ਕੋਲੰਬੋ- ਸ਼੍ਰੀਲੰਕਾ ਵਿੱਚ ਸਤੰਬਰ-ਅਕਤੂਬਰ ਵਿੱਚ ਰਾਸ਼ਟਰਪਤੀ ਚੋਣਾਂ ਹੋਣ ਜਾ ਰਹੀਆਂ ਹਨ। ਹਾਲ ਹੀ ਵਿੱਚ, ਸ਼੍ਰੀਲੰਕਾ ਵਿੱਚ ਅਮਰੀਕੀ ਦੂਤਾਵਾਸ ਦੁਆਰਾ ਸਥਾਨਕ ਰਾਜਨੀਤੀ ਵਿੱਚ ਦਖਲਅੰਦਾਜ਼ੀ ਨੂੰ ਲੈ ਕੇ ਸਿਆਸਤ ਤੇਜ਼ ਹੋ ਗਈ ਹੈ। ਤਾਜ਼ਾ ਓਪੀਨੀਅਨ ਪੋਲ ਨੇ ਖੁਲਾਸਾ ਕੀਤਾ ਹੈ ਕਿ ਸ਼੍ਰੀਲੰਕਾ ਵਿੱਚ ਵਿਰੋਧੀ ਸੋਸ਼ਲਿਸਟ ਨੈਸ਼ਨਲ ਪੀਪਲਜ਼ ਪਾਰਟੀ (ਐਨ. ਪੀ. ਪੀ.) ਦੇ ਨੇਤਾ ਅਨੁਰਾ ਕੁਮਾਰਾ ਦਿਸਾਨਾਇਕੇ ਦਾ ਪਲੜਾ ਭਾਰੀ ਹੈ। ਸ਼੍ਰੀਲੰਕਾ ਵਿੱਚ ਅਮਰੀਕੀ ਦੂਤਾਵਾਸ ਉੱਤੇ ਦੋਸ਼ ਹੈ ਕਿ ਕਿ ਉਸ ਨੇ ਸੱਤਾਧਾਰੀ ਰਾਸ਼ਟਰਪਤੀ ਰਾਨਿਲ ਵਿਕਰਮਸਿੰਘੇ ਦੀ ਯੂਨਾਈਟਿਡ ਨੈਸ਼ਨਲ ਪਾਰਟੀ (ਯੂ. ਐਨ. ਪੀ.) ਅਤੇ ਮੁੱਖ ਵਿਰੋਧੀ ਧਿਰ ਸਾਮਗੀ ਜਨ ਬਲਾਵੇਗਾਆ (ਐਸ. ਜੇ. ਬੀ.) ਦਰਮਿਆਨ ਇੱਕ ਚੋਣ ਗੱਠਜੋੜ ਕਰਨ ਲਈ ਵਿਚੋਲਗੀ ਕੀਤੀ ਹੈ।
ਕੋਲੰਬੋ ਸਥਿਤ ਥਿੰਕ ਟੈਂਕ ਫੈਕਟਮ ਵਿੱਚ ਅੰਤਰਰਾਸ਼ਟਰੀ ਸਬੰਧਾਂ ਦੀ ਖੋਜਕਰਤਾ ਉਦਿਤਾ ਦੇਵਪ੍ਰਿਆ ਦਾ ਕਹਿਣਾ ਹੈ ਕਿ ਚੀਨ ਨੇ 2005 ਤੋਂ 2020 ਤੱਕ ਰਾਜਪਕਸ਼ੇ ਪਰਿਵਾਰ ਦੀ ਮਦਦ ਕੀਤੀ। ਗੋਟਾਬਾਯਾ ਰਾਜਪਕਸ਼ੇ ਦੇ ਸਮਰਥਕਾਂ ਨੇ 2022 ਵਿੱਚ ਉਸਦੇ ਖਿਲਾਫ ਇੱਕ ਪ੍ਰਦਰਸ਼ਨ ਦੌਰਾਨ ਨੇ ਦੋਸ਼ ਲਾਇਆ ਕਿ ਲੋਕਾਂ ਨੂੰ ਭੜਕਾਉਣ ਲਈ ਅਮਰੀਕਾ ਦਾ ਦਬਾਅ ਸੀ।
ਅਮਰੀਕਾ ਸ਼੍ਰੀਲੰਕਾ ਵਿੱਚ ਸਮਾਜਵਾਦੀ ਸਰਕਾਰ ਨਹੀਂ ਚਾਹੁੰਦਾ
ਸੂਤਰਾਂ ਦਾ ਕਹਿਣਾ ਹੈ ਕਿ ਅਮਰੀਕੀ ਰਾਜਦੂਤ ਜੂਲੀ ਚੁੰਗ ਸ਼੍ਰੀਲੰਕਾ ਵਿਚ ਅਨੁਰਾ ਕੁਮਾਰਾ ਦਿਸਾਨਾਇਕੇ ਦੀ 'ਸਮਾਜਵਾਦੀ' ਸਰਕਾਰ ਦੇ ਸੱਤਾ ਵਿਚ ਆਉਣ ਦੇ ਖਿਲਾਫ ਹੈ। ਜੂਲੀ 'ਤੇ ਰਾਨਿਲ ਲਈ ਲੋਕਾਂ ਨੂੰ ਪ੍ਰਭਾਵਿਤ ਕਰਨ ਦਾ ਦੋਸ਼ ਹੈ। ਅਮਰੀਕਾ ਰਾਨਿਲ ਲਈ ਵਿਰੋਧੀ ਧਿਰ ਨੂੰ ਇਕਜੁੱਟ ਕਰਨ ਲਈ ਗੁਪਤ ਮੁਹਿੰਮ ਚਲਾ ਰਿਹਾ ਹੈ। ਰਾਜਪਕਸ਼ੇ ਦੀ ਪਾਰਟੀ SLPP ਰਾਨਿਲ ਦੇ ਨਾਲ ਹੈ, ਜੇਕਰ SJB ਵੀ ਰਾਨਿਲ ਦਾ ਸਮਰਥਨ ਕਰਦੀ ਹੈ ਤਾਂ NPP ਨੂੰ ਹਰਾਉਣਾ ਆਸਾਨ ਹੋ ਜਾਵੇਗਾ।
