ਵੈੱਬ ਡੈਸਕ - ਅੱਜ-ਕੱਲ੍ਹ ਦੀ ਬਦਲਦੀ ਜੀਵਨ ਸ਼ੈਲੀ, ਸਰਦੀ, ਧੁੱਪ, ਡੀਹਾਈਡ੍ਰੇਸ਼ਨ ਅਤੇ ਗਲਤ ਲਿਪ ਕੇਅਰ ਕਾਰਨ ਬੁੱਲ੍ਹ ਅਕਸਰ ਕਾਲੇ, ਫਟੇ ਅਤੇ ਰੁੱਖੇ ਹੋ ਜਾਂਦੇ ਹਨ। ਹਾਲਾਂਕਿ ਬਾਜ਼ਾਰ 'ਚ ਕਈ ਮਹਿੰਗੇ ਉਤਪਾਦ ਉਪਲਬਧ ਹਨ, ਪਰ ਤੁਸੀਂ ਸਿਰਫ਼ 7 ਦਿਨਾਂ ਤੱਕ 3 ਆਸਾਨ ਘਰੇਲੂ ਕਦਮਾਂ ਦੀ ਪਾਲਣਾ ਕਰਕੇ ਆਪਣੇ ਬੁੱਲ੍ਹਾਂ ਨੂੰ ਮੁੜ ਕੁਦਰਤੀ ਤੌਰ 'ਤੇ ਮੁਲਾਇਮ ਅਤੇ 'ਬੇਬੀ ਪਿੰਕ' ਬਣਾ ਸਕਦੇ ਹੋ।
ਡੈੱਡ ਸਕਿਨ ਹਟਾਉਣ ਲਈ ਸਕ੍ਰੱਬ
ਬੁੱਲ੍ਹਾਂ ਦੀ ਖੂਬਸੂਰਤੀ ਲਈ ਸਭ ਤੋਂ ਪਹਿਲਾਂ ਉਨ੍ਹਾਂ ਦੀ ਸਫਾਈ ਜ਼ਰੂਰੀ ਹੈ। ਬੁੱਲ੍ਹਾਂ 'ਤੇ ਜਮ੍ਹਾ ਡੈੱਡ ਸਕਿਨ ਕਾਰਨ ਉਹ ਕਾਲੇ ਦਿਖਾਈ ਦਿੰਦੇ ਹਨ। ਇਸ ਲਈ ਹਫ਼ਤੇ 'ਚ 2-3 ਵਾਰ ਚੀਨੀ ਅਤੇ ਸ਼ਹਿਦ ਨੂੰ ਮਿਲਾ ਕੇ ਬਣਾਏ ਗਏ ਕੁਦਰਤੀ ਸਕ੍ਰਬ ਨਾਲ 1-2 ਮਿੰਟ ਤੱਕ ਹਲਕੇ ਹੱਥਾਂ ਨਾਲ ਮਾਲਿਸ਼ ਕਰੋ ਅਤੇ ਫਿਰ ਗੁਣਗੁਣੇ ਪਾਣੀ ਨਾਲ ਸਾਫ਼ ਕਰ ਲਓ।
ਡੂੰਘਾਈ ਨਾਲ ਮਾਇਸਚਰਾਈਜ਼ ਕਰਨਾ
ਸਕ੍ਰਬਿੰਗ ਤੋਂ ਬਾਅਦ ਬੁੱਲ੍ਹਾਂ ਨੂੰ ਨਮੀ ਦੇਣਾ ਬਹੁਤ ਜ਼ਰੂਰੀ ਹੈ ਤਾਂ ਜੋ ਉਹ ਹੋਰ ਨਾ ਸੁੱਕਣ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਨਾਰੀਅਲ ਤੇਲ, ਬਦਾਮ ਦਾ ਤੇਲ ਜਾਂ ਦੇਸੀ ਘਿਓ ਨਾਲ ਬੁੱਲ੍ਹਾਂ ਦੀ ਹਲਕੀ ਮਾਲਿਸ਼ ਕਰੋ। ਇਹ ਬੁੱਲ੍ਹਾਂ ਨੂੰ ਅੰਦਰੋਂ ਪੋਸ਼ਣ ਦਿੰਦਾ ਹੈ, ਜਿਸ ਨਾਲ ਉਹ ਹੌਲੀ-ਹੌਲੀ ਗੁਲਾਬੀ ਹੋਣ ਲੱਗਦੇ ਹਨ।
