ਵੈੱਬ ਡੈਸਕ - ਗਰਮੀ ਦਾ ਮੌਸਮ ਆਉਂਦੇ ਹੀ ਨਾ ਸਿਰਫ਼ ਚਮੜੀ ਸਗੋਂ ਸਾਡੇ ਵਾਲਾਂ 'ਤੇ ਵੀ ਇਸ ਦਾ ਬੁਰਾ ਅਸਰ ਦਿਖਾਈ ਦੇਣ ਲੱਗਦਾ ਹੈ। ਅਕਸਰ ਦੇਖਿਆ ਗਿਆ ਹੈ ਕਿ ਗਰਮੀਆਂ 'ਚ ਵਾਲਾਂ ਦੇ ਝੜਨ ਦੀ ਸਮੱਸਿਆ 30% ਤੋਂ 40% ਤੱਕ ਵਧ ਜਾਂਦੀ ਹੈ। ਜੇਕਰ ਤੁਸੀਂ ਵੀ ਇਸ ਸਮੱਸਿਆ ਤੋਂ ਪਰੇਸ਼ਾਨ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਸਿਹਤ ਮਾਹਿਰਾਂ ਨੇ ਵਾਲ ਝੜਨ ਦੇ ਕੁਝ ਅਜਿਹੇ ਕਾਰਨ ਦੱਸੇ ਹਨ, ਜਿਨ੍ਹਾਂ ਨੂੰ ਅਸੀਂ ਅਕਸਰ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ।
ਗਰਮੀਆਂ 'ਚ ਵਾਲ ਝੜਨ ਦੇ 5 ਵੱਡੇ ਕਾਰਨ
ਤੇਜ਼ ਧੁੱਪ ਅਤੇ UV ਕਿਰਨਾਂ
- ਸੂਰਜ ਦੀ ਸਿੱਧੀ ਧੁੱਪ ਵਾਲਾਂ ਦੀ ਕੁਦਰਤੀ ਨਮੀ ਖ਼ਤਮ ਕਰ ਦਿੰਦੀ ਹੈ, ਜਿਸ ਨਾਲ ਵਾਲ ਕਮਜ਼ੋਰ ਹੋ ਕੇ ਜੜ੍ਹਾਂ ਤੋਂ ਟੁੱਟਣ ਲੱਗਦੇ ਹਨ।
ਪਸੀਨਾ ਅਤੇ ਨਮੀ
- ਸਿਰ 'ਚ ਜ਼ਿਆਦਾ ਪਸੀਨਾ ਆਉਣ ਕਾਰਨ ਧੂੜ-ਮਿੱਟੀ ਜੜ੍ਹਾਂ 'ਚ ਜਮਾਂ ਹੋ ਜਾਂਦੀ ਹੈ, ਜਿਸ ਨਾਲ 'ਸਕੈਲਪ ਇਨਫੈਕਸ਼ਨ' ਅਤੇ ਡੈਂਡਰਫ ਦੀ ਸਮੱਸਿਆ ਵਧਦੀ ਹੈ।
ਪਾਣੀ ਦੀ ਕਮੀ
- ਗਰਮੀਆਂ 'ਚ ਸਰੀਰ ਅੰਦਰ ਪਾਣੀ ਦੀ ਕਮੀ ਹੋ ਜਾਂਦੀ ਹੈ, ਜਿਸਦਾ ਸਿੱਧਾ ਅਸਰ ਵਾਲਾਂ ਦੀ ਸਿਹਤ 'ਤੇ ਪੈਂਦਾ ਹੈ ਅਤੇ ਉਹ ਬੇਜਾਨ ਹੋ ਜਾਂਦੇ ਹਨ।
ਕਲੋਰੀਨ ਵਾਲਾ ਪਾਣੀ
- ਸਵਿਮਿੰਗ ਪੂਲ ਵਿੱਚ ਨਹਾਉਣ ਨਾਲ ਪਾਣੀ 'ਚ ਮੌਜੂਦ ਕਲੋਰੀਨ ਵਾਲਾਂ ਨੂੰ ਬਹੁਤ ਨੁਕਸਾਨ ਪਹੁੰਚਾਉਂਦੀ ਹੈ।
ਵਾਰ-ਵਾਰ ਵਾਲ ਧੋਣਾ
- ਰੋਜ਼ਾਨਾ ਸ਼ੈਂਪੂ ਕਰਨ ਨਾਲ ਸਿਰ ਦੀ ਚਮੜੀ ਦਾ ਕੁਦਰਤੀ ਤੇਲ ਖ਼ਤਮ ਹੋ ਜਾਂਦਾ ਹੈ, ਜੋ ਵਾਲਾਂ ਦੇ ਝੜਨ ਦਾ ਮੁੱਖ ਕਾਰਨ ਬਣਦਾ ਹੈ।
ਵਾਲਾਂ ਨੂੰ ਬਚਾਉਣ ਲਈ ਮਾਹਿਰਾਂ ਦੇ ਸੁਝਾਅ :-
- ਬਾਹਰ ਨਿਕਲਣ ਸਮੇਂ ਵਾਲਾਂ ਨੂੰ ਸਕਾਰਫ਼ ਜਾਂ ਟੋਪੀ ਨਾਲ ਢੱਕੋ।
- ਦਿਨ 'ਚ ਘੱਟੋ-ਘੱਟ 3-4 ਲੀਟਰ ਪਾਣੀ ਪੀਓ ਅਤੇ ਫਲ ਖਾਓ।
- ਗਰਮੀਆਂ 'ਚ ਵਾਲਾਂ 'ਤੇ ਕਲਰ ਜਾਂ ਜ਼ਿਆਦਾ ਹੀਟਿੰਗ ਟੂਲਸ ਦੀ ਵਰਤੋਂ ਨਾ ਕਰੋ।
- ਹਫ਼ਤੇ 'ਚ ਇਕ ਵਾਰ ਦਹੀਂ ਜਾਂ ਐਲੋਵੇਰਾ ਜੈੱਲ ਲਗਾਉਣ ਨਾਲ ਵਾਲਾਂ ਨੂੰ ਠੰਢਕ ਮਿਲਦੀ ਹੈ ਅਤੇ ਜੜ੍ਹਾਂ ਮਜ਼ਬੂਤ ਹੁੰਦੀਆਂ ਹਨ।
ਨੋਟ :- ਜੇਕਰ ਵਾਲ ਬਹੁਤ ਜ਼ਿਆਦਾ ਮਾਤਰਾ 'ਚ ਝੜ ਰਹੇ ਹਨ, ਤਾਂ ਤੁਰੰਤ ਕਿਸੇ ਚਮੜੀ ਦੇ ਮਾਹਿਰ ਨਾਲ ਸੰਪਰਕ ਕਰੋ।
ਬਾਰਡਰ 'ਤੇ ਹੁਣ ਜਵਾਨ ਨਹੀਂ, ਮਗਰਮੱਛ ਕਰਨਗੇ ਦੇਸ਼ ਦੀ ਰਾਖੀ ! BSF ਨੇ ਖਿੱਚੀ ਤਿਆਰੀ
NEXT STORY 
