ਲੰਡਨ (ਭਾਸ਼ਾ) - ਬ੍ਰਿਟਿਸ਼ ਪੁਲਸ ਨੇ ਸ਼ੁੱਕਰਵਾਰ ਨੂੰ ਦੱਖਣ-ਪੂਰਬੀ ਇੰਗਲੈਂਡ ਦੇ ਇਕ ਸ਼ਹਿਰ ਵਿਚ 10 ਸਾਲਾ ਬੱਚੀ ਦੇ ਕਤਲ ਦੀ ਜਾਂਚ ਵਿਚ ਅੰਤਰਰਾਸ਼ਟਰੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਪੁਲਸ ਘਟਨਾ ਨਾਲ ਜੁੜੇ ਲੋਕਾਂ ਵਿਚ ਬੱਚੀ ਦੇ ਪਾਕਿਸਤਾਨੀ ਪਿਤਾ, ਉਸ ਦੀ ਮਹਿਲਾ ਸਾਥੀ ਅਤੇ ਉਸ ਦੇ ਭਰਾ ਨੂੰ ਲੱਭ ਰਹੀ ਹੈ। ਬ੍ਰਿਟਿਸ਼ ਪੁਲਸ ਨੇ ਕਿਹਾ ਕਿ ਉਹ ਉਰਫਾਨ ਸ਼ਰੀਫ (41), ਬੇਨਾਸ਼ ਬਤੂਲ (29) ਅਤੇ ਫੈਜ਼ਲ ਸ਼ਹਿਜਾਦ ਮਲਿਕ (28) ਨਾਲ ਗੱਲ ਕਰਨਾ ਚਾਹੁੰਦੇ ਹਨ।
ਇਹ ਵੀ ਪੜ੍ਹੋ : ਕੈਨੇਡਾ ਦੇ ਜੰਗਲਾਂ 'ਚ ਲੱਗੀ ਭਿਆਨਕ ਅੱਗ, ਸਰਕਾਰ ਨੇ META ਤੋਂ ਕੀਤੀ ਨਿਊਜ਼ ਬੈਨ ਹਟਾਉਣ ਦੀ ਮੰਗ
ਅਧਿਕਾਰੀ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ 10 ਸਾਲਾ ਸਾਰਾ ਸ਼ਰੀਫ ਨਾਲ ਕੀ ਹੋਇਆ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਤਿੰਨਾਂ ਨੇ ਇਕ ਤੋਂ 13 ਸਾਲ ਦੀ ਉਮਰ ਦੇ 5 ਹੋਰ ਬੱਚਿਆਂ ਨਾਲ 9 ਅਗਸਤ ਨੂੰ ਇਸਲਾਮਾਬਾਦ ਦੀ ਯਾਤਰਾ ਕੀਤੀ ਸੀ। ਪੁਲਸ ਨੂੰ 10 ਅਗਸਤ ਨੂੰ 999 'ਤੇ ਐਮਰਜੈਂਸੀ ਫੋਨ ਦੇ ਬਾਅਦ ਇੰਗਲੈਂਡ ਦੇ ਸਰੀ ਦੇ ਵੋਕਿੰਗ ਵਿਚ ਇਕ ਰਿਹਾਇਸ਼ੀ ਪਤੇ 'ਤੇ ਸਾਰਾ ਸ਼ਰੀਫ ਦੀ ਲਾਸ਼ ਮਿਲੀ ਸੀ। ਇਹ ਫੋਨ ਇਕ ਵਿਅਕਤੀ ਨੇ ਕੀਤਾ ਸੀ, ਜੋ ਖ਼ੁਦ ਨੂੰ ਬੱਚੀ ਦੀ ਪਿਤਾ ਦੱਸ ਰਿਹਾ ਸੀ ਅਤੇ ਪਾਕਿਸਤਾਨ ਵਿਚ ਸੀ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਹੜ੍ਹਾਂ ਦੌਰਾਨ ਚਿੰਤਾ ਭਰੀ ਖ਼ਬਰ, ਹਿਮਾਚਲ 'ਚ ਮੋਹਲੇਧਾਰ ਮੀਂਹ ਦੀ ਚਿਤਾਵਨੀ, 'ਯੈਲੋ ਅਲਰਟ' ਜਾਰੀ
