ਲੰਡਨ (ਆਈ.ਏ.ਐੱਨ.ਐੱਸ.): ਬ੍ਰਿਟੇਨ ਦੀ ਅਦਾਲਤ ਨੇ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦੇ ਦੋਸ਼ ਵਿੱਚ 25 ਸਾਲਾ ਸਿੱਖ ਵਿਅਕਤੀ ਨੂੰ ਜੁਰਮਾਨਾ ਅਤੇ 22 ਮਹੀਨਿਆਂ ਲਈ ਡਰਾਈਵਿੰਗ ਕਰਨ ’ਤੇ ਪਾਬੰਦੀ ਲਗਾਈ ਹੈ।ਡਰਬੀਸ਼ਾਇਰ ਲਾਈਵ ਨੇ ਰਿਪੋਰਟ ਕੀਤੀ ਕਿ ਪਿਛਲੇ ਸਾਲ ਨਵੰਬਰ ਵਿੱਚ ਡਰਬੀਸ਼ਾਇਰ ਟਾਊਨ ਵਿੱਚ ਲੇਨਾਂ ਵਿੱਚ ਘੁੰਮਦੇ ਹੋਏ ਪੁਲਸ ਨੂੰ ਸੁਖਪ੍ਰੀਤ ਸਿੰਘ ਦੀ ਕਾਰ ਵਿੱਚੋਂ ਸ਼ਰਾਬ ਦੇ ਖੁੱਲ੍ਹੇ ਕੈਨ ਮਿਲੇ ਸਨ।ਦੱਖਣੀ ਡਰਬੀਸ਼ਾਇਰ ਮੈਜਿਸਟ੍ਰੇਟ ਦੀ ਅਦਾਲਤ ਨੂੰ ਦੱਸਿਆ ਗਿਆ ਕਿ ਇੱਕ ਪਿੱਜ਼ਾ ਹੱਟ ਵਰਕਰ ਅਤੇ ਹਾਇਰ ਅਲਬਰਟ ਸਟਰੀਟ, ਚੈਸਟਰਫੀਲਡ ਦਾ ਨਿਵਾਸੀ ਸਿੰਘ ਬਿਨਾਂ ਲਾਇਸੈਂਸ ਦੇ ਡਰਾਈਵਿੰਗ ਕਰ ਰਿਹਾ ਸੀ।
ਸਰਕਾਰੀ ਵਕੀਲ ਬੇਕੀ ਐਲਸੋਪ ਦੇ ਅਨੁਸਾਰ ਇੱਕ ਗਵਾਹ ਨੇ ਦੱਸਿਆ ਕਿ ਸਿੰਘ ਦੀ ਕਾਰ ਸੜਕ ਦੇ ਵਿਚਕਾਰ ਜ਼ਿਗ-ਜ਼ੈਗ ਲਾਈਨਾਂ ਦੇ ਅੰਦਰ ਅਤੇ ਬਾਹਰ ਘੁੰਮ ਰਹੀ ਸੀ, ਅਤੇ ਉਲਟ ਦਿਸ਼ਾ ਵਿੱਚ ਜਾਣ ਵਾਲੇ ਵਾਹਨਾਂ ਨੂੰ ਉਸ ਵੱਲ ਆਪਣੀਆਂ ਲਾਈਟਾਂ ਜਗਾਉਣੀਆਂ ਪਈਆਂ।ਗਵਾਹ ਜੋ ਡਰਾਈਵਰ ਸੀ, ਸਿੰਘ ਦੀ ਕਾਰ ਦਾ ਪਿੱਛਾ ਕਰ ਰਿਹਾ ਸੀ ਅਤੇ ਉਸ ਨੇ ਪੁਲਸ ਨੂੰ ਸੂਚਨਾ ਦਿੱਤੀ ਸੀ।ਰਿਪੋਰਟ ਵਿਚ ਕਿਹਾ ਗਿਆ ਕਿ ਗਵਾਹ ਨੇ ਦੱਸਿਆ ਕਿ ਵਾਹਨ ਬਿਨਾਂ ਕਿਸੇ ਕਾਰਨ ਦੇ ਸੜਕ ਦੇ ਵਿਚਕਾਰ ਰੁਕ ਗਿਆ ਅਤੇ ਫਿਰ ਦੁਬਾਰਾ ਚਲਾ ਗਿਆ, ਫਿਰ ਵੀ ਸੜਕ ਤੋਂ ਹੇਠਾਂ ਵੱਲ ਘੁੰਮਦਾ ਰਿਹਾ।