ਨਵੀਂ ਦਿੱਲੀ: ਪਾਸਤਾ ਖਾਣ 'ਚ ਸਭ ਦਾ ਪਸੰਦੀਦਾ ਹੈ। ਇਸ ਨੂੰ ਬੱਚਿਆਂ ਤੋਂ ਲੈ ਕੇ ਵੱਡੇ ਬਹੁਤ ਚਾਅ ਨਾਲ ਖਾਂਧੇ ਹਨ। ਇਹ ਖਾਣ 'ਚ ਜਿੰਨਾ ਸੁਆਦ ਹੁੰਦਾ ਹੈ ਬਣਾਉਣਾ ਵੀ ਬੇਹੱਦ ਅਸਾਨ ਹੈ। ਆਓ ਜਾਣਦੇ ਹਾਂ ਪਾਸਤਾ ਬਣਾਉਣ ਦੀ ਵਿਧੀ...
ਇਹ ਵੀ ਪੜ੍ਹੋ:ਬੇਕਾਰ ਨਾ ਸਮਝੋ ਭਿੱਜੇ ਹੋਏ ਛੋਲਿਆਂ ਦਾ ਪਾਣੀ, ਸ਼ੂਗਰ ਦੇ ਮਰੀਜ਼ਾਂ ਸਣੇ ਇਨ੍ਹਾਂ ਲਈ ਵੀ ਹੈ ਲਾਹੇਵੰਦ
ਬਣਾਉਣ ਲਈ ਜ਼ਰੂਰੀ ਸਮੱਗਰੀ:
ਪਾਸਤਾ-1 ਕੱਪ
ਪਾਣੀ ਉੱਬਲਿਆ ਹੋਇਆ
ਲੂਣ-½ ਚਮਚਾ
ਮੱਖਣ-1 ਚਮਚਾ
ਤੇਲ-1 ਚਮਚਾ
ਲਸਣ-1 ਚਮਚਾ (ਬਰੀਕ ਕੱਟਿਆ ਹੋਇਆ)
ਗੰਢਾ- ½ (ਬਰੀਕ ਕੱਟਿਆ)
ਅਦਰਕ-1 ਚਮਚਾ (ਬਰੀਕ ਕੱਟਿਆ ਹੋਇਆ)
ਹਲਦੀ-1/4 ਚਮਚਾ
ਟਮਾਟਰ ਪਿਊਰੀ- 1ਕੱਪ
ਕਸ਼ਮੀਰੀ ਲਾਲ ਮਿਰਚ-1/2 ਚਮਚਾ
ਗਰਮ ਮਸਾਲਾ- ½ ਚਮਚਾ
ਸਵੀਟਕਾਰਨ- 2 ਚਮਚੇ
ਸ਼ਿਮਲਾ ਮਿਰਚ- ¼ ਕੱਪ (ਬਰੀਕ ਕੱਟੀ ਹੋਈ)
ਗਾਜਰ-1/4 ਕੱਪ (ਬਰੀਕ ਕੱਟੀ ਹੋਈ)
ਮਟਰ- 2 ਚਮਚੇ
ਬ੍ਰੋਕਲੀ- 5 ਕਲੀਆਂ।
ਇਹ ਵੀ ਪੜ੍ਹੋ:Beauty Tips: ਚਿਹਰੇ ਦੀ ਖ਼ੂਬਸੂਰਤੀ ਵਧਾਉਣ ਦੇ ਨਾਲ-ਨਾਲ ਵਾਲ਼ਾਂ ਲਈ ਵੀ ਲਾਹੇਵੰਦ ਹੈ ਗੁਲਾਬ ਜਲ
ਬਣਾਉਣ ਦੀ ਵਿਧੀ
