾਵਾ ਆਪਣੀ ਪਸੰਦ ਦਾ ਇੱਕ ਨਵਾਂ ਦਿਨ ਚੁਣ ਰਹੇ ਹਨ, ਜਿਸ ਨੂੰ ਉਹ 'ਦੂਜੇ ਜਨਮਦਿਨ' ਵਜੋਂ ਪੂਰੇ ਉਤਸ਼ਾਹ ਨਾਲ ਮਨਾਉਂਦੇ ਹਨ।
ਸਰੋਤਾਂ ਅਨੁਸਾਰ ਇਸ ਰੁਝਾਨ ਨੂੰ ਅਪਨਾਉਣ ਦੇ ਪਿੱਛੇ ਕਈ ਦਿਲਚਸਪ ਕਾਰਨ ਹਨ। ਕਈ ਲੋਕ ਸਿਰਫ਼ ਇਸ ਲਈ ਆਪਣਾ ਜਨਮਦਿਨ ਬਦਲ ਰਹੇ ਹਨ ਤਾਂ ਜੋ ਉਹ ਬਿਹਤਰ ਮੌਸਮ ਵਿੱਚ ਜਸ਼ਨ ਮਨਾ ਸਕਣ। ਉਦਾਹਰਨ ਵਜੋਂ ਓਟਾਵਾ ਦੀ ਕੈਥੀ ਬ੍ਰੇਡੇਕ ਦਾ ਜਨਮ ਜਨਵਰੀ ਦੀ ਕੜਾਕੇ ਦੀ ਸਰਦੀ ਵਿੱਚ ਹੁੰਦਾ ਸੀ, ਜਿਸ ਕਾਰਨ ਕੋਈ ਪਾਰਟੀ ਨਹੀਂ ਹੋ ਪਾਉਂਦੀ ਸੀ। ਉਸ ਨੇ 40 ਸਾਲ ਦੀ ਉਮਰ ਵਿੱਚ ਆਪਣਾ ਜਨਮਦਿਨ ਅਗਸਤ ਦੇ ਮਹੀਨੇ ਮਨਾਉਣਾ ਸ਼ੁਰੂ ਕਰ ਦਿੱਤਾ ਤਾਂ ਜੋ ਉਹ ਗਰਮੀਆਂ ਦੇ ਮੌਸਮ ਵਿੱਚ ਲੋਕਾਂ ਨਾਲ ਮਿਲ ਕੇ ਖੁੱਲ੍ਹ ਕੇ ਜਸ਼ਨ ਮਨਾ ਸਕੇ।
ਕੁਝ ਲੋਕਾਂ ਲਈ 'ਰੀ-ਬਰਥਡੇ' ਮਹਿਜ਼ ਇੱਕ ਪਾਰਟੀ ਨਹੀਂ, ਸਗੋਂ ਜ਼ਿੰਦਗੀ ਦੇ ਮੁਸ਼ਕਲ ਦੌਰ 'ਤੇ ਜਿੱਤ ਦਾ ਜਸ਼ਨ ਹੈ। ਟੋਰਾਂਟੋ ਦੀ ਜਾਹਨਿਸ ਗਿਲਨ ਨੇ ਕੈਂਸਰ ਨੂੰ ਮਾਤ ਦੇਣ ਤੋਂ ਬਾਅਦ ਉਸ ਦਿਨ ਨੂੰ ਆਪਣਾ 'ਰੀ-ਬਰਥਡੇ' ਮੰਨਣਾ ਸ਼ੁਰੂ ਕਰ ਦਿੱਤਾ, ਜਿਸ ਦਿਨ ਉਸ ਦਾ ਸਟੈਮ ਸੈੱਲ ਟ੍ਰਾਂਸਪਲਾਂਟ ਹੋਇਆ ਸੀ। ਇਸੇ ਤਰ੍ਹਾਂ, ਓਟਵਾ ਦੀ ਨਤਾਲੀ ਮੂਰਸ ਉਸ ਦਿਨ ਨੂੰ ਆਪਣਾ ਨਵਾਂ ਜਨਮਦਿਨ ਮਨਾਉਂਦੀ ਹੈ ਜਦੋਂ ਉਸ ਨੇ ਆਪਣੀ ਅਸਲੀ ਪਛਾਣ (ਟ੍ਰਾਂਸਜੈਂਡਰ) ਨੂੰ ਜਨਤਕ ਤੌਰ 'ਤੇ ਸਵੀਕਾਰ ਕੀਤਾ ਸੀ।
ਕਾਨੂੰਨੀ ਬਦਲਾਅ ਨਹੀਂ, ਸਿਰਫ਼ ਇੱਕ ਅਹਿਸਾਸ
ਮਾਹਿਰਾਂ ਦਾ ਕਹਿਣਾ ਹੈ ਕਿ ਭਾਵੇਂ ਕਾਨੂੰਨੀ ਤੌਰ 'ਤੇ ਕੋਈ ਆਪਣੀ ਜਨਮ ਮਿਤੀ ਨਹੀਂ ਬਦਲ ਸਕਦਾ, ਪਰ 'ਰੀ-ਬਰਥਡੇ' ਦਾ ਇਹ ਟਰੈਂਡ ਲੋਕਾਂ ਨੂੰ ਆਪਣੀ ਜ਼ਿੰਦਗੀ ਦੇ ਅਹਿਮ ਪੜਾਵਾਂ ਅਤੇ ਪ੍ਰਾਪਤੀਆਂ ਨੂੰ ਆਪਣੇ ਤਰੀਕੇ ਨਾਲ ਸੈਲੀਬ੍ਰੇਟ ਕਰਨ ਦਾ ਮੌਕਾ ਦਿੰਦਾ ਹੈ। ਇਹ ਲੋਕਾਂ ਨੂੰ ਆਪਣੀ ਪਛਾਣ ਅਤੇ ਜੀਵਨ ਦੇ ਨਵੇਂ ਅਧਿਆਏ ਨੂੰ ਯਾਦਗਾਰ ਬਣਾਉਣ ਵਿੱਚ ਮਦਦ ਕਰ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਟਰੰਪ ਦੀ ਵੱਡੀ ਕਾਰਵਾਈ, ਹੁਣ ਇਸ ਦੇਸ਼ ਦੇ ਰਾਸ਼ਟਰਪਤੀ ਸਣੇ ਕਈ ਵਿਅਕਤੀਆਂ 'ਤੇ ਲਾਈਆਂ ਪਾਬੰਦੀਆਂ
NEXT STORY 