ਡਰਬੀਸ਼ਾਇਰ ਲਾਈਵ ਵਿੱਚ ਐਲਸੌਪ ਦੇ ਹਵਾਲੇ ਨਾਲ ਕਿਹਾ ਗਿਆ ਕਿ "ਜਿਸ ਸੜਕ 'ਤੇ ਉਹ ਮੁੜਿਆ, ਉਸ ਵਿੱਚ ਹਰ ਦਿਸ਼ਾ ਵਿੱਚ ਦੋ ਲੇਨ ਸਨ ਅਤੇ ਸਿੰਘ ਨੇ ਦੋਵੇਂ ਕੈਰੇਜਵੇਅ ਪਾਰ ਕੀਤੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਨਿਊਜ਼ੀਲੈਂਡ ਤੋਂ ਆਸਟ੍ਰੇਲੀਆ ਜਾਣ ਵਾਲੀ ਫਲਾਈਟ ਦੀ ਐਮਰਜੈਂਸੀ ਲੈਂਡਿੰਗ
ਇਸ ਦੇ ਨਾਲ ਹੀ ਅਦਾਲਤ ਨੂੰ ਦੱਸਿਆ ਗਿਆ ਕਿ ਜਾਂਚ ਦੌਰਾਨ ਸਿੰਘ ਦੇ ਸਾਹ ਦੇ 100 ਮਿਲੀਲੀਟਰ ਵਿੱਚ 77 ਮਾਈਕ੍ਰੋਗ੍ਰਾਮ ਅਲਕੋਹਲ ਪਾਈ ਗਈ - ਜੋ ਕਿ 35 ਦੀ ਕਾਨੂੰਨੀ ਸੀਮਾ ਤੋਂ ਲਗਭਗ ਦੁੱਗਣੀ ਹੈ।ਸਾਜਿਦ ਮਜੀਦ ਨੇ ਕਿਹਾ ਕਿ ਸਿੰਘ ਨੇ ਦੋਸ਼ ਕਬੂਲ ਕਰ ਲਿਆ ਹੈ ਅਤੇ ਪਹਿਲਾਂ ਤੋਂ ਉਸ 'ਤੇ ਕਿਸੇ ਵੀ ਤਰ੍ਹਾਂ ਦਾ ਕੋਈ ਦੋਸ਼ ਨਹੀਂ ਸੀ।ਮਜੀਦ ਨੇ ਅਦਾਲਤ ਨੂੰ ਦੱਸਿਆ ਕਿ ਉਸ ਦਾ ਕਲਾਈਂਟ ਭਾਰਤ ਤੋਂ ਆਪਣੀ ਪਤਨੀ ਨਾਲ ਬ੍ਰਿਟੇਨ ਆਇਆ ਸੀ ਅਤੇ ਆਪਣੇ ਬਜ਼ੁਰਗ ਮਾਤਾ-ਪਿਤਾ ਦੀਆਂ ਵਿੱਤੀ ਲੋੜਾਂ ਦਾ ਧਿਆਨ ਰੱਖਦਾ ਹੈ।ਇਸ ਲਈ ਅਦਾਲਤ ਨੇ ਸਿੰਘ ਨੂੰ 250 ਪੌਂਡ ਦਾ ਜੁਰਮਾਨਾ ਕੀਤਾ, ਜਿਸ ਵਿਚ ਉਸਨੂੰ 85 ਪੌਂਡ ਦੀ ਲਾਗਤ, 100 ਪੌਂਡ ਪੀੜਤ ਸਰਚਾਰਜ ਦਾ ਭੁਗਤਾਨ ਕਰਨ ਦਾ ਆਦੇਸ਼ ਦਿੱਤਾ।ਰਿਪੋਰਟ ਵਿਚ ਕਿਹਾ ਗਿਆ ਕਿ ਡਰਿੰਕ-ਡਰਾਈਵ ਜਾਗਰੂਕਤਾ ਕੋਰਸ ਦੇ ਸਫਲਤਾਪੂਰਵਕ ਮੁਕੰਮਲ ਹੋਣ 'ਤੇ ਪਾਬੰਦੀ 25 ਪ੍ਰਤੀਸ਼ਤ ਤੱਕ ਘਟਾਈ ਜਾਵੇਗੀ, ਜਿਸ ਲਈ ਸਿੰਘ ਨੇ ਸਹਿਮਤੀ ਦੇ ਦਿੱਤੀ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤੀ-ਅਮਰੀਕੀ ਕ੍ਰਿਸ਼ਨਾ ਵਵਿਲਾਲਾ MLK ਗ੍ਰਾਂਡੇ ਪਰੇਡ ਵਿਸ਼ੇਸ਼ ਪੁਰਸਕਾਰ ਨਾਲ ਸਨਮਾਨਿਤ
NEXT STORY 