ਸਰੀ ਪੁਲਸ ਅਤੇ ਸਸੇਕਸ ਪੁਲਸ ਦੀ ਮੇਜਰ ਕ੍ਰਾਈਮ ਟੀਮ ਦੇ ਸੁਪਰਡੈਂਟ ਮਾਰਕ ਚੈਪਮੈਨ ਨੇ ਦੱਸਿਆ ਕਿ ਉਹ ਤਿੰਨਾਂ ਸ਼ੱਕੀ ਅਪਰਾਧੀਆਂ ਤੋਂ ਪੁੱਛਗਿੱਛ ਕਰਨਾ ਚਾਹੁੰਦੇ ਹਨ, ਜਿਸ ਲਈ ਉਨ੍ਹਾਂ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਗਈ ਹੈ। ਉਥੇ ਹੀ ਸਾਰਾ ਦੀ ਮ੍ਰਿਤਕ ਦੇਹ ਦਾ ਪੋਸਟਮਾਰਟਮ ਕੀਤਾ ਗਿਆ ਪਰ ਇਸ ਦੌਰਾਨ ਮੌਤ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਇਸ ਸਬੰਧੀ ਹੋਰ ਵੀ ਕਈ ਤਰ੍ਹਾਂ ਦੇ ਟੈਸਟ ਕੀਤੇ ਜਾ ਰਹੇ ਹਨ। ਜਾਂਚ ਟੀਮ ਨੇ ਦੱਸਿਆ ਕਿ ਸਰੀਰ 'ਤੇ ਕਈ ਸੱਟਾਂ ਦੇ ਨਿਸ਼ਾਨ ਸਨ, ਜੋ ਵੱਖ-ਵੱਖ ਸਮੇਂ 'ਤੇ ਲੱਗੀ ਸੀ। ਮੰਨਿਆ ਜਾਂਦਾ ਹੈ ਕਿ ਸਾਰਾ ਆਪਣੇ ਪਿਤਾ ਅਤੇ ਮਤਰੇਈ ਮਾਂ ਬਤੂਲ ਦੇ ਨਾਲ ਉਸ ਪਤੇ 'ਤੇ ਰਹਿੰਦੀ ਸੀ ਜਿੱਥੇ ਉਸ ਦਾ ਕਤਲ ਕੀਤਾ ਗਿਆ ਸੀ। ਪੁਲਸ ਨੇ ਕਿਹਾ ਕਿ ਉਸਦੀ ਆਪਣੀ ਮਾਂ ਨੂੰ ਇਸ ਘਟਨਾ ਸਬੰਧੀ ਸੂਚਿਤ ਕਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ: ਜਹਾਜ਼ 'ਚ ਸਵਾਰ ਸਨ 271 ਯਾਤਰੀ, ਅਚਾਨਕ ਦਿਲ ਦੇ ਦੌਰੇ ਕਾਰਨ ਪਾਇਲਟ ਦੀ ਮੌਤ, ਜਾਣੋ ਫਿਰ ਕੀ ਹੋਇਆ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਗੁਪਤ ਦਸਤਾਵੇਜ਼ ਮਾਮਲੇ ’ਚ ਇਮਰਾਨ ਵਿਰੁੱਧ ਕੇਸ ਦਰਜ, ਹੋ ਸਕਦੀ ਹੈ 14 ਸਾਲ ਦੀ ਕੈਦ ਜਾਂ ਮੌਤ ਦੀ ਸਜ਼ਾ
NEXT STORY 
