ਨਵੀਂ ਦਿੱਲੀ- ਆਪਣੀ ਚਮੜੀ ਦਾ ਧਿਆਨ ਰੱਖਣ ਲਈ ਬਹੁਤ ਸਾਰੇ ਲੋਕ ਵੈਕਸਿੰਗ ਕਰਵਾਉਂਦੇ ਹਨ ਜਾਂ ਆਪ ਹੀ ਘਰ ’ਚ ਕਰ ਲੈਂਦੇ ਹਨ। ਉਂਝ ਸਰੀਰ ਤੋਂ ਵਾਲ਼ ਹਟਾਉਣ ਦੇ ਬਹੁਤ ਸਾਰੇ ਤਰੀਕੇ ਹਨ ਪਰ ਫਿਰ ਵੀ ਕਈ ਔਰਤਾਂ ਵੈਕਸਿੰਗ ਦਾ ਸਹਾਰਾ ਲੈਂਦੀਆਂ ਹਨ ਕਿਉਂਕਿ ਇਸ ਦੇ ਜ਼ਰੀਏ ਤੁਸੀਂ ਇਨਗ੍ਰੋਥ ਵਾਲ਼ਾਂ ਨੂੰ ਸੌਖੇ ਤਰੀਕੇ ਨਾਲ ਸਾਫ਼ ਕਰ ਸਕਦੇ ਹੋ। ਇਸ ਨਾਲ ਚਮੜੀ ਜ਼ਿਆਦਾ ਕੋਮਲ ਹੋਣ ਲੱਗਦੀ ਹੈ। ਵੈਕਸਿੰਗ ਕਰਦੇ ਹੋਏ ਕੁਝ ਔਰਤਾਂ ਨੂੰ ਬੇਹੱਦ ਦਰਦ ਹੁੰਦਾ ਹੈ। ਇਸੇ ਲਈ ਅਸੀਂ ਤੁਹਾਨੂੰ ਕੁਝ ਅਜਿਹੇ ਤਰੀਕਿਆਂ ਬਾਰੇ ਦੱਸਦੇ ਹਾਂ, ਜਿਨ੍ਹਾਂ ਨੂੰ ਅਪਣਾਉਣ ਦੇ ਬਾਅਦ ਵੈਕਸਿੰਗ ਦੌਰਾਨ ਤੁਹਾਨੂੰ ਬਹੁਤ ਘੱਟ ਦਰਦ ਹੋਵੇਗਾ....
ਇਹ ਵੀ ਪੜ੍ਹੋ-ਭਾਰ ਘਟਾਉਣ ਅਤੇ ਸਰੀਰ ਦੀ ਕਮਜ਼ੋਰੀ ਨੂੰ ਦੂਰ ਕਰਦੈ ਚੁਕੰਦਰ ਦਾ ਜੂਸ, ਜਾਣੋ ਹੋਰ ਵੀ ਬੇਮਿਸਾਲ ਫ਼ਾਇਦੇ
ਬਰਫ਼ ਦੀ ਵਰਤੋਂ ਨਾ ਕਰੋ
ਮਾਹਿਰਾਂ ਅਨੁਸਾਰ ਕਈ ਔਰਤਾਂ ਵੈਕਸਿੰਗ ਤੋਂ ਪਹਿਲਾਂ ਬਰਫ਼ ਦੀ ਵਰਤੋਂ ਕਰਦੀਆਂ ਹਨ। ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਇਸ ਨਾਲ ਚਮੜੀ ਸੁੰਨ ਹੋ ਜਾਏਗੀ ਅਤੇ ਵੈਕਸਿੰਗ ਦਾ ਦਰਦ ਘੱਟ ਹੋਵੇਗਾ ਪਰ ਅਜਿਹਾ ਕੁਝ ਨਹੀਂ ਹੁੰਦਾ। ਬਰਫ਼ ਦੀ ਵਰਤੋਂ ਕਰਨ ਨਾਲ ਪੋਰਸ ਟਾਈਟ ਹੋ ਜਾਂਦੇ ਹਨ, ਜਿਸ ਕਾਰਨ ਵੈਕਸਿੰਗ ਦੌਰਾਨ ਕਾਫ਼ੀ ਦਰਦ ਹੁੰਦੀ ਹੈ।
ਚੁਣੋ ਸਹੀ ਪ੍ਰੋਫੈਸ਼ਨਲ
ਵੈਕਸਿੰਗ ਕਰਵਾਉਣ ਸਮੇਂ ਹੋਣ ਵਾਲੇ ਦਰਦ ਨੂੰ ਤੁਸੀਂ ਕਾਫ਼ੀ ਹੱਦ ਤੱਕ ਘੱਟ ਕਰ ਸਕਦੇ ਹੋ। ਤੁਸੀਂ ਕਿਸੇ ਵੀ ਸੈਲੂਨ ਜਾਂ ਪਾਰਲਰ ਵਿੱਚ ਵੈਕਸਿੰਗ ਕਰਾਉਣ ਤੋਂ ਬਚੋ। ਬਿਹਤਰ ਹੈ ਕਿ ਤੁਸੀਂ ਪਹਿਲਾਂ ਥੋੜ੍ਹਾ ਰਿਸਰਚ ਕਰ ਲਓ ਅਤੇ ਇਕ ਸਹੀ ਪ੍ਰੋਫੈਸ਼ਨਲ ਨੂੰ ਚੁਣੋ। ਜੇ ਤੁਸੀਂ ਅਜਿਹਾ ਕਰਨ ਵਿਚ ਸਮਰੱਥ ਹੋ ਜਾਂਦੇ ਹੋ ਤਾਂ ਪ੍ਰੋਫੈਸ਼ਨਲ ਸਹੀ ਤਕਨੀਕ ਦੀ ਵਰਤੋਂ ਕਰੇਗਾ ਅਤੇ ਤੁਹਾਨੂੰ ਬਹੁਤ ਘੱਟ ਦਰਦ ਹੋਵੇਗਾ।
