ਜਲੰਧਰ (ਸੁਨੀਲ) : ਬੀਤੇ ਦਿਨੀਂ ਥਾਣਾ ਮਕਸੂਦਾਂ ਅਧੀਨ ਪੈਂਦੀ ਮੰਡ ਪੁਲਸ ਚੌਕੀ ਦੇ ਪੁਲਸ ਮੁਲਾਜ਼ਮਾਂ ਨੂੰ ਇਕ 10 ਸਾਲਾ ਬੱਚਾ ਮਿਲਿਆ ਸੀ, ਜਿਸ ਦੀ ਪਛਾਣ ਰਾਮਾਨੰਦ ਵਜੋਂ ਹੋਈ ਹੈ। ਬੱਚੇ ਨੂੰ ਆਪਣਾ ਨਾਂ ਤਾਂ ਪਤਾ ਸੀ ਪਰ ਘਰ ਦੀ ਪਤਾ ਨਹੀਂ। ਬੱਚੇ ਨੇ ਦੱਸਿਆ ਕਿ ਉਹ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਸੋਢਲ ਦੇ ਮੇਲੇ ਗਿਆ ਸੀ ਪਰ ਉਹ ਪਰਿਵਾਰ ਨਾਲੋਂ ਵੱਖ ਹੋ ਗਿਆ। ਇਹ ਖ਼ਬਰ ਪੰਜਾਬ ਕੇਸਰੀ ਨੇ ਪ੍ਰਮੁੱਖਤਾ ਨਾਲ ਛਾਪੀ ਸੀ। ਅੱਜ ਇਹ ਖ਼ਬਰ ਪੜ੍ਹ ਕੇ ਬੱਚੇ ਦੇ ਪਿਤਾ ਤੇ ਹੋਰ ਰਿਸ਼ਤੇਦਾਰ ਮੰਡ ਪੁਲਸ ਚੌਕੀ ਪੁੱਜੇ ਤੇ ਬੱਚੇ ਦੀ ਪਛਾਣ ਕੀਤੀ।
ਬੱਚੇ ਦੇ ਪਿਤਾ ਅਭਿਮਨਿਉ ਵਾਸੀ ਰਾਜ ਨਗਰ ਬਸਤੀ ਬਾਵਾ ਖੇਲ ਨੇ ਦੱਸਿਆ ਕਿ ਸੋਢਲ ਮੇਲੇ ਚ ਰਾਮਾਨੰਦ ਉਨ੍ਹਾਂ ਤੋਂ ਵਿਛੜਿਆ ਸੀ।ਉਨ੍ਹਾਂ ਦੱਸਿਆ ਕਿ ਰਾਮਾਨੰਦ ਘਰੋਂ ਲੜ ਕੇ ਕਿਤੇ ਚਲਾ ਗਿਆ ਸੀ, ਜਦ ਉਨ੍ਹਾਂ ਨੇ ਉਨ੍ਹਾਂ ਨੇ ਪਮਜੀਬ ਕੇਸਰੀ ਚ ਛਪੀ ਖ਼ਬਰ ਪੜ੍ਹੀ ਤਾਂ ਪਤਾ ਲੱਗਿਆ ਕਿ ਰਾਮਾਨੰਦ ਮੰਡ ਪੁਲਸ ਚੌਕੀ ਦੇ ਮੁਲਾਜ਼ਮਾਂ ਨਾਲ ਹੈ, ਜਿਸ ਮਗਰੋਂ ਉਹ ਪੁਲਸ ਚੌਕੀ ਆ ਗਏ। ਉਨ੍ਹਾਂ ਪੰਜਾਬ ਕੇਸਰੀ ਅਖ਼ਬਾਰ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਇਸ ਅਖ਼ਬਾਰ ਦੀ ਬਦੌਲਤ ਹੀ ਉਨ੍ਹਾਂ ਨੂੰ ਉਨ੍ਹਾਂ ਦਾ ਬੱਚਾ ਮਿਲਿਆ ਹੈ। ਮੰਡ ਪੁਲਸ ਚੌਕੀ ਦੇ ਇੰਚਾਰਜ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਬੱਚੇ ਨੂੰ ਪਰਿਵਾਰਕ ਮੈਂਬਰਾਂ ਹਵਾਲੇ ਕਰ ਦਿੱਤਾ ਗਿਆ ਹੈ।
ਕਾਂਗਰਸੀ ਕੌਂਸਲਰਾਂ ਵੱਲੋਂ ਮੇਅਰ ਨੂੰ ਲਿਖਤੀ ਸ਼ਿਕਾਇਤ, ਦਫਤਰ ’ਚ ਬੈਠਦੇ ਹੀ ਨਹੀਂ ਨਿਗਮ ਕਮਿਸ਼ਨਰ ਤੇ ਦੋਵੇਂ...
NEXT STORY 
