ਕਾਠਮੰਡੂ : ਨੇਪਾਲ ਪੁਲਸ ਨੇ ਦੋ ਭਾਰਤੀ ਨਾਗਰਿਕਾਂ ਨੂੰ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ 'ਚ ਸ਼ਾਮਲ ਹੋਣ ਦੇ ਦੋਸ਼ 'ਚ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਨੇ ਦੱਸਿਆ ਕਿ ਬਿਹਾਰ ਦੇ ਕਿਸ਼ਨਗੰਜ ਤੋਂ 38 ਸਾਲਾ ਜਮਕੋਦ ਖਾਨ ਨੂੰ ਸੋਮਵਾਰ (14 ਅਕਤੂਬਰ, 2024) ਨੂੰ ਉਸਦੇ 18 ਸਾਲਾ ਬੇਟੇ ਕਿਸ਼ੋਰ ਸਮੇਤ ਝਪਾ ਜ਼ਿਲ੍ਹੇ ਦੀ ਭਦਰਪੁਰ ਨਗਰਪਾਲਿਕਾ ਦੇ ਇੱਕ ਹੋਟਲ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ।
ਪੁਲਸ ਨੇ ਕਥਿਤ ਤੌਰ 'ਤੇ ਪਿਓ-ਪੁੱਤ ਤੋਂ 52 ਗ੍ਰਾਮ ਅਤੇ 290 ਮਿਲੀਗ੍ਰਾਮ ਬ੍ਰਾਊਨ ਸ਼ੂਗਰ ਬਰਾਮਦ ਕੀਤੀ ਹੈ। ਇਸ ਤੋਂ ਇਲਾਵਾ ਦੋ ਵੱਖ-ਵੱਖ ਘਟਨਾਵਾਂ ਵਿਚ ਪੁਲਸ ਨੇ ਕੈਲੀ ਜ਼ਿਲ੍ਹੇ ਤੋਂ ਦੋ ਸਥਾਨਕ ਲੋਕਾਂ ਨੂੰ ਨਸ਼ਾ ਤਸਕਰੀ ਵਿਚ ਕਾਬੂ ਕੀਤਾ ਹੈ। ਸਹਿਦੇਵ ਭੰਡਾਰਾਈ ਨੂੰ ਕੈਲਾਲੀ ਜ਼ਿਲ੍ਹੇ ਦੀ ਗੋਦਾਵਰੀ ਨਗਰਪਾਲਿਕਾ ਤੋਂ 545 ਗ੍ਰਾਮ ਹਸ਼ੀਸ਼ ਸਮੇਤ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਪ੍ਰਕਾਸ਼ ਰਾਣਾ ਨੂੰ ਮੰਗਲਵਾਰ (15 ਅਕਤੂਬਰ, 2024) ਨੂੰ 180 ਮਿਲੀਗ੍ਰਾਮ ਬਰਾਊਨ ਸ਼ੂਗਰ ਸਮੇਤ ਕੈਲਾਲੀ ਦੇ ਧਨਗੜੀ ਸ਼ਹਿਰ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ।
ਨੇਪਾਲ ਨੇ ਲੇਬਨਾਨ 'ਚ ਸੰਯੁਕਤ ਰਾਸ਼ਟਰ ਸ਼ਾਂਤੀ ਰੱਖਿਅਕਾਂ 'ਤੇ ਇਜ਼ਰਾਈਲ ਦੇ ਹਮਲੇ ਦੀ ਕੀਤੀ ਨਿੰਦਾ
NEXT STORY 
