ਬੀਜਿੰਗ — ਅਮਰੀਕਾ ਅਤੇ ਚੀਨ ਵਿਚਾਲੇ ਰਿਸ਼ਤਿਆਂ 'ਚ ਵਧਦੀ ਖਟਾਸ ਖਤਮ ਹੋਣ ਦੀ ਬਜਾਏ ਹੋਰ ਵਧਦੀ ਹੀ ਜਾ ਰਹੀ ਹੈ। ਅਮਰੀਕਾ ਵੱਲੋਂ ਲਾਈਆਂ ਗਈਆਂ ਪਾਬੰਦੀਆਂ ਖਿਲਾਫ ਆਵਾਜ਼ ਚੁੱਕਦੇ ਹੋਏ ਹੁਣ ਚੀਨ ਨੇ ਅਮਰੀਕੀ ਦੂਤ ਨੂੰ ਤਲਬ ਕੀਤਾ ਹੈ। ਚੀਨ ਨੇ ਰੂਸ ਤੋਂ ਆਧੁਨਿਕ ਲੜਾਕੂ ਜਹਾਜ਼ ਅਤੇ ਮਿਜ਼ਾਇਲ ਸਿਸਟਮ ਦੀ ਖਰੀਦਾਰੀ ਲਈ ਚੀਨੀ ਫੌਜ ਯੂਨਿਟਾਂ 'ਤੇ ਅਮਰੀਕਾ ਵੱਲੋਂ ਲਾਈਆਂ ਗਈਆਂ ਪਾਬੰਦੀਆਂ 'ਤੇ ਆਪਣਾ ਅਧਿਕਾਰਕ ਵਿਰੋਧ ਜਤਾਇਆ ਹੈ।
ਇਸ ਦੇ ਲਈ ਚੀਨ ਨੇ ਸ਼ਨੀਵਾਰ ਨੂੰ ਅਮਰੀਕੀ ਰਾਜਦੂਤ ਨੂੰ ਤਲਬ ਕੀਤਾ। ਚੀਨ ਨੇ ਦੁਨੀਆ ਦੀਆਂ 2 ਵੱਡੀਆਂ ਅਰਥਵਿਵਸਥਾ ਵਿਚਾਲੇ ਵਧਦੇ ਕਾਰੋਬਾਰੀ ਟਕਰਾਅ ਨੂੰ ਖਤਮ ਕਰਨ ਲਈ ਉਪ ਪ੍ਰਧਾਨ ਮੰਤਰੀ ਲਿਓ ਹੇ ਨੂੰ ਵਾਸ਼ਿੰਗਟਨ ਭੇਜਣ ਦੇ ਪ੍ਰੋਗਰਾਮ ਨੂੰ ਵੀ ਕਥਿਤ ਤੌਰ 'ਤੇ ਰੱਦ ਕਰ ਦਿੱਤਾ ਹੈ।
ਅਧਿਕਾਰਕ ਮੀਡੀਆ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਚੀਨੀ ਫੌਜ ਦੇ ਉਪਕਰਣ ਵਿਕਾਸ ਵਿਭਾਗ ਅਤੇ ਇਸ ਦੇ ਡਾਇਰੈਕਟਰ 'ਤੇ ਅਮਰੀਕੀ ਪਾਬੰਦੀ ਖਿਲਾਫ ਚੀਨੀ ਵਿਦੇਸ਼ ਮੰਤਰਾਲੇ ਨੇ ਅਮਰੀਕੀ ਰਾਜਦੂਤ ਨੂੰ ਸੰਮਨ ਭੇਜਿਆ ਹੈ। ਅਮਰੀਕੀ ਵਿਦੇਸ਼ ਵਿਭਾਗ ਨੇ ਵੀਰਵਾਰ ਨੂੰ ਕਿਹਾ ਸੀ ਕਿ ਰੂਸ ਦੇ ਮੁੱਖ ਹਥਿਆਰ ਦਰਾਮਦ ਨਾਲ ਅਹਿਮ ਲੈਣ-ਦੇਣ ਕਾਰਨ ਉਹ ਚੀਨੀ ਫੌਜ ਦੇ ਉਪਕਰਣ ਵਿਕਾਸ ਵਿਭਾਗ ਅਤੇ ਉਸ ਦੇ ਡਾਇਰੈਕਟਰ ਲੀ ਸ਼ਾਂਗਫੂ 'ਤੇ ਤੁਰੰਤ ਪਾਬੰਦੀ ਲਾਵੇਗਾ।
ਚੀਨ ਨੇ ਪਾਬੰਦੀ ਖਿਲਾਫ ਵਿਰੋਧ ਜਤਾਉਣ ਲਈ ਅਮਰੀਕੀ ਦੂਤਘਰ ਨੂੰ ਕੀਤਾ ਤਲਬ
NEXT STORY