ਵਿਰੋਧੀ ਧਿਰ ਨੂੰ ਮਨਾਉਣ ਦੀ ਜ਼ਿੰਮੇਵਾਰੀ ਵਿਦੇਸ਼ ਮੰਤਰੀ ਪੇਈਰਿਸ ਨੂੰ ਦਿੱਤੀ ਗਈ
ਜੂਲੀ ਚੁੰਗ ਵਿਦੇਸ਼ ਮੰਤਰੀ ਪ੍ਰੋ.ਜੀ.ਐਲ ਪੀਰੀਸ ਨਾਲ ਮੁਲਾਕਾਤ ਕੀਤੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਪੇਈਰਿਸ ਵਿਰੋਧੀ ਪਾਰਟੀ ਐੱਸ. ਜੇ. ਬੀ. 'ਚ ਸ਼ਾਮਲ ਹੋਣ ਜਾ ਰਹੇ ਹਨ। ਚੁੰਗ ਚਾਹੁੰਦਾ ਹੈ ਕਿ ਪੀਰੀਸ ਐਸ. ਜੇ. ਬੀ. ਰਾਨਿਲ ਨੂੰ ਸਾਂਝੇ ਉਮੀਦਵਾਰ ਵਜੋਂ ਸਵੀਕਾਰ ਕਰਨ ਲਈ ਸਹਿਮਤ ਹੋਵੇ। ਉੱਘੇ ਟਰੇਡ ਯੂਨੀਅਨ ਨੇਤਾ ਉਦੇਨੀ ਦਿਸਾਨਾਯਕੇ ਦਾ ਕਹਿਣਾ ਹੈ ਕਿ ਅਮਰੀਕਾ ਐਸ. ਐਲ. ਪੀ. ਪੀ. ਅਤੇ ਐਸ. ਜੇ. ਬੀ. ਨੂੰ ਇਕਜੁੱਟ ਕਰਨ ਲਈ ਵੱਡੇ ਪੱਧਰ 'ਤੇ ਮੁਹਿੰਮ ਚਲਾ ਰਿਹਾ ਹੈ।
2022 ਦੇ ਆਰਥਿਕ ਸੰਕਟ ਤੋਂ ਬਾਅਦ ਪ੍ਰਸਿੱਧ ਹੋਏ ਅਨੁਰਾ
2022 ਵਿੱਚ ਆਰਥਿਕ ਸੰਕਟ ਤੋਂ ਬਾਅਦ ਐਨ. ਪੀ. ਪੀ. ਨੇਤਾ ਅਨੁਰਾ ਕੁਮਾਰਾ ਦਿਸਾਨਾਇਕੇ ਤੇਜ਼ੀ ਨਾਲ ਪ੍ਰਸਿੱਧ ਹੋ ਗਏ ਹਨ। ਅਨੁਰਾ ਜੁਲਾਈ 2022 ਵਿੱਚ ਹੋਈਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਰਾਨਿਲ ਤੋਂ ਹਾਰ ਕੇ ਤੀਜੇ ਸਥਾਨ 'ਤੇ ਰਹੇ। ਮੰਨਿਆ ਜਾ ਰਿਹਾ ਹੈ ਕਿ ਅਨੁਰਾ ਅਗਲੀ ਰਾਸ਼ਟਰਪਤੀ ਚੋਣ ਜਿੱਤ ਸਕਦੇ ਹਨ। ਹਾਲ ਹੀ 'ਚ ਉਨ੍ਹਾਂ ਨੇ ਭਾਰਤ ਦੇ ਵਿਦੇਸ਼ ਮੰਤਰੀ ਐੱਸ ਜੈਸ਼ੰਕਰ ਨਾਲ ਮੁਲਾਕਾਤ ਕੀਤੀ ਸੀ। ਐਨ. ਪੀ. ਪੀ. ਦੇ ਵਫ਼ਦ ਨੇ ਦਸੰਬਰ ਵਿੱਚ ਚੀਨ ਦਾ ਦੌਰਾ ਵੀ ਕੀਤਾ ਸੀ।
ਬ੍ਰਿਟੇਨ: ਭਾਰਤੀ ਮੂਲ ਦੀ ਸਿਆਸਤਦਾਨ ਸ਼੍ਰੀਲਾ ਫਲੇਦਰ ਦਾ ਦਿਹਾਂਤ
NEXT STORY 