ਬਾਡੀ ਸਕਰੱਬ ਦੀ ਕਰੋ ਵਰਤੋਂ
ਚਮੜੀ ਦੀ ਦੇਖਭਾਲ ਕਰਨ ਵਾਲੇ ਮਾਹਿਰ ਡਾਕਟਰ ਕਹਿੰਦੇ ਹਨ ਕਿ ਵੈਕਸਿੰਗ ਤੋਂ ਪਹਿਲਾਂ ਚਮੜੀ ਨੂੰ ਸਕਰੱਬ ਕਰਨਾ ਬਿਹਤਰ ਹੈ। ਦਰਅਸਲ ਜਦ ਤੁਸੀਂ ਅਜਿਹਾ ਕਰਦੇ ਹੋ ਤਾਂ ਇਸ ਨਾਲ ਮਰੀ ਹੋਈ ਚਮੜੀ ਬਾਹਰ ਨਿਕਲ ਜਾਂਦੀ ਹੈ। ਜਦੋਂ ਵਾਲ਼ਾਂ ਦੇ ਰੋਮ ਦੇ ਆਲੇ-ਦੁਆਲੇ ਦੀ ਮਰੀ ਚਮੜੀ ਬਾਹਰ ਨਿਕਲਦੀ ਹੈ ਤਾਂ ਇਸ ਨਾਲ ਵਾਲ਼ਾਂ ਨੂੰ ਕੱਢਣਾ ਸੌਖਾ ਹੋ ਜਾਂਦਾ ਹੈ।
ਇਹ ਵੀ ਪੜ੍ਹੋ-Beauty Tips : ਇਸ ਕੁਦਰਤੀ ਤਰੀਕੇ ਨਾਲ ਹਟਾਓ ਚਿਹਰੇ ’ਤੋਂ ਅਣਚਾਹੇ ਵਾਲ਼
ਟੋਨਰ ਦੀ ਵਰਤੋਂ ਨਾ ਕਰੋ
ਮਾਹਿਰਾਂ ਅਨੁਸਾਰ ਟੋਨਰ ਜਾਂ ਐਸਿਟਜੈਂਟ ਪੋਰਸ ਨੂੰ ਟਾਈਟ ਕਰਦਾ ਹੈ ਅਤੇ ਵਾਲ਼਼ਾਂ ਦੇ ਰੋਮ 'ਤੇ ਪਕੜ ਨੂੰ ਮਜ਼ਬੂਤ ਬਣਾਉਂਦੇ ਹਨ। ਅਜਿਹੇ ਵਿੱਚ ਟੋਨਰ ਦੀ ਵਰਤੋਂ ਤੋਂ ਬਾਅਦ ਵੈਕਸਿੰਗ ਕਰਵਾਉਣਾ ਬਹੁਤ ਦਰਦਨਾਕ ਹੋ ਜਾਵੇਗਾ।
ਇਥੇ ਨਾ ਕਰੋ ਵੈਕਸਿੰਗ
ਜਦ ਤੁਸੀਂ ਵੈਕਸਿੰਗ ਕਰਵਾ ਰਹੇ ਹੋ ਤਾਂ ਤੁਹਾਨੂੰ ਇਸ ਗੱਲ 'ਤੇ ਵੀ ਧਿਆਨ ਦੇਣਾ ਚਾਹੀਦਾ ਹੈ ਤੁਸੀਂ ਕਿੱਥੇ ਵੈਕਸਿੰਗ ਕਰਵਾ ਰਹੇ ਹੋ। ਮਸਲਨ, ਸਨਬਰਨ ਸਕਿਨ, ਮੋਲਸ, ਕਟਸ ਜਾਂ ਪਿੰਪਲਸ 'ਤੇ ਵੈਕਸਿੰਗ ਕਰਨ ਦੀ ਕੋਸ਼ਿਸ਼ ਨਾ ਕਰੋ। ਇਨ੍ਹਾਂ ਥਾਵਾਂ 'ਤੇ ਵੈਕਸਿੰਗ ਕਰਵਾਉਣਾ ਨਾ ਸਿਰਫ਼ ਖ਼ਤਰਨਾਕ ਹੈ ਸਗੋਂ ਇਸ ਨਾਲ ਤੁਹਾਨੂੰ ਬਹੁਤ ਤੇਜ਼ ਦਰਦ ਹੋਵੇਗਾ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।
ਸ਼ੂਗਰ ਸਣੇ ਸਰੀਰ ਦੀਆਂ ਕਈ ਬੀਮਾਰੀਆਂ ਨੂੰ ਦੂਰ ਕਰਦੈ 'ਜਾਮੁਨ', ਜਾਣੋ ਹੋਰ ਵੀ ਹੈਰਾਨੀਜਨਕ ਫ਼ਾਇਦੇ
NEXT STORY 