ਕੁਦਰਤੀ ਨਿਖਾਰ ਲਈ ਘਰੇਲੂ ਨੁਸਖੇ
ਬੁੱਲ੍ਹਾਂ ਦੀ ਗੁਲਾਬੀ ਰੰਗਤ ਵਧਾਉਣ ਲਈ ਚੁਕੰਦਰ ਦਾ ਰਸ, ਗੁਲਾਬ ਦੀਆਂ ਪੱਤੀਆਂ ਜਾਂ ਸ਼ਹਿਦ ਅਤੇ ਨਿੰਬੂ ਦਾ ਮਿਸ਼ਰਣ ਬਹੁਤ ਪ੍ਰਭਾਵਸ਼ਾਲੀ ਹੈ। ਰੋਜ਼ਾਨਾ ਰਾਤ ਨੂੰ ਚੁਕੰਦਰ ਦਾ ਰਸ ਲਗਾਉਣ ਨਾਲ ਇਸ 'ਚ ਮੌਜੂਦ ਕੁਦਰਤੀ ਪਿਗਮੈਂਟ ਬੁੱਲ੍ਹਾਂ ਨੂੰ ਗੁਲਾਬੀ ਬਣਾਉਣ 'ਚ ਮਦਦ ਕਰਦੇ ਹਨ।
ਇਨ੍ਹਾਂ ਗੱਲਾਂ ਦਾ ਵੀ ਰੱਖੋ ਖਾਸ ਧਿਆਨ :-
* ਸਰੀਰ ਨੂੰ ਹਾਈਡ੍ਰੇਟ ਰੱਖਣ ਲਈ ਦਿਨ ਭਰ ਭਰਪੂਰ ਪਾਣੀ ਪੀਓ।
* ਧੁੱਪ 'ਚ ਨਿਕਲਣ ਵੇਲੇ SPF ਵਾਲੇ ਲਿਪ ਬਾਮ ਦੀ ਵਰਤੋਂ ਕਰੋ।
* ਬੁੱਲ੍ਹਾਂ ਨੂੰ ਵਾਰ-ਵਾਰ ਜੀਭ ਨਾਲ ਗਿੱਲਾ ਕਰਨ ਦੀ ਆਦਤ ਤੋਂ ਬਚੋ, ਕਿਉਂਕਿ ਇਸ ਨਾਲ ਉਹ ਹੋਰ ਜ਼ਿਆਦਾ ਸੁੱਕ ਜਾਂਦੇ ਹਨ।
ਨਿਯਮਿਤ ਰੂਪ 'ਚ ਇਨ੍ਹਾਂ ਤਰੀਕਿਆਂ ਨੂੰ ਅਪਣਾ ਕੇ ਤੁਸੀਂ ਸਿਰਫ਼ ਇਕ ਹਫ਼ਤੇ 'ਚ ਫਰਕ ਮਹਿਸੂਸ ਕਰੋਗੇ ਅਤੇ ਤੁਹਾਡੇ ਬੁੱਲ੍ਹ ਨਰਮ ਤੇ ਚਮਕਦਾਰ ਨਜ਼ਰ ਆਉਣਗੇ।
ਮਹਿੰਗੇ ਫੇਸ਼ੀਅਲ ਦੀ ਹੋ ਜਾਵੇਗੀ ਛੁੱਟੀ! ਰਸੋਈ 'ਚ ਰੱਖਿਆ ਨਿੰਬੂ ਇੰਝ ਚਮਕਾਏਗਾ ਤੁਹਾਡਾ ਚਿਹਰਾ
NEXT STORY 