ਸਭ ਤੋਂ ਪਹਿਲਾਂ ਪਾਸਤੇ ਨੂੰ ਉਬਾਲੋ ਅਤੇ ਇਸ ਨੂੰ ਪਾਣੀ ਤੋਂ ਬਾਹਰ ਕੱਢ ਕੇ ਕੁਝ ਸਮੇਂ ਲਈ ਰੱਖੋ। ਫਿਰ ਕੜਾਹੀ ਵਿਚ ਤੇਲ ਅਤੇ ਮੱਖਣ ਪਾ ਕੇ ਥੋੜ੍ਹਾ ਜਿਹਾ ਗਰਮ ਕਰੋ ਅਤੇ ਇਸ ਵਿਚ ਅਦਰਕ-ਲਸਣ ਨੂੰ ਥੋੜ੍ਹੀ ਦੇਰ ਲਈ ਭੁੰਨੋ। ਕੜਾਹੀ ਵਿਚ ਗੰਢੇ ਪਾਓ ਅਤੇ ਹਲਕਾ ਭੂਰਾ ਹੋਣ ਤੱਕ ਫਰਾਈ ਕਰੋ। ਟਮਾਟਰ ਦੀ ਪਿਊਰੀ ਪਾਓ ਅਤੇ ਪੂਰਾ ਗਾੜ੍ਹਾ ਹੋਣ ਤੱਕ ਪਕਾਓ। ਹੁਣ ਕੜਾਹੀ ਵਿਚ ਹਲਦੀ, ਲਾਲ ਮਿਰਚ ਪਾਊਡਰ, ਗਰਮ ਮਸਾਲਾ ਅਤੇ ਲੂਣ ਪਾਓ।
ਮਸਾਲਾ ਚੰਗੀ ਤਰ੍ਹਾਂ ਭੁੰਨੋ। ਹੁਣ ਕੜਾਹੀ ਵਿਚ ਸਵੀਟਕਾਰਨ, ਗਾਜਰ, ਮਟਰ ਅਤੇ ਬ੍ਰੋਕਲੀ ਸ਼ਾਮਲ ਕਰੋ ਅਤੇ ਕੁਝ ਦੇਰ ਲਈ ਪਕਾਓ। ਤਿੰਨ ਚਮਚੇ ਪਾਣੀ ਪਾਓ ਅਤੇ ਮਿਕਸ ਕਰੋ। ਕੜਾਹੀ ਨੂੰ ਕੁਝ ਸਮੇਂ ਲਈ ਢੱਕ ਦਿਓ ਅਤੇ ਸਬਜ਼ੀਆਂ ਨੂੰ ਪੰਜ ਮਿੰਟ ਲਈ ਘੱਟ ਗੈਸ ਤੇ ਪਕਾਓ। ਟਮਾਟਰ ਦੀ ਚਟਨੀ ਪਾ ਕੇ ਮਿਕਸ ਕਰੋ। ਹੁਣ ਉਬਾਲੇ ਹੋਏ ਪਾਸਤੇ ਨੂੰ ਮਸਾਲੇ ਵਿਚ ਪਾਓ ਅਤੇ ਚੰਗੀ ਤਰ੍ਹਾਂ ਹਿਲਾਉਂਦੇ ਹੋਏ ਹੌਲੀ ਅੱਗ 'ਤੇ ਥੋੜ੍ਹਾ ਪਕਾਓ ਅਤੇ ਕੁਝ ਮਿੰਟ ਬਾਅਦ ਖਾ ਲਓ। ਤੁਸੀਂ ਚਾਹੋ ਤਾਂ ਇਸ 'ਤੇ ਟੋਮੈਟੋ ਸਾਪ ਪਾ ਸਕਦੇ ਹੋ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।
Beauty Tips: ਜਾਣੋ ਬਾਡੀ ਲੋਸ਼ਨ ਅਤੇ ਬਾਡੀ ਆਇਲ ’ਚੋਂ ਕਿਹੜਾ ਹੈ ਬਿਹਤਰ, ਕਿੰਝ ਕਰੀਏ ਇਸ ਦੀ ਵਰਤੋਂ
NEXT STORY